Yeremiya 21:2 - Xitsonga (Bibele)

² “Wa nga hi vutisela eka Yehovha hikuva Nebukadnetsara, hosi ya Babilona, wa hi hlasela; kumbe Yehovha a nga hi endlela rin'wana ra masingita ya yena, leswaku loyi a suka eka hina.”

BIBELE Mahungu Lamanene

² “Hi kombela leswaku u hi vutisela timhaka eka HOSI Xikwembu, hikuva Nebukadnetsara hosi ya Babilona ú lwa na hina. Kumbexana HOSI Xikwembu xi nga hi lamulela hi tindlela ta xona leto hlamarisa, xi hlongola Vababilona.”

Yeremiya 21:2 Referans Kwoze

Yeremiya 37:3

Hosi Sedekiyasi a rhuma Yuhukali n'wana Xelemiya, na Sofoniya n'wana Maaseya, muprista, eka muprofeta Yeremiya a ku: “U hi khongelela eka Yehovha Xikwembu xa hina.”

Yeremiya 37:7

“Ku vula Yehovha, Xikwembu xa Israele: Byela hosi ya Yuda la rhumeleke eka mina ku ndzi vutisa u ku: ‘Vona, mavandla ya Faro lama humeke ku ta mi tatisa, ma ta tlhelela etikweni ra rikwavo le Egipta;

1 SAMIELE 28:15

Samiele a ku eka Sawulo: “U ndzi pfuxele yini hi ku ndzi tlhandlukisa xana?” Sawulo a ku: “Ndzi le khombyeni lerikulu, hikuva Vafilista va lwa na mina, kambe Xikwembu xi sukile eka mina, a xa ha ndzi hlamuli, hambi ku ri hi vaprofeta, hambi hi milorho. Kutani ndzi ku vitanile leswaku u ndzi tivisa leswi ndzi fanelaka ku swi endla.”

1 SAMIELE 28:6

Sawulo a vutisa Yehovha, kambe Yehovha a nga n'wi hlamulanga nchumu, hambi ku ri milorhweni, hambi hi Urimi, hambi hi vaprofeta.

Yeremiya 32:24

Vonani, nhulu yi fike emahlweni ka muti ku nghena eka wona, kutani muti wu ta nyiketiwa emavokweni ya Vakalediya va wu lwisa, wu hlupha hi matlhari ni ndlala ni ntungu; lexi u xi vuleke xi fikile, wa xi vona.

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

2 TIKRONIKA 32:21

Kavaloko Yehovha a rhuma ntsumi leyi yi nga lovisa tinhenha hinkwato ni vafambisi, ni tindhuna emixaxeni ya hosi ya Asiriya; kutani Senakeribi a tlhelela etikweni ra yena a ri ni tingana; kutani, kuteloko a nghenile endlwini ya xikwembu xa yena, lava humeke exifungheni xa yena va n'wi dlaya kona hi tlhari.

2 TIHOSI 1:3

Ntsumi ya Yehovha yi ku eka Eliya wa Tixibe: “Pfuka u ya hlangana ni tintsumi ta hosi ya Samariya, u ku eka tona: ‘Xana a ku na Xikwembu etikweni ra Israele, leswi mi fambaka mi ya vutisa Baala-Zebubu, xikwembu xa Ekroni?’

1 SAMIELE 10:22

Va engeta va vutisisa Yehovha, va ku: “Xana a ku tanga munhu un'wana?” Yehovha a ku: “Maswivo, u tumberile etinhundzwini.”

Vaavanyisi 20:27

Kutani vana va Israele va vutisa Yehovha hikuva areka ya ntwanano wa Xikwembu a yi ri kona eka vona enkarhini wolowo.

Genesa 10:10

Masungulo ya ku fuma ka yena a ri Babele na Ereke na Akade na Kaline, etikweni ra Xinara.

Eksoda 9:28

Khongelani Yehovha leswaku ku nga tshuki ku va ni ku pfuma ni xihangu, kutani ndzi ta mi tshunxa mi famba, mi nga ha siveriwi.”

2 TIHOSI 17:24

Hosi ya Asiriya yi tisa vanhu va Babilona, ni va Kuta, ni va Avha, ni va Hamata, ni va Sefari-Vhayimi, yi va akisa emitini ya Samariya ematshan'weni ya vana va Israele, kutani va fuma tiko ra Samariya, va aka emitini ya rona.

Esaya 48:2

hikuva va tithya hi vito ra muti lowo kwetsima, va tshemba Xikwembu xa Israele, lexi vito ra xona ri nga Yehovha wa tinyimpi!

Yeremiya 15:11

Yehovha a ku: “Hakunene ndzi ta ku tumbuluxela vunene, ndzi ta endla leswaku valala va ta ku khongela hi siku ra khombo ni siku ra ku xaniseka.

Yeremiya 21:3

Kutani Yeremiya a va byela, a ku: “Hlamulani Sedekiyasi, mi ku: ‘Yehovha, Xikwembu xa Israele u vula a ku: “Vonani, ndzi ta susa emavokweni ya n'wina matlhari ya nyimpi,

Yeremiya 37:17

Hosi Sedekiyasi a rhumela ku n'wi vitana, kutani hosi yi n'wi vitela endlwini ya yona exihundleni, yi ku: “Xana rito ri kona leri humaka eka Yehovha xana?” Yeremiya a hlamula a ku: “Ri kona,” a engeta a ku: “U ta nyiketiwa emavokweni ya hosi ya Babilona.”

Ezekiele 7:26

Khombo ri landziwa hi khombo rin'wana, nkosi wu ta va ehenhla ka nkosi, va ta lava mahlori eka vaprofeta; kambe vaprista va rivele nawu, a va ha wu tivi, ni vakulukumba va kohla xitsundzuxo.

Yeremiya 34:1

Rito ri hume eka Yehovha ri ta eka Yeremiya, loko Nebukadnetsara, hosi ya Babilona ni mavandla ya yena hinkwawo, ni ku fuma hinkwako ka matiko lama fumiwaka hi voko ra yena, ni matiko hinkwawo, va lwa na Yerusalema, ni miti hinkwayo ya matlhelo ya kona, ri ku: