Yeremiya 22:23 - Xitsonga (Bibele)

²³ Wena, muaki wa Lebanoni, la akeke emarhavini ya tikedari, u ta kolorisa ku yini, siku khombo ri ku humelelaka, ri ri khombo leri fanaka ni ra muveleki!”

BIBELE Mahungu Lamanene

²³ Wena u tshamaka etindlwini to akiwa hi timhandze ta kedari, onge u le ntshaveni ya Lebanoni! Kambe siku rin'wana u ta khoma hi switlhavi, u konya ngopfu, kukota wansati la nga kusuhi ni ku tintshunxa.”

Yeremiya 22:23 Referans Kwoze

Yeremiya 6:24

Hi twile mpfumawulo wa rona, kutani mavoko ya hina ma herile matimba; khombo ri hi khomile, hi vaviseka kukotisa la velekaka.

Yeremiya 22:6

“ ‘ “Hikuva Yehovha u te ematshan'weni ya yindlu ya hosi ya Yuda: Eka mina, u fana na Giliyadi, u nhloko ya Lebanoni, kambe ndzi ta ku hundzula swahava, ni muti lowu nga akiwiki.

Habakuku 2:9

U ni khombo la fuwelaka yindlu ya yena rifuwo lero biha, la vekaka vuako bya yena ehenhla, leswaku a tisirheleta khombo!

Obadiya 1:4

Ni loko u nga aka yindlu ya wena eku tlakukeni, ku fana ni gama, ni loko u nga tiveka exikarhi ka tinyeleti, na kona, ndzi ta ku xikisa, ku vula Yehovha.

Amosi 9:2

Hambi va nga boxa xivandla xa vafi va chavela kona, na kona voko ra mina ri ta va humesa; ni loko va nga tlhandlukela etilweni ndzi ta va xikisa kona.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Hosiya 5:15

Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

Yeremiya 49:16

Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

Yeremiya 48:28

Sukelani miti ya n'wina, mi aka emaribyeni, n'wina vaaki va Mowabu, kutani mi kotisa matuva lama tiakelaka enon'wini wa bako!

Yeremiya 21:13

“Vona, ndzi ni mhaka na wena, muti lowu tshameke enkoveni, eribyeni ra mananga, ku vula Yehovha ndzi ni mhaka na n'wina lava nge: ‘Hi nga hlasela hi mani, kumbe i mani la nga nghenaka etindlwini ta hina?’

Yeremiya 3:21

Rito ri twakala etintshaveni leti tlakukeke, i ra swirilo ni mikhongelo ya vana va Israele, hikuva va hombolokisile tindlela ta vona, va rivele Yehovha, Xikwembu xa vona.

Tinhlayo 24:21

Balaama a vona Vakeni, a bvumbha, a ku: “Yindlu ya wena yi tiyile, Xisaka xa wena xi vekiwile eribyeni ra ntshava.

Ezekiele 17:3

u ku: Ku vula Hosi Yehovha: Gama lerikulu leri nga ni timpapa letikulu, leto leha, timpapa leti nga ni tinsiva ta mavalavala, ri tile eLebanoni, ri tshovile makumu ya rhavi ra Kedari.