Yeremiya 2:2 - Xitsonga (Bibele)

² “Yana u ya huwelela etindleveni ta Yerusalema, u ku: ‘Ku vula Yehovha a ku: “Ndzi karhi ndzi anakanya ku lulama ka vuntshwa bya wena, ni rirhandzu ra ku teka ka wena, loko u ri karhi u ndzi landza endzhaku emananga, etikweni leri nga rimiwangiki.

BIBELE Mahungu Lamanene

² “Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Yeremiya 2:2 Referans Kwoze

Ezekiele 16:60

Kambe mina, ndzi ta anakanya xinakulobye xa mina, lexi ndzi nga xi endla na wena evuntshweni bya wena, ndzi ta endla na wena ntwanano lowu nga heriki.

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Yeremiya 11:6

Yehovha a ku eka mina: “Twarisa marito lawa hinkwawo emitini ya Yuda ni le mitsendzeleni ya Yerusalema, u ku: ‘Yingisani marito ya ntwanano lowo, mi endla ha wona.

Yeremiya 7:2

“Yana, u ya yima enyangweni ya yindlu ya Yehovha, kutani u huwelela kona rito lero, u ku: ‘Yingisani rito ra Yehovha, n'wina hinkwenu va Yuda lava nghenaka hi tinyangwa leti ku ta khinsamela Yehovha.

Duteronoma 2:7

Hikuva Yehovha Xikwembu xa wena, xi ku katekisile emitirhweni hinkwayo ya mavoko ya wena; xi tivile ku famba ka wena emananga lamakulu lawa. Hi malembe ya mune wa makume lawa Yehovha Xikwembu xa wena, a xi ri na wena; a u pfumalanga nchumu.” ’

Hosiya 2:15

Hilaha ndzi nga ta n'wi vuyisela masimu ya yena ya vhinya, ndzi n'wi nyika ni nkova wa Akora (dzolonga) yi va nyangwa ya ku tshemba; kutani kwalaho u ta hlamula kukotisa emasikwini ya vuntshwa bya yena, ni kukotisa esikwini leri a nga huma ha rona loko a suka etikweni ra Egipta.

Yeremiya 2:6

A va vulangi, va ku: ‘U kwihi Yehovha, la hi humeseke etikweni ra Egipta, la hi fambiseke emananga, etikweni lero kwalala, ra mikova, tiko leri omeke ra ndzhuti wa rifu, tiko leri nga riki na muhundzi, ni muaki?’

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Eksoda 14:31

Ku va kona Israele a vonaka matimba lamakulu ya Yehovha, lawa a ma kombiseke Vaegipta. Kutani tiko ri chava Yehovha; ri pfumela eka Yehovha ni le ka Muxe, nandza wa yena.

Matewu 11:15

La nga ni tindleve ku yingisa, a a yingise.

Luka 12:13

Kutani un'wana exikarhi ka ntshungu a ku eka yena: “Mufundhisi, byela makwerhu leswaku a ndzi hungulela ndzhaka ya hina.”

Yonasi 1:2

“Suka u ya eNinivha, muti lowukulu, u wu vulavulela, hikuva ku homboloka ka wona ku tlhandlukile emahlweni ka mina.”

Hosiya 8:1

Veka nanga enon'wini wa wena. Xirha xi haha kukotisa gama, xi wela ehenhla ka yindlu ya Yehovha hikuva va tlule ntwanano wa mina va hundzukele milawu ya mina.

Ezekiele 23:19

Kambe a andzisa vuoswi bya yena, a ri karhi a anakanya masiku ya vuntshwa bya yena, ni ya siku a endleke vuoswi etikweni ra Egipta.

Ezekiele 23:8

Hi ku endla sweswo, a nga tshikanga vuoswi lebyi ingi a byi endla ni Vaegipta, siku va etleleke na yena evuntshweni bya yena, a va khoma mavele ya yena loko a ha ri wanhwana, va n'wi chulula vuoswi bya vona ehenhla ka yena.

