Yeremiya 23:2 - Xitsonga (Bibele)

² Hikwalaho, Yehovha, Xikwembu xa Israele, a nge eka varisi lava risaka tiko ra mina: “Mi hangalasile ntlhambi wa mina, mi wu hlongola, a mi wu kambelanga; vonani, ndzi ta tlherisela eka n'wina hi vumbabva bya ku endla ka n'wina, ku vula Yehovha.

BIBELE Mahungu Lamanene

² Mina HOSI Xikwembu xa Vaisraele, ndzi byela n'wina varisi, n'wina mi faneleke ku hlayisa ntlhambi wa mina, ndzi ri: Mi hangalasile tinyimpfu ta mina, mi ti hlongola mi nga ti hlayisi. Hikokwalaho ndzi ta mi ba, ndzi mi bela mintirho ya n'wina leyo biha.

Yeremiya 23:2 Referans Kwoze

Mikiya 7:4

La tlulaka van'wana hi vunene u kotisa xigatlu, ni loyi a va tlulaka hi ku lulama u fana ni xihlahla xa mitwa. Ku biwa ka wena ku ta humelela hi siku leri vuriwaka hi malandza ya wena, hikwalaho va ta khomiwa hi tingana.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Eksoda 32:34

Suka sweswi, u fambisa tiko laha ndzi ku leriseke kona. Vona, ntsumi ya mina yi ta ku rhangela emahlweni, kambe siku leri ndzi nga ta avanyisa, ndzi ta va bela ku dyoha ka vona.”

Yeremiya 23:34

Loko a ri muprofeta, ni loko a ri muprista, ni loko a ri wa tiko la nga vulavulaka, a ku: ‘Masungulo ya Yehovha,’ ndzi ta holovela munhu yeloyi, yena ni yindlu ya yena.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Matewu 25:43

a ndzi ri muendzi, a mi ndzi rhurhelanga, a ndzi swerile, a mi ndzi funengetanga; a ndzi ri evuvabyini ni le khotsweni, a mi tanga mi ta ndzi kamba.’

Hosiya 2:13

Kutani ndzi ta n'wi tshinya hi masiku ya va Baali lawa a va hiseleke gandzelo ha wona, a vuya a landzela swigangu swa yena, a tibombisa hi swingwavila ni vuhlalu; kasi mina wa ndzi rivala, ku vula Yehovha.

Yeremiya 13:21

“U ta ku yini, siku ku vekiwaka ehenhla ka wena ku ku fuma, lava u va toloveteke rirhandzu ra wena xana? Xana u nga ka u nga khomiwi hi ku vaviseka, kukotisa wansati la velekaka-ke?

Yeremiya 11:22

Hikwalaho Yehovha wa tinyimpi u vula a ku: ‘Langutani, ndzi ta va ba! Lavantshwa va ta fa hi tlhari, ni vana va vona va xinuna ni va xisati va fa hi ndlala.

Yeremiya 8:12

Va ta avanyiseriwa makumu, hikuva va endlile manyala; a va ha tshukisiwi, a va ha khomisiwi hi tingana, hikwalaho va ta khunguvanyeka lava khunguvanyekaka; siku ndzi va tshinyaka va ta wisiwa, ku vula Yehovha.

Yeremiya 5:29

Xana ndzi nga tshika ku tshinya swilo leswo tano xana?” ku vula Yehovha; “kumbe ndzi nga tshika ku tirihisela eka tiko lero tano xana?

Yeremiya 5:9

Xana, ndzi nga tshika ku tshinya swilo sweswo, ku vula Yehovha, kumbe ndzi nga tshika ku tirihisela eka tiko lero tano xana?

Matewu 25:36

a ndzi swerile, mi ndzi funengetile; a ndzi vabya, mi tile mi ta ndzi kamba; a ndzi ri ekhotsweni, mi tile eka mina.’

Yeremiya 10:21

Hikuva varisi va hungukile, a va lavanga Yehovha; hikwalaho a va tlharihanga, kutani mitlhambi hinkwayo ya vona yi hangalasiwile.

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

Yeremiya 13:20

“Yimisa mahlo ya wena, u languta lava humaka en'walungwini! Wu kwihi ntlhambi lowu ngi u wu nyikiwile, ntlhambi wa ku twala ka wena?

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Ezekiele 34:5

Ti hangalakile hi ku pfumala murisi; kutani swi va swakudya swa swivandza hinkwaswo swa nhova, loko ti hangalakile.

Zakariya 11:16

Hikuva ndzi ta pfuxa emisaveni, murisi loyi a nga taka a nga hlayisi tinyimpfu leti lovaka, a nga lavi leyi lahlekeke, leyi tshovekeke, a nga yi ongoli, ni leyi fambaka a nga ka a nga yi phameli, ntsena u ta dya nyama ya leti noneke, a ko a pandza ni swinyondzwana swa tona.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Zakariya 10:3

“Vukari bya mina byi pfurhele varisi, ndzi ta tshinya swiphongo; hikuva Yehovha wa tinyimpi u endzela ntlhambi wa yena, yi nga yindlu ya Yuda, u ta yi endla hanci ya yena yo saseka enyimpini.