Yeremiya 22:24 - Xitsonga (Bibele)

²⁴ “Ndza hanya, ku vula Yehovha, loko wa ngi Yekoniya, n'wana Yoyakimi, hosi ya Yuda, a kotisile xingwavila lexi tiyisiweke evokweni ra mina ra xinene, a ndzi ta n'wi chuputa kona!

BIBELE Mahungu Lamanene

²⁴ HOSI Xikwembu xi ri: “We Yoyakini n'wana Yoyakimi, hosi ya Yuda, ndza hlambanya leswaku hambileswi a ndzi ku tsakela ku fana ni xingwavila xo fungha ha xona evokweni ra mina ra xinene, sweswi ndzi ta ku susa,

Yeremiya 22:24 Referans Kwoze

Yeremiya 37:1

Ematshan'weni ya Yekoniya, n'wana Yoyakimi, ku fuma Sedekiyasi, n'wana Yosiya, a vekiwa hosi etikweni ra Yuda hi Nebukadnetsara, hosi ya Babilona.

Risimu ra Tinsimu 8:6

Ndzi teke, ndzi va embilwini ya wena kukotisa mfungho, Kukotisa mfungho evokweni ra wena; Hikuva rirhandzu ri ni matimba ku fana ni rifu, Makwanga ma tiya kukotisa xivandla xa vafi. Ku hiseka ka wona i ku hiseka ka ndzilo, I langavi ra Yehovha.

1 TIKRONIKA 3:16

Vana va xinuna va Yoyakimi: Yekoniya, n'wanakwe; Sedekiyasi, n'wanakwe.

Hagayi 2:23

Esikwini lero, ku vula Yehovha wa mavandla, ndzi ta ku teka, wena Zerubabele, n'wana Salatiele, nandza wa mina, ku vula Yehovha, kutani ndzi ta ku endla u kotisa xingwavila xa mfungho, hikuva ndzi ku hlawurile, ku vula Yehovha wa mavandla.’ ”

Yeremiya 22:28

Xana munhu loyi, Yekoniya, i xibya lexi soriwaka, lexi fayiwaka xana? Kumbe i ntirho lowu nga pfuniki nchumu-ke? Va tshikiwa ha yini, yena ni nyimba ya yena, ku ya cukumetiwa ematikweni lawa va nga ma tiviki?

Yeremiya 22:6

“ ‘ “Hikuva Yehovha u te ematshan'weni ya yindlu ya hosi ya Yuda: Eka mina, u fana na Giliyadi, u nhloko ya Lebanoni, kambe ndzi ta ku hundzula swahava, ni muti lowu nga akiwiki.

2 TIHOSI 24:12

Kavaloko Yoyakini, hosi ya Yuda, a huma eka hosi ya Babilona, a ri ni mana wa yena, ni malandza ya yena, ni tindhuna ta yena, ni vatsheniwa va yena. Kutani hosi ya Babilona yi n'wi teka, yi n'wi boha hi lembe ra ntlhanu na manharhu ra ku fuma ka yena.

2 TIHOSI 24:15

A yisa Yoyakini eBabilona; kutani a yisa evukhumbini mana wa hosi, ni vasati va hosi, ni malandza ya yona, ni vakulukumba va tiko, a va teka eYerusalema, ku va yisa eBabilona.

2 TIKRONIKA 36:9

Yoyakini a a ri wa malembe ya 18 loko a sungula ku fuma; kutani a fuma tin'hweti tinharhu na khume ra masiku eYerusalema, a endla leswo biha emahlweni ka Yehovha.

Esaya 49:16

Vona, ndzi ku tsarile eswandleni swa mina, makhumbi ya wena ma le mahlweni ka mina hi masiku.

Yeremiya 28:4

Loko a ri Yekoniya, n'wana Yoyakimi, hosi ya Yuda, ni Vayuda hinkwavo va le vukhumbini lava yeke Babilona, ndzi ta va vuyisa exivandleni lexi, ku vula Yehovha, hikuva ndzi ta tshova joko ra hosi ya Babilona.”

Yeremiya 29:2

Hi loko hosi Yekoniya, ni nkosikazi, ni tindhuna, ni vakulukumba va Yuda ni va Yerusalema, ni vavatli ni vafuri va humile Yerusalema.

Yeremiya 13:18

Byela hosi ni nkosikazi, u ku: “Titsongahateni, mi tshamisa ehansi hikuva harhi ya vuhosi ya ku kwetsima ka n'wina yi wile etinhlokweni ta n'wina.”

Yeremiya 24:1

Kuteloko Nebukadnetsara, hosi ya Babilona, a khome Yekoniya, n'wana Yoyakimi, hosi ya Yuda ni vakulukumba va Yuda, ni vavatli, ni vafuri va le Yerusalema, a va yisa eBabilona, Yehovha a ndzi kombisa swikombiso, a swi ri swirhundzu swimbirhi swa makuwa, swi vekiwile emahlweni ka tempele ya Yehovha.