Yeremiya 21:14 - Xitsonga (Bibele)

¹⁴ Ndzi ta mi ba hi ku ringana mitirho ya n'wina, ku vula Yehovha; ndzi ta pfurhisa ndzilo exihlahleni xa n'wina leswaku wu heta matlhelo hinkwawo.”

BIBELE Mahungu Lamanene

¹⁴ mina ndzi ri, ndzi ta mi ba, hikuva mintirho ya n'wina yi vekile mihandzu leyo bava. Ndzi ta lumeka tindlu ta n'wina ta le ntsindza, ndzi hisa timhandze ta tona ti tshwa ti hela, ku ta tshwa ni hinkwaswo leswi nga kusuhi na tona.”

Yeremiya 21:14 Referans Kwoze

Yeremiya 32:19

U nkulukumba emakungwini, u ni matimba eku endleni; mahlo ya wena ma languta mikhuva hinkwayo ya vana va vanhu ku tlherisela eka un'wana ni un'wana hi mikhuva ya yena, mihandzu ya ku endla ka yena.

Swivuriso 1:31

Va ta dya mihandzu ya mikhuva ya vona, Va ta xurha hi makungu ya vona.

Yeremiya 52:13

A hisa yindlu ya Yehovha, ni yindlu ya hosi; a hisa tindlu hinkwato ta Yerusalema ni tindlu hinkwato ta vakulukumba.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

2 TIKRONIKA 36:19

Va hisa yindlu ya Xikwembu, va mbundzuxa rirhangu ra Yerusalema, va hisa tindlu hinkwato ta vuhosi, va onha swilo hinkwaswo swa risima.

Yeremiya 9:25

“Vonani, ma ta masiku walawo,” ku vula Yehovha, “ndzi nga ta tshinya ha wona lava yimbeke hinkwavo ni lava nga yimbangiki.

Zakariya 11:1

Wena, Lebanoni, pfula tinyangwa ta wena, ndzilo wu ta hisa tikedari ta wena!

Yeremiya 22:7

Ndzi ta ku rhambela vaonhi, un'wana ni un'wana a ta ni matlhari ya yena; va ta tsema tikedari leto saseka ta wena, va ti cukumeta endzilweni.

Yeremiya 11:22

Hikwalaho Yehovha wa tinyimpi u vula a ku: ‘Langutani, ndzi ta va ba! Lavantshwa va ta fa hi tlhari, ni vana va vona va xinuna ni va xisati va fa hi ndlala.

Yeremiya 6:29

Muhlanga wa hisa, loti yi herisiwe hi ndzilo; munyukisi u nyukisa mahala, hikuva lavo biha a va hambani.

Esaya 37:24

Hi tintsumi ta wena, u monyile Hosi u ku: Hi vunyingi bya tigolonyi ta mina, ndzi khandziyile enhlohlorhini ya tintshava ndzi fikile laha ku tlakukeke ka Lebanoni; ndzi ta tsema mirhi ya kedari leyikulu, ni mirhi leyo saseka ya kipresi. Ndzi ta fika enhlohlorhini ya yena ya ku hetelela exihlahleni xa yena lexo saseka ngopfu!

Esaya 24:21

Hi siku rero Yehovha u ta avanyisa le tilweni mavandla ya le henhla ni tihosi ta la ehansi emisaveni.

Esaya 10:12

Kambe kutakuloko Hosi yi hetile ntirho wa yona hinkwawo entshaveni ya Siyoni na Yerusalema, ndzi ta ba hosi ya Asiriya hikwalaho ka mihandzu ya ku tikurisa ka mbilu ya yona, ni ku tiarisa ka mahlo ya yona lama tlakukeke;

Esaya 10:16

Hikwalaho Hosi ya tinyimpi yi ta ondzisa swihontlovila swa Asiriya, kutani ehansi ka ku vangama ka yena ku ta pfukeka ku pfurha kukotisa ku pfurha ka ndzilo.

Yeremiya 11:16

Yehovha u ku thyile vito ra mutlhwari lowa rihlaza, lowo saseka, wa mihandzu leyinene. Hi mpfumawulo lowukulu u lunghiseriwe ndzilo, kutani marhavi ya wena ma phatluriwile.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

Yeremiya 22:1

Ku vula Yehovha, a ku: “Xikela endlwini ya hosi ya Yuda, kutani u yi byela kona rito leri, u ku:

Yeremiya 46:23

Va tsema xihlahla xa yena, ku vula Yehovha, hambi xi nga ngheniwi hikwalaho ka ku tlhuma; hikuva va tele ku tlurisa tinjiya, va nga ka va nga hlayiwi.

Yeremiya 50:32

Mutikukumuxi wa dedeleka, u ta wa, kutani a ku na munhu la nga ta n'wi pfuxa; ndzi ta tshivela ndzilo emitini ya yena, wu ta herisa matlhelo ya yena hinkwawo.

Swirilo 2:3

U tshovile hi vukari lebyi levaka bya yena matimba hinkwawo ya Israele, A khwanyanisa voko ra yena lera swinene emahlweni ka valala, Kutani a pfurha exikarhi ka Yakobo tanihi langavi ra ndzilo Lowu lovisaka hi matlhelo hinkwawo.

Swivuriso 12:14

Hi ta nomu wa yena, munhu u ta xurha vunene, Leswi mavoko ya munhu ma swi tirhaka swi ta tlheriseriwa eka yena.

Yeremiya 6:19

Wena misava, yingisa! Langutani, ndzi ta tisela tiko leri khombo, yi nga mihandzu ya miehleketo ya vona, hikuva a va yingisanga marito ya mina, kutani va sandzile nawu wa mina.

Ezekiele 21:3

u ku eka xihlahla xa dzonga: Yingisa rito ra Yehovha! Hosi Yehovha u ri: Vona, ndzi ta tshivela ndzilo eka wena, wu ta heta mirhi leyo tsakama hinkwayo ni mirhi hinkwayo leya ku oma; langavi leri pfurhaka a ri nga timeki, kutani mimombo hinkwayo, ku suka le dzongeni, ku fikela le n'walungwini, yi ta tshwa;

Mikiya 7:13

Kambe tiko ri ta onhaka hikwalaho ka vaaki va rona, ni hikwalaho ka mihandzu ya mitirho ya vona.