Yeremiya 21:7 - Xitsonga (Bibele)

⁷ Endzhaku ka sweswo, ku vula Yehovha, ndzi ta nyika Sedekiyasi, hosi ya Yuda, ni malandza ya yena, ni tiko, ni lava siyiweke emutini lowo hi ntungu, ni matlhari, ni ndlala, ndzi ta va nyiketa emavokweni ya Nebukadnetsara, hosi ya Babilona, ni le mavokweni ya lava nga vavalala eka vona, ni le mavokweni ya lava lavaka vutomi bya vona, kutani u ta va ba hi vukari bya matlhari, a nga ka a nga va tweri vusiwana, a nga ka a nga va tsetseleri a nga ka a nga vi na nsovo.” ’

BIBELE Mahungu Lamanene

⁷ Mina HOSI ndzi ri, endzhaku ka sweswo ndzi ta tshika Sedekiyasi hosi ya Yuda, ni malandza ya yena, ni vaaki va muti, va nga hinkwavo lava poneke ku dlawa hi mintungu ni matlhari ni tindlala, kutani va ta wela emavokweni ya Nebukadnetsara hosi ya Babilona. Ndzi ta va nyiketa eka valala va vona, lava tiyimiseleke ku va vangela rifu. Kutani valala lava va ta herisa va le Yerusalema hi matlhari, va nga va tweli vusiwana kumbe ku va tsetselela; va ta va dlaya hinkwavo.’ ”

Yeremiya 21:7 Referans Kwoze

Yeremiya 37:17

Hosi Sedekiyasi a rhumela ku n'wi vitana, kutani hosi yi n'wi vitela endlwini ya yona exihundleni, yi ku: “Xana rito ri kona leri humaka eka Yehovha xana?” Yeremiya a hlamula a ku: “Ri kona,” a engeta a ku: “U ta nyiketiwa emavokweni ya hosi ya Babilona.”

Ezekiele 7:9

Tihlo ra mina ri nga ka ri nga ku tsetseleri, ndzi ta pfumala tintswalo, hikuva ndzi ta ku rhwexa tindlela ta wena, ni manyala ya wena ma ta va exikarhi ka wena, mi ta tiva leswaku hi mina Yehovha la baka.

Yeremiya 13:14

Kambe ndzi ta va faya un'wana ni un'wana ni warikwavo, vatatana swin'we ni vana,’ ku vula Yehovha. ‘Ndzi nga ka ndzi nga vi na musa, ni loko ku ri ku tsetselela, hambi ku ri ku va twela vusiwana, leswaku ndzi nga va lovisi.’ ”

Duteronoma 28:50

va nga vanhu va mimombo yo tiya, lava va nga ka va nga tweli wa khale vusiwana, va nga vi na tintswalo eka n'wana;

Ezekiele 9:10

Na mina ndzi nga ka ndzi nga va tsetseleri, ndzi nga ka ndzi nga va tweli vusiwana, ndzi ta va rihisa mitirho ya vona etinhlokweni ta vona.”

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Esaya 47:6

Ndzi karihele tiko ra mina, ndzi va ndzi sandza ndzhaka ya mina, kutani ndzi va nyiketa emavokweni ya wena. A ku va tsetselelanga; u tikisile joko ra wena hi ku nonon'hwa ehenhla ka swikoxa.

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Yeremiya 15:5

“Hikuva i mani la nga ku tsetselelaka, wee Yerusalema? Kumbe i mani la nga ku twelaka vusiwana, kumbe i mani la nga hambukelaka ku vutisa ta ku rhula ka wena xana?

Yeremiya 15:9

La velekeke vana va ntlhamu na vambirhi u karhele; u kusuhi ni ku fa; a peleriwa hi dyambu ra yena wa ha ri nhlekanhi, u khomisiwe tingana, u ni gome; kambe nsalo wa vona, ndzi ta va nyika fumu emahlweni ka lava nga valala eka vona,” ku vula Yehovha.

Yeremiya 22:25

Ndzi ta ku nyiketa emavokweni ya lava lavaka vutomi bya wena, ni le mavokweni ya lava u rhurhumelaka emahlweni ka vona ni le mavokweni ya Nebukadnetsara hosi ya Babilona, ni le mavokweni ya Vakalediya.

Yeremiya 27:6

Kutani sweswi, ndzi nyiketa matiko lawa hinkwawo emavokweni ya Nebukadnetsara, hosi ya Babilona, nandza wa mina; ndzi n'wi nyika na swona swiharhi swa nhova swi ta n'wi tirhela.

Yeremiya 34:3

Kutani wena, u nga ka u nga poni emavokweni ya yena, u ta khomiwa u nyiketiwa emavokweni ya yena; mahlo ya wena ma ta vona mahlo ya hosi ya Babilona, nomu wa yena, wu ta vulavula ni nomu wa wena, kutani u ta ya eBabilona.’

Ezekiele 23:28

Hikuva Hosi Yehovha u ri: Vona, ndzi ta ku nyiketa emavokweni ya lavo u va vengeke, ni le mavokweni ya lavo moya wa wena wu va sukeleke.

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Yeremiya 19:7

Ndzi ta herisa makungu ya Yuda ni ya Yerusalema, exivandleni lexi, ndzi va wisa hi fumu emahlweni ka lava nga valala va vona, ni le vokweni ra lava lavaka vutomi bya vona; kambe mitsumbu ya vona, ndzi ta yi nyika tinyanyana ta tilo ni swivandzana swa misava leswaku yi dyiwa hi swona.

Yeremiya 20:4

Hikuva Yehovha u te: ‘Waswivo, ndzi ta ku endla ku chava, ku ri ka wena, ni ka maxaka ya wena hinkwawo, va ta wa hi fumu ra lava nga valala va vona, kutani u ta vona sweswo hi mahlo; kambe ndzi ta nyiketa va Yuda hinkwavo emavokweni ya hosi ya Babilona, leswaku a va yisa evukhumbini eBabilona, kutani a va dlaya hi fumu.

Yeremiya 32:4

Kutani Sedekiyasi, hosi ya Yuda a nga ka a nga phonyoki emavokweni ya Vakalediya, kambe u ta nyiketiwa emavokweni ya hosi ya Babilona; a ta vulavula enon'wini wa yena, ni mahlo ya yena ma ta vona mahlo ya loyi.

Yeremiya 36:29

Kutani hikwalaho ka Yoyakimi, hosi ya Yuda, u ta ku: ‘Ku vula Yehovha: U hisile buku, u ku: “Hi tsalele yini eka yona mhaka leyi nge, hosi ya Babilona yi ta ta yi onha tiko leri, yi ri pfumata vanhu, hambi swi ri swifuwo?”

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Swirilo 2:20

Vona, Yehovha, u languta loyi u n'wi endliseke sweswo! Swo yini loko vavasati va kondzile va dya mihandzu ya vona, Vana lavatsongo lava va va vukarhaka? Hikwalaho ka yini ku dlayiwa muprista ni muprofeta exikwetsin'weni xa Hosi xana?

Swirilo 2:22

U ndzi rhambele ku chavisa hi matlhelo hinkwawo, kukota loko ngi siku ra nkhuvo; Kutani a ku vanga na la poneke, ni la siyiweke esikwini ra vukari bya Yehovha. Lava ingi ndzi va tsetselele, lava ndzi va kuriseke, La ndzi vengaka u va herisile.