Yeremiya 22:17 - Xitsonga (Bibele)

¹⁷ “Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

BIBELE Mahungu Lamanene

¹⁷ Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Yeremiya 22:17 Referans Kwoze

2 Petro 2:14

Mahlo ya vona ma tele vuoswi a ma rhuteri ku dyoha; va rhiya mimoya leyi tsekatsekaka, va ni timbilu leti tlharihelaka makwanga, i vana va ndzhukano.

Ezekiele 19:6

Yi fambafamba exikarhi ka tinghala, yi hundzuka nghala yinene, yi dyondza ku handzula swiharhi, yi dya ni vanhu.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

2 TIHOSI 24:4

ni hikwalaho ka ngati leyi nga riki na nandzu leyi a yi halateke; hikuva a tatile Yerusalema hi ngati leyi nga riki na nandzu; kutani Yehovha a nga rhandzangi ku rivalela.

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

1 Vakorinto 6:10

Mi nga tshuki mi lahleka: Loko va ri va thyaka, ni lava gandzelaka swifaniso, ni vaoswi, ni swipombolo, ni loko va ri va Sodoma, ni vayivi, ni lava navelaka rifuwo, ni vapyopyi, ni lava hlevaka van'wana, ni lava dyelelaka, lavo tano, va nga ka va nga dyi ndzhaka ya ku fuma ka Xikwembu.

Varhoma 1:29

Va tele ku homboloka hinkwako, ni lunya, ni mona, ni vuciva, ni ku kanganyisa; va tele ku tshohoka, ni ku dlaya, ni ku kanetana, ni ku xisa, ni ku kucetela;

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

Ntirho 31:7

Loko nkondzo wa mina wu hambukile ndlela, Kumbe mbilu ya mina yi landzelele mahlo ya mina, Ni loko xivati xi namarhele emavokweni ya mina,

2 TIKRONIKA 36:8

Leswi seleke swa timhaka ta Yoyakimi, manyala lawa a ma endleke, ni leswi kumiweke ka yena, maswivo swi tsariwile ebukwini ya tihosi ta Israele ni ta Yuda. Yoyakini, n'wana wa yena, a fuma ematshan'weni ya yena.

1 TIHOSI 21:19

U ta ku eka yena: ‘Yehovha u vurisa sweswo, a ku: “A hi wena mudlayi ni muyivi xana?” ’ Kutani u ta ku eka yena: ‘Yehovha u ri: “Laha timbyana ti nantsweke ngati ya Naboto, hi kona timbyana ti nga ta nantswa ngati ya wena kunene!” ’ ”

Yoxuwa 7:21

Ndzi vonile exumeni nguvu leyo saseka, ya Xinara, ni madzana mambirhi ya tixikele ta silivhere, ni nsuku lowu vumbiweke wa tixikele ta 50 ta ku tika, ndzi swi naverile, ndzi va ndzi swi teka; kutani waswivo, swi fihliwile emisaveni entsongeni wa mina, kambe mali yi le hansi ka swona.”

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Swivuriso 24:2

Hikuva timbilu ta vona ti kanela ku onhaka, Ni milomu ya vona yi vulavula swo homboloka.

Esaya 56:11

O! I timbyana ta makolo, leti nga xurhiki; i varisi lava nga tiviki ku twisisa nchumu; hinkwavo va famba hi mitila ya vona, un'wana ni un'wana u lava bindzu ra yena.

Yeremiya 6:6

Hikuva Yehovha wa tinyimpi a ku: “Tsemani mirhi, mi biyela Yerusalema, hi rihlampfu leri tlakukeke; hi wolowo muti lowu fanekelaka ku tshinyiwa; exikarhi ka wona ku tele ku xanisa.

Yeremiya 6:13

“Hikuva va tinyiketile ku navela ka ku fuwa hinkwavo, lontsongo ni lonkulu, muprofeta ni muprista, un'wana ni un'wana va endla e vunwa.

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Ezekiele 18:12

loko a xanisa xisiwana ni mupfumari, loko a yiva, loko a nga tlheriseli n'wini mali ya ku tiyisa ka yena, loko a tlakusa mahlo eka swifaniso swa swikwembu swahava, a endla manyala,

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Mikiya 3:10

n'wina mi akaka Siyoni hi ngati, na Yerusalema, hi ku homboloka.

1 SAMIELE 8:3

Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.

2 TIHOSI 23:37

A endla leswo biha emahlweni ka Yehovha, hinkwaswo hilaha vatata wa yena va endleke hakona.

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

Yeremiya 19:4

hikuva va ndzi tshikile, kutani va sandzile xivandla lexi, hikuva kona, mirhi ya risuna, va yi hisele swikwembu swin'wana leswi nga ka swi nga tiviwi hi vona, ni vatata wa vona, ni tihosi ta Yuda, kutani va tatile xivandla lexi hi ngati ya lava nga riki na nandzu;

Ezekiele 19:7

Yi nghena etindlwini ta vona ta vuhosi, yi onha miti ya vona. Tiko hinkwaro, ni hinkwaswo leswi ngi swi ri eka rona swi lova hi ku dzumadzuma ka yona.

Ezekiele 19:9

Va yi boxa tinhompfu hi xingwavila, va yi khotsa ebokisini, va yi tekela eka hosi ya Babilona. Kutani yi nghenisiwa ekhotsweni, leswaku rito ra yona ri nga ha twakali ehenhla ka tintshava ta Israele.

Ezekiele 22:6

“Vona, tihosana ta Israele, yin'wana ni yin'wana hilaha matimba ya yona ma nga kona, ti lava ku halata ngati eka wena.