Yeremiya 20:7 - Xitsonga (Bibele)

⁷ Oho Yehovha, u tshama u ndzi khorwisa, kutani ndzi khorwile; u tshama u ndzi sindzisa hi matimba, kutani u ndzi hlurile; ndzi endliwa xihlekiso siku rin'wana ni rin'wana, va ndzi hleka hinkwavo.

BIBELE Mahungu Lamanene

⁷ We HOSI, u ndzi xisile, na mina ndzi pfumerile ku xisiwa; wa ndzi tlula hi matimba, kutani u ndzi kotile. Ndzi hundzuka xihlekiso masiku hinkwawo, vanhu hinkwavo va ndzi hlekula.

Yeremiya 20:7 Referans Kwoze

Hosiya 9:7

Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

Swirilo 3:14

Ndzi hundzukile xisandzu xa tiko ra mina hinkwaro, Ni risimu ra vona siku hinkwaro.

Ezekiele 3:14

Moya wu ndzi tlakula, wu ndzi susa, kutani ndzi tifambela hi ku vaviseka ni ku kariha; kambe voko ra Yehovha a ri tirha ehenhla ka mina hi matimba.

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Vaheveru 11:36

Van'wana va ringiwile hi ku soriwa, ni ku biwa, ni ku bohiwa, ni khotso.

1 Vakorinto 9:6

Kumbe hi mina na Barnaba ntsena hi nga riki na matimba ya ku tshika ku tirha-ke? I mani la yaka eku lweni hi mbuva ya yena?

Timhaka 17:32

Kambe loko va twa mhaka ya ku pfuka ka vafi, van'wana va hleka van'wana va ku: “Ha ha ta tlhela hi ku yingisa kambe emhakeni leyi.”

Timhaka 17:18

Kambe tintlhari tin'wana ta dyondzo ya Epikuro ni ya Switoyika, va hlamulana na yena; kutani van'wana va ku: “Xana xivulavuri lexi, xi ri yini?” Van'wana va ku: “Wa ngi i mufundhisi wa swikwembu swin'wana,” hikuva a a va byela ta Yesu ni ta ku pfuka ka vafi.

Luka 23:11

Kutani Heroda a n'wi sandza a ri ni tinhenha ta yena, a n'wi tseketsela; kuteloko a n'wi funengetile hi nguvu leyi vangamaka, a n'wi tlherisela eka Pilato.

Luka 16:14

Vafarisi lava nga ni makwanga, a va yingisa timhaka teto hinkwato, kutani va n'wi tsan'wa.

Mikiya 3:8

Kambe mina, ndzi tele matimba, ndzi tele Moya wa Yehovha, ni ku lulama ni vunhenha, swi ri leswaku ndzi ta byela Yakobo ku tlhela ka yena, na Israele, xidyoho xa yena.

Yeremiya 29:26

‘Yehovha u ku vekile muprista ematshan'weni ya muprista Yehoyada leswaku u va mukamberi endlwini ya Yehovha eka munhu un'wana ni un'wana la hlanyaka, la tiendlaka muprofeta leswaku u n'wi pfalela, u n'wi nghenisa ni le khotsweni.

Yeremiya 17:16

Kutani mina a ndzi alangi ku va murisi la ku landzaka hi le ndzhaku; kambe a ndzi navelanga siku ra khombo; wena wa swi tiva; leswi humeke enon'wini wa mina swi le mahlweni ka wena.

Yeremiya 15:18

Kambe ku vaviseka ka mina ku kona hilaha ku nga heriki, ni mbanga ya mina a yi ongoriwi ha yini xana? Yi alela yini ku hola? Xana eka mina u ta va xihlovo lexi kanganyisaka, kumbe mati lama phyeke xana?

Yeremiya 15:10

Ndzi ni khombo mina, wee manana, hikuva u ndzi velekile, ndzi ri munhu wa timholovo ni wa mitengo eka tiko leri hinkwaro! A ndzi si lomba nchumu, kambe a ndzi si lombiwa; hambiswiritano, va ndzi rhukana hinkwavo!

2 TIHOSI 2:23

A suka kona, a ya eBetele, kutani kakuloko a tlhandluka hi ndlela, varisanyana va huma emutini, va n'wi hleka, va ku: “Tlhandluka, wee mpandhla! Tlhandluka wee mpandhla!”

Ntirho 12:4

Ndzi hundzukile mahleko eka vanakulorhi, Loko ndzi kombela ku pfuniwa hi Xikwembu; Ingi la lulameke, la pfumalaka nandzu, i mahleko!

Pisalema 119:51

Vatikurisi va ndzi hleka ngopfungopfu, Hambiswiritano, a ndzi hambukanga enawini wa wena.

Yeremiya 38:19

Hosi Sedekiyasi a byela Yeremiya, a ku: “Kambe ndzi chava Vayuda lava tinyiketeke eka Vakalediya, leswaku ndzi nyiketiwa emavokweni ya vona, va ta tlanga ha mina.”

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Ntirho 30:9

“Sweswi ndzi hundzukile risimu ra vona. Ni ku vulavula ka vona.

Esaya 8:11

Ku vulavule sweswo Yehovha eka mina siku voko ra yena ri ndzi khomeke, a ndzi tsundzuxa leswaku ndzi nga tshuki ndzi famba hi mitila ya tiko leri, a ku: