Yeremiya 2:27 - Xitsonga (Bibele)

²⁷ va nga lava nge eka murhi: ‘U tatana,’ ni ka ribye va ku: ‘Hi velekiwe hi wena.’ Hikuva va ndzi kombile xikosi, wu nga ri mombo hambi siku va humeleriwaka hi khombo, va ku: ‘Yima, u hi ponisa!’

BIBELE Mahungu Lamanene

²⁷ Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’

Yeremiya 2:27 Referans Kwoze

Esaya 26:16

Yehovha, va langutile eka wena emaxangwini ya vona. Loko u va ba, a va rilela eka wena.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Hosiya 5:15

Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

Ezekiele 23:35

“Hikwalaho ka swona, ku vula Hosi Yehovha: Leswi u ndzi riveleke, u ndzi cukumeteke ndzhaku ka nhlana wa wena, hikwalaho-ke, rhwala u ri wena, nandzu wa vuhava bya wena ni wa vuoswi bya wena.”

Ezekiele 8:16

Kutani a ndzi yisa exivaveni xa le xikarhi ka yindlu ya Yehovha; kona ndzi vona enyangweni ya tempele ya Yehovha, exikarhi ka nyangwa ni alitari, vavanuna lava lavaka ku va 25 va yimile; mihlana ya vona yi langutene ni tempele ya Yehovha, kasi mimombo ya vona yi langutile evuxeni, a va gandzela dyambu tlhelo ra vuxa.

Yeremiya 32:33

Va ndzi fularhele va nga ndzi langutanga, kasi mina ndzi va dyondzisa, ndzi pfuka nimpundzu ku va dyondzisa, kambe a va yingisanga leswaku va amukela ku tshinyiwa.

Yeremiya 22:23

Wena, muaki wa Lebanoni, la akeke emarhavini ya tikedari, u ta kolorisa ku yini, siku khombo ri ku humelelaka, ri ri khombo leri fanaka ni ra muveleki!”

Yeremiya 18:17

Kukotisa moya wa vuxa, ndzi ta va hangalasa emahlweni ka valala; ndzi va languta hi xikosi, ku nga ri hi mombo, hi siku ra ku onhaka ka vona.” ’ ”

Yeremiya 10:8

Hinkwavo va hungukile va rivele; dyondzo ya swifaniso swa vona i murhi ntsena, ni silivhere leyi furiweke leyi pfaka Tarxixi, ni nsuku lowu humaka eUfazi;

Yeremiya 2:24

U mangwa leyi toloveleke mananga, yi nun'hwetela moya hi ku navela ka yona; eku tsutsumeni ka yona yi nga kota hi mani xana? Leti ti yi lavaka ti nga ka ti nga tikarhati, ti ta yi kuma hi n'hweti ya yona.

Yeremiya 3:9

Hi vuoswi lebyi twakaleke bya yena, Israele u nyamisile misava. Kambe u oswanile ni ribye ni murhi.

Yeremiya 30:7

Yo! Mina! Siku leri hi lerikulu, a ku na rin'wana ro fana na rona; i mikarhi ya makhombo eka Yakobo; hambiswiritano, u ta pona ka swona.

Yeremiya 37:3

Hosi Sedekiyasi a rhuma Yuhukali n'wana Xelemiya, na Sofoniya n'wana Maaseya, muprista, eka muprofeta Yeremiya a ku: “U hi khongelela eka Yehovha Xikwembu xa hina.”

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Hosiya 4:12

Tiko ra mina ri vutisa mirhi ya rona, kutani nkhavi wa rona wu ri tsundzuxa; hikuva moya wa vuoswi wu va hundzuluxile va oswa ekule ni Xikwembu xa vona.

2 TIKRONIKA 29:6

Hikuva vatata wa hina va tiarisile va endlile leswo biha emahlweni ka Yehovha, Xikwembu xa hina, va xi tshikile va hundzukisile mimombo ya vona, va nga languti Yindlu ya Yehovha, va yi fularhela.

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;