Yeremiya 23:11 - Xitsonga (Bibele)

¹¹ “Hikuva loko va ri vaprofeta ni vaprista, i vasandzi, na kona ndzi kume vumbabva bya vona endlwini ya mina, ku vula Yehovha.

BIBELE Mahungu Lamanene

¹¹ HOSI Xikwembu xi ri: “Vaprofeta ni vaprista va endla swo fana, hinkwavo va nyamisa tiko; hambi eTempeleni, ndzi kuma swiendlo swa vona leswo biha.

Yeremiya 23:11 Referans Kwoze

Sofoniya 3:4

Vaprofeta va wona i vatikurisi, vavanuna va mavunwa; vaprista va wona va nyamise xivandla lexi kwetsimaka, va hombolokisa nawu.

Yeremiya 6:13

“Hikuva va tinyiketile ku navela ka ku fuwa hinkwavo, lontsongo ni lonkulu, muprofeta ni muprista, un'wana ni un'wana va endla e vunwa.

Ezekiele 23:39

Kakuloko va tlhavela swifaniso swa vona vana va vona, esikwini lero a va nghena endlwini ya mina leyo kwetsima ku yi nyamisa, va endle sweswo endlwini ya mina.

Yeremiya 32:34

Kambe va vekile manyala ya vona endlwini leyi vito ra mina ri vuriwaka ehenhla ka yona va yi nyamisa.

Ezekiele 8:16

Kutani a ndzi yisa exivaveni xa le xikarhi ka yindlu ya Yehovha; kona ndzi vona enyangweni ya tempele ya Yehovha, exikarhi ka nyangwa ni alitari, vavanuna lava lavaka ku va 25 va yimile; mihlana ya vona yi langutene ni tempele ya Yehovha, kasi mimombo ya vona yi langutile evuxeni, a va gandzela dyambu tlhelo ra vuxa.

Yeremiya 11:15

“Murhandziwa wa mina wa ha ri ni mhaka yihi endlwini ya mina, loko va ri karhi va endla manyala lamanyingi kona xana? Kambe nyama leyi hlawulekeke yi ta susiwa eka wena. Kakuloko u endla ku biha, hi kona u tsakaka.”

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

Yeremiya 7:30

Hikuva vana va Yuda va endlile manyala emahlweni ka mina, ku vula Yehovha; va vekile manyala ya vona endlwini yoleyo vito ra mina ri vuriwaka eka yona, hileswaku va ndzi nyamisa.

2 TIKRONIKA 36:14

Swi tsandza ni tihosana hinkwato ta vaprista, ni vanhu va tiko, va andzisa ku homboloka ka vona, va landza manyala hinkwawo ya matiko; va va va nyamisa yindlu ya Yehovha leyi a tikwetsimiseleke yona eYerusalema.

Ezekiele 8:11

A ku yimile emahlweni ka swona vavanuna va 70 va ri vakulukumba va yindlu ya Israele; exikarhi ka vona a ku yimile Yaazaniya, n'wana Xafani, va yimile emahlweni ka swona un'wana ni un'wana a tamele mbita ya yena ya mirhi ya risuna, kutani musi wa mirhi ya risuna wu tlhandluka.

Ezekiele 7:20

Va tibombisa hi nsuku ni masindza ya vona; va foroma hi swona swifaniso swa tingana ni swikwembu swa vona hikwalaho ndzi swi endle thyaka eka vona.

Yeremiya 23:15

Hikwalaho, ku vula Yehovha wa mavandla ematshan'weni ya vaprofeta valavo: “Vonani, ndzi ta va dyisa absinta, ndzi va nwisa mati ya ku vavisa, hikuva ku sandza ku hume eka vaprofeta va Yerusalema, ku ya emahlweni ka tiko hinkwaro.”

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

2 TIKRONIKA 33:7

A yimisa ni xifaniso lexi vatliweke, xi ri lexi a xi endleke, endlwini ya Xikwembu, leyi Xikwembu xi nga vula eka Davhida ni ka Solomoni n'wanakwe xi te: “Endlwini leyi, ni le mutini wa Yerusalema lowu ndzi wu hlawuleke exikarhi ka tinxaka hinkwato ta Israele, ndzi ta veka vito ra mina hilaha ku nga heriki.

2 TIKRONIKA 33:5

A akela vandla hinkwaro ra matilo tialitari eswivaveni leswimbirhi swa Yindlu ya Yehovha.

Yeremiya 50:6

“Tiko ra mina a ri kotisa ntlhambi wa tinyimpfu leti lahlekeke, varisi va tona a va ti hambuxa, va ti fambisa etintshaveni ni le switsungeni, ti kondza ti rivala tshanga ra tona.

Swirilo 2:20

Vona, Yehovha, u languta loyi u n'wi endliseke sweswo! Swo yini loko vavasati va kondzile va dya mihandzu ya vona, Vana lavatsongo lava va va vukarhaka? Hikwalaho ka yini ku dlayiwa muprista ni muprofeta exikwetsin'weni xa Hosi xana?

Ezra 10:18

Ku kumiwa vana van'wana va vaprista lava tekeke vavasati valavo; eka vana va Yexuwa, n'wana Yosadaka, ni ka vana va vamakwavo, Maaseya, Eliezere, Yaribi, Gedaliya;

Ezekiele 44:10

“Swi tsandza ni Valevhi va ndzi fularheleke siku Vaisraele va hambukaka va hambuka ku ya landzela swikwembu swa vona swa tingana, va ta rhwala ku homboloka ka vona.

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.