Yeremiya 20:6 - Xitsonga (Bibele)

⁶ Loko u ri wena Paxahuru, ni lava akeke endlwini ya wena hinkwavo, mi ta ya evukhumbini; u ta ya Babilona, u ya fela kona, u yimberiwa kona, ni maxaka ya wena hinkwawo lawa u nga karhi u ma profetelaka vunwa.’ ”

BIBELE Mahungu Lamanene

⁶ Loko a ri wena Paxahuru ni hinkwavo lava tshamaka emutini wa wena, mi ta ya evukhumbini. U ta yisiwa eBabilona, wena ni vanghana va wena hinkwavo lava u nga va dyondzisa mavunwa; mi ta ya fela kona, mi tlhela mi lahliwa kona.’ ”

Yeremiya 20:6 Referans Kwoze

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Ezekiele 22:28

Vaprofeta va rona va swi tota hi ndzhope va vona swahava, va bvumbha vunwa eka vona va ku: ‘Hosi Yehovha u vule swo karhi,’ kasi Yehovha a nga vulangi.

Yeremiya 20:4

Hikuva Yehovha u te: ‘Waswivo, ndzi ta ku endla ku chava, ku ri ka wena, ni ka maxaka ya wena hinkwawo, va ta wa hi fumu ra lava nga valala va vona, kutani u ta vona sweswo hi mahlo; kambe ndzi ta nyiketa va Yuda hinkwavo emavokweni ya hosi ya Babilona, leswaku a va yisa evukhumbini eBabilona, kutani a va dlaya hi fumu.

Zakariya 13:3

Loko ku nga va ni un'wana loyi a ha profetaka, tata wa yena ni mana wa yena lava nga n'wi veleka va ta ku eka yena: ‘U nga ka u nga hanyi, hikuva u vurile vunwa hi vito ra Yehovha!’ Tata wa yena ni mana wa yena lava nga n'wi veleka va ta n'wi tlhava hikwalaho ka ku profeta ka yena.

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Yeremiya 29:32

hikwalaho ku vula Yehovha: Vona, ndzi ta holovela Xemaya wa Nehelami ni rixaka ra yena. A ku nga ha vi na munhu wa yena la akaka exikarhi ka tiko leri, a ta vona vunene lebyi ndzi nga ta endlela tiko ra mina, ku vula Yehovha; hikuva u vurile marito ya ku pfukela Yehovha.’ ”

Yeremiya 23:32

Vonani, ndzi ni mitengo na lava profetaka milorho ya mavunwa, ku vula Yehovha, va yi vulavulaka ku hambuxa tiko ra mina hi mavunwa ya vona, ni ku tikanganyisa ka vona; kasi a ndzi va rhumanga, a ndzi va nyikanga ku lerisa; loko ku ri ku pfuna, a va pfuni tiko leri ha nchumu, ku vula Yehovha.

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Esaya 9:15

Nkulukumba ni ndhuna i nhloko kutani muprofeta la dyondzisaka mavunwa, i ncila.

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Levhitika 26:17

Ndzi ta mi languta hi vukari; mi ta tlhaviwa hi valala va n'wina; lava mi vengaka va ta mi fuma, kutani mi ta baleka mi nga hlongorisiwi hi munhu.

Yeremiya 20:1

Kutani Paxahuru, n'wana Imere, muprista ni mulanguteri lonkulu wa yindlu ya Yehovha, a twa Yeremiya loko a profeta timhaka teto;

Yeremiya 14:13

Ku va laha ndzi nge: “Yo! Hosi Yehovha vona, vaprofeta va vona va va byela, va ku: ‘Mi nga ka mi nga voni fumu, hambi yi ri ndlala yi nga ka yi nga vi kona eka n'wina; hikuva ndzi ta mi nyika ku rhula loku tiyeka endhawini leyi.’ ”

Yeremiya 14:16

Loko ri ri tiko rero vaprofeta va nga karhi va va profetelaka, va ta etlerisiwa emitsendzeleni ya Yerusalema, hi ndlala ni fumu, kutani ku ta pfumaleka lava va yimbelaka vona, ni vasati va vona, ni vana va vona va xinuna ni va xisati; ndzi ta va halatela ku biha ka vona.