Yeremiya 21:13 - Xitsonga (Bibele)

¹³ “Vona, ndzi ni mhaka na wena, muti lowu tshameke enkoveni, eribyeni ra mananga, ku vula Yehovha ndzi ni mhaka na n'wina lava nge: ‘Hi nga hlasela hi mani, kumbe i mani la nga nghenaka etindlwini ta hina?’

BIBELE Mahungu Lamanene

¹³ HOSI Xikwembu xi ri: “N'wina tihosi mi akeke enkoveni, eribyeni leri anameke leri nga kusuhi ni Tempele, n'wina mi vulaka leswaku a mi nga hlaseriwi hi munhu, kumbe ku ngheneriwa hi valala,

Yeremiya 21:13 Referans Kwoze

Ezekiele 13:8

Hikwalaho Hosi Yehovha u ri: “Leswi mi vulavulaka swahava, mi lorha swa mavunwa vonani, ndzi ta lwa na n'wina, ku vula Hosi Yehovha.

Swirilo 4:12

Tihosi ta misava, ni vaaki hinkwavo va matiko, A va pfumelanga leswaku Nala ni mukanganyisi va ta va va nghena Hi tinyangwa ta Yerusalema.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Yeremiya 50:31

“Vona, ndzi ta eka wena, mutikukumuxi, ku vula Hosi, Yehovha wa tinyimpi, hikuva ri tile siku ra wena, nkarhi lowu ndzi ku holovelaka ha wona.

Pisalema 125:2

Yerusalema! Wu rhendzeleriwe hi tintshava, Yehovha, u rhendzerisa sweswo tiko ra yena, Sweswi ni mikarhi loyi nga heriki.

Yeremiya 49:16

Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

Yeremiya 21:5

Kutani mina hi xiviri, ndzi ta lwa na n'wina hi voko leri tlakukeke, ni voko ro nonon'hwa, hi ku hlunama, ni ku kariha, ni ku leva lokukulukumba.

Esaya 22:1

Swi lo yini leswi vanhu hinkwavo va wena va tlhandlukeleke ehenhla ka tindlu,

Yeremiya 51:25

“Vona, ndzi ta eka wena, ntshava ya ku onhaka, ku vula Yehovha, wena la onhaka misava hinkwayo; ndzi ta tshambuluta voko ra mina ehenhla ka wena, ndzi ku wisa emaribyeni, kutani ndzi ku hundzula ntshava leyi hisiweke;

Yeremiya 7:4

Mi nga titshembisi hi ku vula swahava, loko mi ku: “Tempele ya Yehovha, tempele ya Yehovha, tempele ya Yehovha hi yoleyo.”

Eksoda 13:8

Hi kona u nga ta byela n'wana wa wena, u ku: ‘Lexi, i xitsundzuxo xa leswi Yehovha a ndzi endleleke swona loko ndzi huma eEgipta.’

Eksoda 13:20

Kutani va suka eSukoti, va ya fika eEtamu, va aka mitsonga kona, emaaveni ya mananga.

Ezekiele 5:8

hikwalaho, Hosi Yehovha a ku: “Ndza ku holovela; ndzi ta hetisa ku avanyisa ka mina exikarhi ka wena emahlweni ka matiko.

Ezekiele 21:3

u ku eka xihlahla xa dzonga: Yingisa rito ra Yehovha! Hosi Yehovha u ri: Vona, ndzi ta tshivela ndzilo eka wena, wu ta heta mirhi leyo tsakama hinkwayo ni mirhi hinkwayo leya ku oma; langavi leri pfurhaka a ri nga timeki, kutani mimombo hinkwayo, ku suka le dzongeni, ku fikela le n'walungwini, yi ta tshwa;

Ezekiele 34:10

Hosi Yehovha u ri: Vonani, mina ndzi le ka varisi; na swona ndzi ta vita tinyimpfu ta mina emavokweni ya vona, ndzi va tshikisa ku phamela tinyimpfu; varisi a va nga ha tiphameli va ri vona, hikuva ndzi ta ponisa ntlhambi wa mina enon'wini wa vona a swi nga ha vi swakudya swa vona.

Nahume 2:13

Vona, ndzi ta eka wena, ku vula Yehovha wa mavandla; ndzi ta hisa tigolonyi ta wena, ndzi ma hundzula musi, kutani tinghalanyana ta wena ti ta dyiwa hi fumu. Ndzi ta susa leswi phangiweke swa wena emisaveni, kutani rito ra varhumiwa va wena a ri nga ha twakali.

Yeremiya 17:3

“Ntshava ya mina, ni masimu ya yona, ni rifuwo ra wena, ni vukosi bya wena hinkwabyo, ndzi ta swi nyiketa leswaku swi phangiwa, na swona swivandla leswi tlakukeke swa wena hikwalaho ka swidyoho swa wena leswi nga emindzilekaneni ya wena hinkwayo.