Yeremiya 20:11 - Xitsonga (Bibele)

¹¹ Kambe Yehovha u le ka mina kukotisa nhenha leya matimba; hikwalaho, lava ndzi xanisaka va ta khunguvanyeka, kutani va nga ka va nga hluri nchumu; va ta khomisiwa tingana ngopfu hikuva a va tlharihanga; ti ta va tingana leti nga heriki, leti nga riki na ku rivariwa.

BIBELE Mahungu Lamanene

¹¹ Kambe HOSI Xikwembu xi na mina kukota nhenha ya matimba, hi xona xi nga ta wisa lava va ndzi xanisaka, va nga ka va nga ndzi hluri. Va ta tlhela ni tingana, va nge humeleli, ku nyumisiwa ka vona a ku nga ha rivariwi ni siku ni rin'we.

Yeremiya 20:11 Referans Kwoze

Yeremiya 1:19

Va ta lwa na wena, kambe va nga ka va nga ku hluri, hikuva ndzi na wena ku ku lwela,” ku vula Yehovha.

Yeremiya 1:8

U nga chavi, hikuva ndzi na wena ku ku lwela,” ku vula Yehovha.

Yeremiya 15:20

Kambe wena ndzi ta ku endla etikweni leri leswaku u va rirhangu ra koporo lero tiya. Va ta ku pfuka, kambe va nga ka va nga ku hluri, hikuva ndzi ta va na wena ku ku ponisa ni ku ku sirheleta,” ku vula Yehovha.

Yeremiya 17:18

Lava ndzi xanisaka a va khomisiwe tingana, kambe mina ndzi nga tshuki ndzi khomisiwa tingana; a va rhurhumele, kambe mina ndzi nga tshuki ndzi rhurhumela. A va humeseriwe siku ra khombo, kutani u va kandziyela hi ku va kandziyela kambirhi.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 6:10

Hinkwavo valala va mina va ta khomiwa hi tingana, va rhurhumela; Va ta tlhela endzhaku, va khomiwa hi tingana.

Pisalema 40:14

A va kanakane, a va khomiwe hinkwavo hi tingana Lava lavaka vutomi bya mina ku byi susa; A va tlhelele endzhaku, a va khomiwe hi tingana, Lava tsakelaka ku onhaka ka mina!

Pisalema 35:26

A va khomiwe hi tingana, a va kanakanisiwe kun'we Lava tsakelaka swo biha leswi ndzi telaka! A va funengetiwe hi tingana ni xisandzu Lava tikurisaka ehenhla ka mina!

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Yeremiya 23:40

Ndzi ta veka ehenhla ka n'wina xisandzu lexi nga heriki, ni tingana leti nga heriki leti nga tiki rivaleriwaka.”

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

Esaya 45:16

Hinkwavo va khomiwa hi tingana, va vaviseka, va suka va ri ni tingana vona vaendli va swifaniso.

Pisalema 66:5

Tanani, mi vona mitirho ya Xikwembu; Xa chaviseka eku endleni ka xona ehenhla ka vana va vanhu;

Daniele 12:2

Kutani lavo tala lava etleleke entshurini wa misava va ta pfuka, van'wana va ta pfukela vutomi lebyi nga heriki, van'wana va ta pfukela xisandzu ni tingana leti nga heriki.

Pisalema 65:5

U hi hlamula hi mitirho leyi chavisaka ya ku lulama ka wena, Xikwembu xa ku hlayiseka ka hina, Wena la nga ku tshemba ka matlhelo hinkwawo ya misava ni ya lwandle!

Pisalema 47:2

Hikuva Yehovha, La nge henhlahenhla, wa chaveka; Hi yena hosi leyikulu emisaveni hinkwayo.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Pisalema 129:2

Va ndzi xanisile swonghasi ka ha ri mpfhuka ndzi ri lontshwa, Kambe a va ndzi hlulanga.

Yeremiya 15:15

Kambe wena Yehovha, u tiva hinkwaswo, u ri karhi u ndzi anakanya, u ndzi hitekela, kambe u ndzi rihisela eka lava ndzi xanisaka. Eku yingiseleni lokukulu ka wena, u nga tshuki u ndzi susa, wanga anakanya leswaku ndzi sandziwa hikwalaho ka wena.

Yeremiya 22:22

Varisi va wena hinkwavo va ta tekiwa hi mheho, ni varhandziwa va wena va ta yisiwa evukhumbini; hilaha u nga ta khomisiwa tingana, u va u kanakana hi vumbabva hinkwabyo bya wena.

Yeremiya 32:18

U endlile hi tintswalo ku yisa etinxakeni ta madzana, u vuyisile ku homboloka ka vatatana exifuveni xa vana va vona endzhaku ka vona; hi wena Xikwembu lexikulu, xa matimba, lexi vito ra xona a nga Yehovha wa mavandla.

Yeremiya 1:18

Languta, namuntlha, mina ndzi ku endla muti wa khokholo, ni mhandze ya nsimbhi, ni rirhangu ra koporo emahlweni ka tiko hinkwaro, ni le mahlweni ka tihosi ta Yuda, ni le mahlweni ka vakulukumba va kona, ni le mahlweni ka vaprista va kona, ni le mahlweni ka vanhu va tiko.