Yeremiya 2:21 - Xitsonga (Bibele)

²¹ Kasi mina, a ndzi ku simekile, u ri vhinya leyi hundzisaka hi ku saseka, wa rixaka lerinene; u tihundzurise ku yini leswaku u va vhinya ya rixaka rimbe eka mina-ke?

BIBELE Mahungu Lamanene

²¹ A ndzi mi hlawurile kukota ximilana xo saseka xa vhinya, ndzi mi simeka emisaveni leyinene. Kambe mi hundzuke nsinya lowu nga tswaliki nchumu, lowu timilelaka enhoveni.

Yeremiya 2:21 Referans Kwoze

Esaya 5:4

Lexi nga fanela ku endliwa, lexi ndzi nga xi endlangiki i yini? Leswi ndzi languteleke leswaku yi ta veka mihandzu leyo nandziha, i yini leswi yi vekeke leyo bava xana?

Eksoda 15:17

U ta va fikisa, u va simeka entshaveni ya ndzhaka ya wena, Exivandleni lexi u tiendleleke xona ku tshamisa kona, oho Yehovha! Eku kwetsimeni loku endliweke hi mavoko ya wena, Hosi!

Yohane 15:1

“Hi mina nsinya lowunene wa vhinya; murimi i Tatana.

Pisalema 44:2

Hi voko ra wena u hlongorise vamatiko ku va akisa, U herise vamatiko ku va anamisa.

Pisalema 80:8

U tsuvule vhinya etikweni ra Egipta, U hlongorile matiko, kutani u yi simeka.

Duteronoma 4:37

Hikuva xi rhandzile vatata wa wena, kutani xi hlawurile vatukulu va vona endzhaku ka vona, xi ku humesile eEgipta hi mombo wa xona, ni matimba lamakulu ya xona,

Luka 20:9

Kutani a sungula ku byela vanhu xifaniso lexi, a ku: “Munhu un'wana a a byarile nsimu ya vhinya, kutani a yi hirisela varimi, kavaloko a ya eku endzeni hi nkarhi lowukulwanyana.

Marka 12:1

Kutani a sungula ku vulavula hi swifaniso, a ku: “Munhu a simekile vhinya ensin'wini, a yi biyerile hi rihlampfu, a cele xikhuvutelo, a aka ni tshala; kutani a yi lerisela varimi, yena a ya ku endzeni.

Duteronoma 32:32

Hikuva vhinya ya vona yi hume ensinyeni wa Sodoma, Ni le masin'wini ya Gomora; Mavhinya ya vona i mavhinya ya vuxungu, Swidzumba swa vona swa bava.

Matewu 21:33

“Yingisani xifaniso xin'wana. Munhu a a ri kona, a ri n'wini wa yindlu, a byarile nsimu ya vhinya, a yi biyerile rihlampfu, a cerile xikhuvuto, a ake ni tshala; kutani loko a yi vekile emavokweni ya varimi, a ya endza.

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Esaya 60:21

Ku ta kumiwa lavo lulama ntsena etikweni ra wena, va ta fuma tiko hi masiku; i hluke leri ndzi ri byaleke, i ntirho wa mavoko ya mina, leswaku wu ta ndzi twarisa.

Esaya 41:8

“Kambe wena Israele, nandza wa mina, wena Yakobo, loyi ndzi ku hlawuleke, xaka ra Abrahama leri ndzi ri rhandzeke!

Esaya 1:21

Yo! Muti lowu tshembekeke, wu hundzukile wa mbiri A wu tele swo lulama, ku lulama a ku akile kona, kasi sweswi, i vadlayi.

Pisalema 105:6

N'wina, va rixaka ra Abrahama, nandza wa yena, N'wina va Yakobo, vahlawuriwa va yena.

Yoxuwa 24:31

Kutani Israele a tirhela Yehovha hi masiku hinkwawo ya Yoxuwa, ni masiku hinkwawo ya vakulukumba lava lehiseke masiku ya vona endzhaku ka Yoxuwa, lava nga tiva ntirho hinkwawo lowu Yehovha a nga wu endlela Israele.

Swirilo 4:1

Xana nsuku wu hundzukisile ku yini ntima? Nsuku lowu nga ringiwa endzilweni wu hundzukisile mavala hi yini? Maribye ya vukwetsimelo ma hangalasile ku yini Emitsendzeleni hinkwayo xana?

Genesa 32:28

Loyi a ku: “Vito ra ku a ri nga ha vuriwi Yakobo, kambe u ta va Israele (la hluleke Xikwembu); hikuva u kamane na Xikwembu, u lwile ni vanhu, kutani u va hlurile.”

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Esaya 27:2

Hi siku rero, va ta ku: “Dzunisani nsimu ya vhinya leyi hlawuriweke.

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Pisalema 80:9

U yi lunghisela misava, Kutani yi nava timitsu, yi tata tiko,

Yeremiya 5:10

“Khandziyani emarhangwini ya yena, mi mbundzuxa, kambe ku nga vi ku ya herisela emakumu; tsuvulani vhinya ya yena; hikuva a hi vhinya ya Yehovha.

Yeremiya 11:16

Yehovha u ku thyile vito ra mutlhwari lowa rihlaza, lowo saseka, wa mihandzu leyinene. Hi mpfumawulo lowukulu u lunghiseriwe ndzilo, kutani marhavi ya wena ma phatluriwile.

Ezekiele 15:2

“N'wana wa munhu, rikunyi ra vhinya ri tlula ha yini tihunyi tin'wana xana? Ndzi vula rhavi ra vhinya leri nga exikarhi ka mirhi ya xihlahla?