Yeremiya 2:19 - Xitsonga (Bibele)

¹⁹ U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

BIBELE Mahungu Lamanene

¹⁹ Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Yeremiya 2:19 Referans Kwoze

Esaya 3:9

Nghohe ya mimombo ya vona ya va avanyisa, va twarisile swidyoho swa vona tanihi Sodoma, kutani a va vuyangi va fihla, ku ni khombo eka mimoya ya vona hikuva hi vona lava tilaveleke ku lova ka vona.

Yeremiya 4:18

“I mikhuva ya wena ni swiendlo swa wena leswi ku humeseleke swilo sweswo; i mihandzu ya ku biha ka wena; kunene swa vava; kunene swi nghenile ku ya fika embilwini ya wena.”

Yeremiya 2:17

“A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Pisalema 36:1

Timhaka to biha ti kona embilwini ya munhu lowo homboloka; Ku chava Xikwembu a ku kona emahlweni ya yena.

Hosiya 5:5

Ku tikurisa ka Israele ku endle vumbhoni bya xivi xa yena emahlweni ka yena; Israele na Efrayimi va ta khunguvanyeka hi ku homboloka ka vona; ku ta khunguvanyeka na Yuda swin'we na vona.

Amosi 8:10

Ndzi ta hundzula mikhuvo ya n'wina mikosi, ni tinsimu hinkwato to tsaka, ndzi ti hundzula mahlomulo; ndzi ta ambexa swisuti hinkwaswo hi tinguvu to khwaxa, ndzi endla tinhloko hinkwato mimpandhla; e xirilo ndzi xi endla lexi fanaka ni xirilo lexi endleriwaka n'wana la nga swakwe, ku hetelela ka xona ku fana ni siku lero vava.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Varhoma 3:18

“A ku na ku chava Xikwembu emahlweni ka vona.”

Zakariya 7:11

Kambe va arile ku yingisa, va nonon'hwisa makatla ya vona, va pfala tindleve ta vona, leswaku va nga twi.

Hosiya 14:1

Israele, tlhelela eka Yehovha, Xikwembu xa wena, hikuva u wile hikwalaho ka ku dyoha ka wena.

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

Yeremiya 3:22

“Tlhelani, n'wina vana lava hambukeke, kutani ndzi ta horisa ku hambuka ka n'wina.” “Languta, ha ta eka wena hikuva u Yehovha, Xikwembu xa hina.

Esaya 50:1

Yehovha u vula a ku: “Ri kwihi papila ra ku tshika mana wa n'wina leri ndzi n'wi tshikeke ha rona xana? Kumbe ndzi mi xavisele mani wa lava ndzi nga va ni nandzu eka vona? Vonani, mi xavisiwile hikwalaho ka swidyoho swa n'wina, mana wa n'wina u hlongoriwile hikwalaho ka swivi swa n'wina!

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Swivuriso 5:22

Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

Swivuriso 1:31

Va ta dya mihandzu ya mikhuva ya vona, Va ta xurha hi makungu ya vona.

Swivuriso 1:32

Hikuva ku hambuka ka varivali ka va dlaya, Kutani ku tsaka ka varihuhe ka va lovisa.

Yeremiya 5:24

Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

Ezekiele 39:24

Ndzi endlile ha vona hilaha va tinyamiseke hakona, ni ku ndzi fularhela; hi kona ndzi va fihleleke mombo wa mina.

Hosiya 7:2

Kutani etimbilwini ta vona a va vuri leswaku ndzi tsundzuka mona wa vona. Sweswi, swiendlo swa vona swi va rhendzerile; swi le mahlweni ka mombo wa mina.

Hosiya 13:9

Leswi ku lahlaka, wena Israele hi loko u tiendle nala eka mina, eka loyi a ku pfunaka.

Mikiya 1:5

Leswi hinkwaswo swi ta endlakala hikwalaho ka ku tlhela ka Yakobo ni hikwalaho ka ku dyoha ka yindlu ya Israele.

Eksoda 33:6

Kavaloko vana va Israele va susa leswi va bombaka ha swona ku suka entshaveni ya Horebe.

Vaavanyisi 10:13

Hambiswiritano, mi ndzi fularhele, mi tirhele swikwembu swimbe, hikwalaho, a ndzi nga ha mi lamuleli.

1 TIHOSI 18:18

Yena a ku: “A ndzi pfilunganyisi Israele, kambe hi wena ni yindlu ya tata wa wena, hikuva mi tshikile milawu ya Yehovha, mi landza va Baali.

2 TIKRONIKA 12:5

Kavaloko Xemaya, muprofeta, a ya eka Rhobuwamu ni ka tindhuna ta va Yuda leti hlengeletaneke eYerusalema, hi ku chava Xixaka, a ku eka vona: “Yehovha u vurisa sweswo, a ku: ‘Mi ndzi tshikile; na mina ndzi mi tshikile emavokweni ya Xixaka.’ ”

2 TIKRONIKA 21:10

Va Edomu va sala va ntshuxekile eka Yuda ku fika namuntlha. Enkarhini wolowo, Libina a n'wi xandzukela, hikuva a fularhele Yehovha, Xikwembu xa vatata wa yena.

2 TIKRONIKA 25:16

Kakuloko a vulavula na yena, Amasiya a ku eka yena: “Xana va ku vekile wa huvo ya hosi-ke? Suka wena! Va ta ku dlayela yini-ke?” Kutani muprofeta a suka, a ku: “Ndza vona leswaku Yehovha u kanerile ku ku lovisa, hikuva u endlile mhaka leyi, kutani a ku yingisanga marito ya mina.”

Yeremiya 1:16

Kutani ndzi ta vula ku avanyisa ka mina ehenhla ka ku homboloka hinkwako ka vona, hikuva va ndzi tshikile va ri karhi va hisela swikwembu swin'wana magandzelo, kambe va khinsamela mitirho ya mavoko ya vona.

Yeremiya 7:19

Xana hakunene va ndzi karihisa xana, ku vula Yehovha? A ndzi ri va tikarihisa va ri vona; va ta khomiwa hi tingana emimombyeni ya vona.

Yeremiya 13:22

Loko u nga tivula embilwini ya wena, u ku: ‘Xana swilo leswi swi ndzi humelela hikwalaho ka yini?’ Ndzi ku: Hikwalaho ka ku biha ka wena lokukulu, matlhelo ya nguvu ya wena ma tlakusiwile, ni swirhendze swa wena swi biwile hi matimba.

Ezekiele 23:30

U ta endlisiwa sweswo, hikuva u endle vuoswi ni matiko hilaha u tinyamiseke hi swifaniso swa vona hakona.

Hosiya 9:1

U nga tsaki, Israele, hi ku tsakisisa kukotisa matiko, hikuva u sukele Xikwembu xa wena hi ku oswana kutani u rhandzile hakelo ya vuoswi eswivuyeni hinkwaswo swa koro.