Yeremiya 2:30 - Xitsonga (Bibele)

³⁰ “Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

BIBELE Mahungu Lamanene

³⁰ Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

Yeremiya 2:30 Referans Kwoze

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

1 Vatesalonika 2:15

va nga vona lava dlayeke Hosi Yesu, ni vaprofeta va vona, kutani va hi xanisile; a va tsakisi Xikwembu, kambe i valala eka vanhu hinkwavo;

Timhaka 7:52

Hi wihi muprofeta loyi vatata wa n'wina va nga n'wi xanisangiki? Va dlele ni lava vuleke eku sunguleni ku ta eka loyi a lulameke, loyi sweswi, mi n'wi xengeke, kutani mi hundzukile vadlayi va yena;

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Esaya 1:5

Mi ta biwa ku yisa kwihi, loko mi andzisa ku tiarisa ka n'wina xana? Nhloko hinkwayo ya vabya, ni mbilu hinkwayo yi twa ku vaviseka.

Matewu 23:29

“Mi ni khombo n'wina, vatsari ni Vafarisi, vamanyunyu, hikuva ma aka masirha ya vaprofeta, kutani mi bombisa masirha ya lava lulameke, mi ku:

Yeremiya 7:28

U va byela, u ku: ‘Leri i tiko leri nga yingisiki rito ra Yehovha, Xikwembu xa rona leri nga amukeriki ku layiwa, ku lulama ku onhakile, ku susiwile emilon'wini ya vona.

Esaya 9:13

Kambe tiko a ri tlhelelanga eka loyi a ri baka, a ri lavi Yehovha wa tinyimpi.

Nhlavutelo 16:9

Kutani vanhu va hisiwa hi mumu lowukulu kutani va sandza vito ra Xikwembu lexi nga ni matimba ehenhla ka makhombo walawo; kambe a va hundzukanga leswaku va xi dzunisa.

Sofoniya 3:2

A wu yingiselanga rito, a wu amukeli ku tshinyiwa, a wu tshembanga Yehovha; a wu tshinelanga eka Xikwembu xa wona.

Ezekiele 24:13

Ku biha ku kona ethyakeni ra wena, kasi ndzi ku hlantswile, hambiswiritano, a ku tenganga; a ku nga ha hlantswiwi thyaka ra wena ku fikela loko ndzi korwise vukari bya mina ha wena.

Yeremiya 31:18

“Ndzi twile Efrayimi loko a tirilela, a ku: ‘U ndzi holovele hi ku holova loku kotisaka xinkuzana lexi nga siki dyondzisiwaka: Ndzi tlherisele eka wena, hi kona ndzi nga ta tlhela; hikuva u Yehovha, Xikwembu xanga!

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

2 TIKRONIKA 28:22

Hambiloko a ri ekhombyeni, a engeta a dyohela Yehovha.

2 TIKRONIKA 24:21

Kavaloko va endla rhengu ku n'wi lovisa, kutani va n'wi khandla hi maribye exivaveni xa yindlu ya Yehovha, hi ku lerisa ka hosi.

1 TIHOSI 19:14

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla, hikuva vana va Israele va tshikile ntwanano wa wena, va mbundzuxe tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya.”

1 TIHOSI 19:10

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla; hikuva vana va Israele va tshikile ntwanano wa wena, va mbundzuxile tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya!”

Esaya 59:3

Hikuva mavoko ya n'wina ma nyamisiwile hi ngati, ni tintiho ta n'wina hi vudyoho; milomu ya n'wina yi vula mavunwa, tindzimi ta n'wina ti vulavula swa lunya.

Yeremiya 46:14

“Tivisani Egipta, mi byela Migidolo; mi byela Nofu, na Tahapanese, mi ku: ‘Yima, u tilunghisa, hikuva fumu ri dya hi matlhelo ya wena.

Swirilo 4:13

Swona swi humelele hikwalaho ka swidyoho swa vaprofeta va yena, Ni vukanganyisi bya vaprista va yena, Lava nga halata exikarhi ka wona Ngati ya lava lulameke.

Ezekiele 22:24

“N'wana wa munhu, u nge eka Yerusalema: U tiko leri nga hlantswiwangiki, leri pfumalaka mpfula esikwini ra vukari.

Daniele 9:13

Kukotisa loko ku tsariwile enawini wa Muxe, swo biha leswi hinkwawo swi hi humelele sweswo. Kambe a hi olovisanga mombo wa Yehovha, Xikwembu xa hina, hi ku tshika swidyoho swa hina, ni ku tlharihela ntiyiso wa wena.