Yeremiya 23:17 - Xitsonga (Bibele)

¹⁷ Va tshama va vula eka lava ndzi sandzaka, va ku: Rito ra Yehovha ri ri: ‘Ku tsaka ku ta va kona eka n'wina,’ ni ka hinkwavo lava fambaka hi ku nonon'hwa ka timbilu ta vona, va ku: ‘Mi nga ka mi nga humeleli hi swo biha.’ ”

BIBELE Mahungu Lamanene

¹⁷ Minkarhi hinkwayo vaprofeta lava va byela lava sandzaka rito ra mina, va ku: ‘Mintirho ya n'wina yi ta kateka!’ Hinkwavo lava omeke tinhloko, vaprofeta va va byela va ku: ‘A mi nga voni nchumu xo biha!’

Yeremiya 23:17 Referans Kwoze

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Yeremiya 13:10

Hikuva tiko leri ro homboloka leri alaka ku yingisa rito ra mina, leri tifambelaka hi ku navela ka mbilu ya rona, leri landzelaka swikwembu swa matiko man'wana ku swi tirhela ni ku swi khinsamela, ri ta hundzuka ri fana ni vamba leri nga pfuniki nchumu.

Amosi 9:10

Vadyohi hinkwavo va tiko ra mina lava nge: ‘Khombo ri nga ka ri nga va tshineleri, ri nga ka ri nga va khomi, va ta dlawa hi fumu.’

Mikiya 3:5

Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

Yeremiya 9:14

kambe va tifambele hi ku nonon'hwa ka timbilu ta vona, ni ku landzela va Baali, hilaha va dyondzisiweke hakona hi vatata wa vona.”

Yeremiya 8:11

Kutani va ongola hi ku olova mbanga ya n'wana wa tiko ra mina, loko va ku: ‘Ku rhurile, ku rhurile!’ Kasi a ku na ku rhula.

Yeremiya 5:12

Va landzule Yehovha, va ku: “A nga kona; khombo ri nga ka ri nga hi humeleri, kambe hi nga ka hi nga voni fumu, hambi yi ri ndlala.

Duteronoma 29:19

kambe ku nga tshuki ku va ri munhu, kutakuloko a yingisile marito ya ndzhukano, a miyeta mbilu ya yena, a ku: ‘Ndzi ta va ni ku rhula, hambi ndzi nga famba eku tirhandzeleni ka mbilu yanga,’ leswaku la xurheke a kokela la nga ni torha.

Zakariya 10:2

Hikuva titerafi ti vula swahava. Vangoma va bvumbhile swa mavunwa, i milorho yo xisa leyi va nga yi lorha, va chavelela hi swahava. Hikwalaho, tiko ri sukile kukotisa ntlhambi, va xaniseka hi ku pfumala murisi.

Ezekiele 13:22

Leswi mi hlunamisaka moya wa lowo lulama hi mavunwa ya n'wina, kasi mina a ndzi n'wi hlunamisanga; ma tiyisa mandla ya lowo biha leswaku a nga hundzuki emikhuveni ya yena leyo biha ku kuma vutomi;

Ezekiele 13:10

Hinkwaswo leswi, swi ta humelela, hikuva va hambukisa tiko ra mina, loko va ku: ‘Ku rhula ku kona,’ kasi ku rhula a ku kona. Tiko ra mina ri aka khumbi, kutani va ri phama hi ndzhope.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Yeremiya 6:14

Kutani va ongola hi ku vevuka mbanga ya n'wana wa tiko ra mina. Va ku: ‘Ku rhurile, ku rhurile!’ Kasi a ku na ku rhula.

Yeremiya 3:17

Emikarhini yoleyo va ta vula leswaku Yerusalema, i xiluvelo xa Yehovha; matiko hinkwawo ma ta hlengeletana eYerusalema, hi vito ra Yehovha, kutani a va nga ha rhambi hi ku nonon'hwa ka timbilu ta vona.

Tinhlayo 11:20

kambe mi ta dya n'hweti hinkwayo, yi ko yi huma etinhompfini ta n'wina, mi yi nyenya, hikuva mi sandzile Yehovha la nga exikarhi ka n'wina; mi va mi rila emahlweni ka yena, mi ku: “Hi humele yini-ke eEgipta?” ’ ”

1 Vatesalonika 4:8

Hikwalaho la hi sandzaka a nga sandzi munhu, kambe u sandza Xikwembu lexi ngheniseke Moya wa xana lowo saseka eka n'wina.

Luka 10:16

La mi yingisaka, wa ndzi yingisa; la mi tshikaka, wa ndzi tshika: kutani la ndzi tshikaka, u tshika la ndzi rhumeke.”

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Yeremiya 4:10

Ku va laha ndzi nge: “Yo i Hosi Yehovha, kunene u kanganyisile tiko leri na Yerusalema, loko u te: ‘Mi ta va ni ku rhula!’ Kutani fumu ra va tlhava ku ya fika emoyeni!”

Esaya 57:21

a ku na ku rhula eka lavo biha,” ku vula Xikwembu xa mina.

2 SAMIELE 12:10

Sweswi, tlhari ri nga ka ri nga humi endlwini ya wena ni siku ni rin'we, hikuva u ndzi sandzile, hi ku teka nsati wa Uriya wa ka Hiti u n'wi endla nsati wa wena.’

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’

Sofoniya 1:12

“Enkarhini wolowo, ndzi ta lavisisa Yerusalema, hi swisa, ndzi tshinya vavanuna valavo va tiyeke ehenhla ka swisense swa vona, lava nga etimbilwini ta vona: ‘Yehovha a nga na ku endla swinene, ni loko ku ri ku endla hi ku biha.’

Esaya 30:10

va ri eka vavoni: “Mi nga voni!” ni ka vaprofeta: “Mi nga hi profeteli swinene, hi byeleni timhaka leti tsakisaka, mi hi bvumbhela leti xisaka!

Yeremiya 18:12

Kambe va ku: ‘A swi pfuni! Hi ta famba hi ku tirhandzela ka hina, leswaku un'wana ni un'wana a endla hi ku nonon'hwa ka mbilu ya yena leyo biha.’

Ezekiele 13:19

Ma ndzi sola emahlweni ka tiko ra mina, ku amukela swandla swa koro, ni swipandzwa swa vuswa; ma ndzi sola loko mi lovisa mimoya leyi nga taka yi nga fi, ni loko mi ponisa mimoya leyi nga taka yi nga hanyi, mi va mi hembela tiko ra mina leri yingisaka mavunwa.

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Duteronoma 29:18

“Ku nga tshuki ku va xikarhi ka n'wina wanuna, hambi wansati hambi yindlu, ni loko ri ri rixaka leri mbilu ya rona yi hambukaka namuntlha eka Yehovha, Xikwembu xa hina, ku ya tirhela swikwembu swa matiko lawa; ku nga tshuki ku va xikarhi ka n'wina, ni rimitsu leri humesaka tsefu, ni ku pyopya;