Yeremiya 20:8 - Xitsonga (Bibele)

⁸ Hikuva hi masiku loko ndzi vulavula, ndzi tlakusa rito, ndzi huwelela eka vanhu ku nonon'hwa ni ku onha; hikwalaho rito ra Yehovha ri ndzi hundzukele ku holoveriwa ni xisandzu siku rin'wana ni rin'wana.

BIBELE Mahungu Lamanene

⁸ Nkarhi wun'wana ni wun'wana loko ndzi vulavula, ndzi le ku va tshinyeni, ndzi huwelela ndzi ku: “Tinyimpi hi teto, maxangu ma nghenile!” Ku dyondzisa rito ra wena we HOSI, swi ndzi sorisa ni ku ndzi hlekurisa hi vanhu masiku hinkwawo.

Yeremiya 20:8 Referans Kwoze

Yeremiya 6:10

Ndzi nga vita mani, kumbe ndzi nga vutisa mani, leswaku va ta yingisa? Langutani, ndleve ya vona a yi yimbanga, kutani va tsandzeka ku hlayisa timhaka, langutani, rito ra Yehovha ri hundzukile xisandzu exikarhi ka vona, a va ha titsakeri ha rona.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

1 Petro 4:14

Loko mi xanisiwa hikwalaho ka vito ra Kriste, mi katekile; hikuva Moya wa ku kwetsima, lowu nga wa Xikwembu, wu tshame ehenhla ka n'wina, vona va wu sandza, kambe n'wina ma wu dzunisa.

Vaheveru 13:13

A hi humeni hakona, hi ya eka yena ehandle ka mixaxa, hi ri karhi hi rhwala tingana ta yena.

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

Luka 11:45

Kutani un'wana wa vadyondzisi va nawu a vulavula, a ku: “Mufundhisi hi ku vula sweswo, wa hi sandza na hina.”

Yeremiya 28:8

Vaprofeta va vile kona emahlweni ka mina ni le mahlweni ka wena, enkarhini wa khale va profetile ematikweni yo tala ni le ku fumeni lokukulu, leswaku tinyimpi ni makhombo, ni ntungu swi ta va kona.

Yeremiya 20:7

Oho Yehovha, u tshama u ndzi khorwisa, kutani ndzi khorwile; u tshama u ndzi sindzisa hi matimba, kutani u ndzi hlurile; ndzi endliwa xihlekiso siku rin'wana ni rin'wana, va ndzi hleka hinkwavo.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

Yeremiya 7:9

I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Yeremiya 5:1

“Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.

Yeremiya 15:10

Ndzi ni khombo mina, wee manana, hikuva u ndzi velekile, ndzi ri munhu wa timholovo ni wa mitengo eka tiko leri hinkwaro! A ndzi si lomba nchumu, kambe a ndzi si lombiwa; hambiswiritano, va ndzi rhukana hinkwavo!

Yeremiya 15:15

Kambe wena Yehovha, u tiva hinkwaswo, u ri karhi u ndzi anakanya, u ndzi hitekela, kambe u ndzi rihisela eka lava ndzi xanisaka. Eku yingiseleni lokukulu ka wena, u nga tshuki u ndzi susa, wanga anakanya leswaku ndzi sandziwa hikwalaho ka wena.

Habakuku 1:3

U ndzi kombisela yini ku homboloka, kutani u langutela yini ku xanisa? Ku onhaka ni ku nonon'hwa swi le mahlweni ka mina; ka holoviwa, ku va ku pfuka ni ku hambana.

2 TIHOSI 2:23

A suka kona, a ya eBetele, kutani kakuloko a tlhandluka hi ndlela, varisanyana va huma emutini, va n'wi hleka, va ku: “Tlhandluka, wee mpandhla! Tlhandluka wee mpandhla!”

Esaya 57:4

Mi hleka mani xana? Mi ahlamisela mani nomu? Mi humesela mani tindzimi? Xana a mi vana va vudyohi, rixaka ra ku hemba,