Yeremiya 20:13 - Xitsonga (Bibele)

¹³ Yimbelelani eka Yehovha, mi dzunisa Yehovha! Hikuva u lwele vutomi bya xisiwana emavokweni ya lavo biha.

BIBELE Mahungu Lamanene

¹³ Yimbelelani mi tlangela HOSI Xikwembu, hikuva xi kutsurile swisiwana emavokweni ya vadyohi.

Yeremiya 20:13 Referans Kwoze

Esaya 25:4

Hikuva u xichavelo xa lava tsaneke, ni xichavelo xa xisiwana emapfalweni ya xona, ni xisirhelo hi siku ra xidzedze, ni ndzhuti loko dyambu ri hisa, hikuva moya wa vaxanisi wu kotisa xidzedze lexi solovanyaka khumbi.

Pisalema 69:33

Hikuva Yehovha wa yingisa swisiwana, Kutani a nga sandzi vabohiwa va yena.

Pisalema 72:4

Yi ta avanyisa timhaka ta swisiwana swa tiko hi ku lulama, Yi ta ponisa vana va mupfumari, Kambe yi ta phyandlasa muxanisi.

Pisalema 34:6

Munhu loyi wa nhlomulo u khongerile, kutani Yehovha u n'wi yingisile, A va a n'wi ponisa enhlomulweni wa yena hinkwawo.

Yeremiya 15:21

“Ndzi ta tshama ndzi ku lamulela emavokweni ya lavo biha, kutani ndzi ta ku kutsula emavokweni ya tinhenha.”

Yeremiya 31:7

Hikuva Yehovha u vula a ku: “Huwelelani hi ku tsaka eka Yakobo, mi dzunisa loyi a nga lowo rhanga exikarhi ka matiko; twarisani tinsimu, mi ku: ‘Oho Yehovha, ponisa tiko ra wena, e masalela ya Israele?’