Yeremiya 23:16 - Xitsonga (Bibele)

¹⁶ Ku vula Yehovha wa mavandla, a ku: “Mi nga tshuki mi yingisela marito ya vaprofeta lava mi profetelaka; va mi kanganyisa, va vula leswi va swi vonaka etimbilwini ta vona, swi nga ri leswi humaka enon'wini wa Yehovha.

BIBELE Mahungu Lamanene

¹⁶ HOSI ya matimba hinkwawo yi vurisa sweswo yi ri: “Mi nga tshuki mi yingisa leswi vaprofeta va mi byelaka swona. Loko va vulavula, va mi tshembisa leswo ka swi nga ri swona. Swivono leswi va mi byelaka swona, swi huma etinhlokweni ta vona, a hi mina ndzi va kombeke swona mina HOSI.

Yeremiya 23:16 Referans Kwoze

Yeremiya 14:14

Ku va laha Yehovha a nge eka mina: “Vaprofeta va va profetela vunwa hi vito ra mina a ndzi va rhumanga, kambe a ndzi va lerisanga, kutani a ndzi vulavulanga na vona; va mi profetele masingita ya mavunwa, ni vubvumbi, ni ku kanganyisa ka timbilu ta vona.

Ezekiele 13:6

milorho ya vona i swahava; vuprofeta bya vona i byo hemba, va ri: ‘Ku vurile Yehovha!’ Kasi Yehovha a nga va rhumanga.

Matewu 7:15

“Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

Ezekiele 13:3

Ku vula Hosi Yehovha: Va ni khombo vaprofeta va mavunwa, lava landzaka miehleketo ya timbilu ta vona, kasi a va voni nchumu!

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Yeremiya 23:21

A ndzi rhumanga vaprofeta valavo, kutani vona va tsutsumile; a ndzi vulavulanga na vona, kambe vona va profetile.

2 TIHOSI 17:15

Va sandza milawu ya yena, ni ntwanano wa yena lowu a wu endleke ni vatata wa vona, ni ku layiwa loku a va layeke hakona; va landza swahava, kutani va hundzuka swahava, va ri karhi va famba endzhaku ka matiko lawa ma va rhendzeleke, lawa Yehovha a va leriseke leswaku va nga tshuki va endla kukotisa wona.

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Yeremiya 23:26

Swoleswo, swi ta va tano ku fikela kwihi etimbilwini ta vaprofeta valavo, ku profeta mavunwa, ni ku profeta ku xisa ka timbilu ta vona xana?

Ezekiele 22:28

Vaprofeta va rona va swi tota hi ndzhope va vona swahava, va bvumbha vunwa eka vona va ku: ‘Hosi Yehovha u vule swo karhi,’ kasi Yehovha a nga vulangi.

Ezekiele 13:23

hikwalaho mi nga ka mi nga ha lorhi milorho ya mavunwa; mi nga ka mi nga ha vi na mahlori ya hava; ndzi ta ponisa tiko ra mina emavokweni ya n'wina, mi ta tiva leswaku hi mina Yehovha.”

Ezekiele 13:16

Ku nga ha vi na vaprofeta va Israele lava profetaka ehenhla ka Yerusalema, lava lorhaka milorho yo rhulisa timbilu, kasi ku rhula ku hava, ku vula Hosi Yehovha!

Yeremiya 29:8

“Hikuva ku vula Yehovha wa mavandla, Xikwembu xa Israele, a ku: Mi nga tshuki mi kanganyisiwa hi vaprofeta va n'wina lava nga exikarhi ka n'wina, ni vangoma va n'wina, mi nga tshuki mi yingisela valorhi va n'wina lava mi lavaka milorho eka vona;

Yeremiya 9:20

Hikwalaho, vavasati, yingisani rito ra Yehovha, kutani tindleve ta n'wina ti amukela rito ra nomu wa yena: Mi dyondzisa vana va n'wina ku yimbelela xirilo kutani mi dyondzisana risimu ra ku rila.

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Swivuriso 19:27

N'wananga, tshika ku yingisela tidyondzo Loko ti ku fularhelisa timhaka ta vutlhari.

Varhoma 1:21

Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

Yeremiya 9:12

Munhu la tlhariheke i mani la nga twisisaka timhaka leti? Ni loyi nomu wa Yehovha wu vulavuleke na yena, a nga hi tivisa leswaku tiko ri onhiwile, ha yini, ni loko ri hisiwile kukotisa loko ma ri mananga, ku nga ri na loyi a hundzaka kona xana?

Swirilo 2:9

Tinyangwa ta yena ti mbombomele ehansi; U onhile, kutani u tshovile swipfalo ta tona; Hosi ya yena ni vafumi va yena va le matikweni; nawu a wa ha ri kona; Na vona vaprofeta va yena a va kumi ku bvumbha ka Yehovha.

1 TIHOSI 22:11

Sedekiyasi, n'wana Kenana, a a tiendlele timhondzo ta nsimbhi, a ku: “Yehovha u vula sweswo, u ri: ‘Hi timhondzo leti, u ta lwa ni Vasiriya, u ko u va heta.’ ”

2 TIKRONIKA 18:5

Kavaloko hosi ya Israele yi hlengeleta vaprofeta, va ri vavanuna va 400, a ku eka vona: “Xana hi ta huma nyimpi ku ya lwa na Ramoto wa Giliyadi, kumbe ndzi nga yi-ke?” Kutani va ku: “Tlhandluka, Xikwembu xi ta wu nyiketa emavokweni ya hosi.”

Yeremiya 29:23

Hikuva va endlile manyala exikarhi ka Israele va oswanile ni vasati va vamakwavo, va vurile marito yo hemba hi vito ra mina, leswi ndzi nga va lerisangiki swona. Kambe ndzi tiva leswo, ndzi mbhoni ya swona, ku vula Yehovha.’ ”