Yeremiya 2:31 - Xitsonga (Bibele)

³¹ N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

BIBELE Mahungu Lamanene

³¹ N'wina vanhu va Israele, yingisani swinene, hikuva mina HOSI ndzi ni rito eka n'wina: Xana ndzi mi karhatile n'wina vanhu va mina, xana ndzi vile tiko lero oma ra xinyami eka n'wina xana? Loko swi nga ri tano, hikwalaho ka yini mi ku: ‘Hi ta ya lomu hi ku rhandzaka, a hi swi lavi ku tlhelela eka wena!’ xana?

Yeremiya 2:31 Referans Kwoze

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

1 Vakorinto 4:8

Na sweswi mi xurhile, na sweswi mi fuwile, ma fuma ehandle ka hina. Kunene a swi sasekile loko mi fuma, leswaku na hina hi ta fuma na n'wina.

Mikiya 6:9

Rito ra Yehovha ri huwelele muti; kutani la nga ni vutlhari u ta chava vito ra wena! “Yingisani nhonga ni loyi a yi leriseke.

Amosi 1:1

Hi wona marito ya Amosi, un'wana wa varisi va le Tekowa, ti nga timhaka leti a ti voneke hikwalaho ka Israele emikarhini ya Uziya, hosi ya Yuda, ni le mikarhini ya Yerobuwamu, n'wana Yowasi, hosi ya Israele, loko ku ta hundza malembe mambirhi ku ta va ni ku tsekatseka ka misava.

Hosiya 13:6

Va xurhile evudyelweni bya vona, kuteloko va xurhile, timbilu ta vona ti tikukumuxa; va ndzi rivele hakona.

Esaya 45:19

A ndzi vulavulanga exihundleni, endhawini ya munyama ya misava, a ndzi byelanga vatukulu va Yakobo ndzi ku: ‘Mi ta ndzi lava mahala!’ Mina Yehovha, ndzi vula leswo lulama, ndzi vula leswi tiyeke.

Swivuriso 30:9

Kumbexana loko ndzi xurhile ndzi nga ku landzula, Ndzi ku: “Yehovha i mani?” Kumbe xana, loko ndzi ri xisiwana, ndzi yiva, Ndzi tlanga hi vito ra Xikwembu xa mina.

Pisalema 12:4

Va nga vona lava nge: “Hi ta hlula hi tindzimi ta hina, Milomu yi na hina; hi nga fuma hi mani?”

Pisalema 10:4

Lowo biha, eku tikuriseni ka yena, a ku: A nga ka a nga vutisisi; “Xikwembu a xi kona”; hi kona ku anakanya ka yena hinkwako.

2 TIKRONIKA 31:10

Kutani Azariya, muprista lonkulu, wa yindlu ya Sadoki. A hlamula, a ku eka yena: “Ku suka enkarhini lowu va sunguleke ku tisa mihlengo endlwini ya Yehovha, hi dyile, hi xurhile, hi siyile leswo tala hikuva Yehovha u katekisile tiko ra yena; kutani leswi seleke, hi swona leswo tala leswi.”

Duteronoma 31:20

Kutakuloko ndzi va nghenisile etikweni leri ndzi ri hlambanyeleke vatata wa vona, tiko leri khulukaka ntswamba ni vulombe ni loko va dyile, kutani va xurhile va nonile, ni loko va hundzukele ka swikwembu swin'wana, va swi tirhela, ni loko va ndzi sandzile kambe va tlurile ntwanano wa mina,

Yeremiya 2:20

“Hikuva khale u tshovile joko ra wena, u tshunxile mapindza ya wena, kambe u ku: ‘A ndzi nga ha tirhi!’ hilaha u tinyikeke vuoswi eswitsungeni hinkwaswo leswi tlakukeke ni le hansi ka mirhi hinkwayo leyi nga ni matluka.

Yeremiya 2:25

Hiteka leswaku nenge wa wena wu nga fambi ntsena, ni nkolo wa wena wu nga omi, u ri karhi u vula leswaku ndzi rhandzile swikwembu swa vamatiko, kambe ndza ha ta swi landzela.

Duteronoma 32:18

U tshikile Ribye leri ku velekeke, U rivele Xikwembu lexi ku tumbuluxeke.

1 TIHOSI 11:22

Faro a ku eka yena: “U pfumala yini eka mina leswi u lavaka ku muka etikweni ra wena-ke?” A hlamula, a ku: “A ndzi pfumali nchumu, kambe ndzi tshike ndzi famba.”

Ntirho 21:14

Hambiswiritano, va ku eka Xikwembu: ‘Suka eka hina, A hi rhandzi ku tiva tindlela ta wena.

Yeremiya 5:5

Ndzi ta ya eka vakulukumba, ndzi vulavula na vona, hikuva vona va tiva ndlela ya Yehovha, ni nawu wa Xikwembu xa vona. Kambe, na vona hinkwavo, va tshovile joko, va tshunxile mapindza.

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.