Yeremiya 23:19 - Xitsonga (Bibele)

¹⁹ Vona, xihuhuri xa Yehovha hi xolexo; vukari lebyi hisaka byi humile ehandle, xihuhuri lexi huhutelaka xi ta huhutela etinhlokweni ta lavo biha.

BIBELE Mahungu Lamanene

¹⁹ Vukari bya HOSI Xikwembu bya vonaka, hi lebyi! Byi fana ni xihuhuri lexi hungaka xi ba lavo homboloka.

Yeremiya 23:19 Referans Kwoze

Yeremiya 30:23

“Vona xihuhuri xa Yehovha hi xexo; ku kariha loku hisaka ku humele ehandle, i xihuhuri lexi mbvungunyaka, xi ta mbvungunyisa etinhlokweni ta lavo biha.

Yeremiya 25:32

“Yehovha wa mavandla u vula a ku: Vonani ku biha ku huma etikweni rin'wana ku ya etikweni rin'wana, xihuhuri lexi chavisaka xi ta pfuka emakun'wini ya misava.

Amosi 1:14

ndzi ta lumeka ndzilo exikarhi ka rihlampfu ra Rhaba, wu ta hisa tindlu ta kona ta vukosi exikarhi ka nkosi esikwini ra nyimpi, exikarhi ka mheho esikwini ra xidzedze.

Esaya 21:1

Tanihi swidzedze swa dzonga leswi hungaka emananga, wa ta, u huma emisaveni leyi chavisaka.

Swivuriso 10:25

Hilaha xihuhuri xi hundzaka hakona, lowo biha u hundzisa sweswo; Kambe la lulameke u tiyile makumu.

Zakariya 9:14

Yehovha u ta humelela a tlakuka ehenhla ka vona, nseve wa yena wu ta copiwa kukota rihati. Hosi Yehovha u ta yimba nanga, u ta famba a ri exidzedzeni lexi humaka edzongeni.

Yeremiya 4:11

Enguveni yoleyo ku ta byeriwa tiko leri na Yerusalema, leswaku moya lowu hisaka wu huma eswitsungeni swa xivandzawulo, wa hungela endleleni ya nhwanyana wu tiko ra mina; ku nga ri ku peperha, ni loko ku ri ku hlungula.

Esaya 40:24

Va nga si simekiwa ni ku byariwa, nsinya wa vona wu nga si va ni timitsu emisaveni wa huhuta ehenhla ka vona, kutani va vuna, kutani xihuhuri xi va vutla tanihi mungu.

Swivuriso 1:27

Siku ku chava ku mi humelelaka kukotisa xidzedze, Ni makhombo ma mi tsutsumela kukotisa xihuhuri; Kutani mahlomulo ni mbitsi ya mbilu swi mi wela ehenhla,

Pisalema 58:9

Loko timbita ta n'wina ti nga si twa swigatlu, Leswa rihlaza kumbe leswa ku pfurha swi ta vutliwa hi xihuhuri.

Yeremiya 51:1

Yehovha u ri: Vona, ndza ha pfuxela Babilona ni vaaki va le tikweni ra Kalediya, moya lowu onhaka;

Ezekiele 1:4

A ndzi languta, kutani ku huma en'walungwini emheho leya matimba, ni papa lerikulu, ni ndzilo lowukulukumba lowu nga voninga hi matlhelo hinkwawo; exikarhi ka wona a ku vonaka xilo lexi nga fana ni koporo leyi vangamaka swinene.

Zakariya 7:14

“Ndzi va hangalasile hi mheho exikarhi ka matiko hinkwawo lawa va nga ma tivangiki, tiko ri sala ri onhakile endzhaku ka vona, ku pfumaleka la hundzaka kona ni la tlhelelaka kona, va hundzurile tiko lerinene rhumbi.”

Yeremiya 25:31

Mpfumawulo wu ta fika emakun'wini ya misava, hikuva Yehovha u ni mitengo ni matiko, u tenga ni hinkwavo valavo yi nga nyama; u ta nyika lavo biha fumu, ku vula Yehovha.’

Yeremiya 30:24

Vukari bya Yehovha byi nga ka byi nga tlheri a nga si endla ni ku heta ku anakanya ka mbilu ya yena. Emikarhini yo hetelela, mi ta va ni ku twisisa ka kona.

Ezekiele 13:13

“Hikwalaho, ku vula Hosi Yehovha: Hi vukari bya mina ndzi ta pfuxa xidzedze; hi vukari bya mina ku ta na mpfula leyikulu, ndzi ta nisa xihangu xo mbundzuxa.