Ezekiele 23:3

va endle vuoswi le Egipta; evuntshweni bya vona va endle vuoswi; kona, va koka mavele ya vona, ku khomiwa mavele ya vona va ha ri vanhwana.

Ezekiele 16:22

Exikarhi ka manyala ya wena hinkwawo, ni vugangu bya wena, u rivele masiku ya vuntshwa bya wena loko wa ha ri ni vusweti bya wena ntsena, ni loko u puluvundza engatini ya wena.

Yeremiya 19:2

kutani u humela enkoveni wa n'wana Hinomu lowu nga emahlweni ka nyangwa ya vavumbi, kutani u ya va byela kona marito lawa ndzi nga ta ku byela wona,

Esaya 58:1

“Huwelela hi matimba, u nga feleri rito ra wena, ri tlakuse tanihi nanga ku tivisa tiko ra mina e vudyoho bya rona, ni yindlu ya Yakobo swivi swa yona!

Risimu ra Tinsimu 3:11

Humani, n'wina vanhwanyana va le Siyoni, Mi ya hlalela hosi Solomoni, Ni harhi ya vuhosi leyi a nga vehela hi mana wa yena, Hi siku ra ku teka ka yena, Ni siku ra ku tsaka ka mbilu ya yena.

Swivuriso 1:20

Vutlhari byi huwelela ehandle, Byi tlakusa rito emitsendzeleni,

Eksoda 16:8

Muxe a engeta a ku: “Kunene Yehovha u ta mi nyika nyama nimadyambu mi dya, nimixo a mi nyika vuswa mi xurha, hikuva u yingisile ku dzumadzuma ka n'wina, hilaha mi n'wi kariheleke hakona. Hikuva hina ho va swini-ke? A mi karihelanga hina, mi karihele Yehovha.”

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

Nhlavutelo 2:4

Kambe ndzi ni mhaka ehenhla ka wena hikuva u lahlile rirhandzu ra wena lero sungula.

Pisalema 129:1

Israele a a vurise sweswo leswaku: “Va ndzi xanisile swonghasi ka ha ri mpfhuka ndzi ri lontshwa,

Yeremiya 2:1

Rito ra Yehovha ri humelele eka mina, ri ku:

Yeremiya 3:4

Ni sweswi, wa ha vitana eka mina, u ku: ‘Tatana, u nakulorhi wa vuntshwa bya mina!

Hosiya 2:7

Kutakuloko a landzelela varhandziwa va yena, a nga ka a nga kumani na vona, u ta va lavisisa, kambe a nga ka a nga va kumi. Kwalaho u ta ku: ‘Ndzi ta famba ndzi tlhelela eka nuna wa mina lowo sungula, hikuva a swi sasekile eka mina enkarhini wolowo ku tlurisa sweswi.’

Duteronoma 33:3

Kunene, wa rhandza matiko; Vahlawuriwa va yena hinkwavo va le vokweni ra yena; Vona va tshama emilengeni ya wena, Va amukela marito ya wena.

Risimu ra Tinsimu 3:6

I mani loyi a humelelaka emananga Ku fana ni hunguva ya musi, La nun'hwelaka hi mirha ni mirhi ya risuna, Ni maakha hinkwawo ya vaxavisi xana?

Hosiya 2:17

Kutani ndzi ta susa mavito ya va Baali enon'wini wa wena, leswaku mavito ya vona ma nga ha vuriwi.

Hosiya 9:10

Ndzi kume Israele a ri eka mina kukotisa mihandzu ya vhinya leyi kumiwaka emananga; ndzi vonile vatata wa n'wina kukotisa swirhangana swa nkuwa lowu sungulaka ku veka. Kasi vona va ye Baala-Peyori, va tihlawulela leswa tingana, va va va hundzuka manyala kukotisa swigangu swa vona.

Hosiya 11:1

Israele loko a ha ri ntsongwana, ndzi n'wi rhandzile, ndzi vita n'wananga a huma eEgipta.