Yeremiya 2:15 - Xitsonga (Bibele)

¹⁵ Tinghala ta n'wi mpfandzela, ti pfumisa marito ya tona, kutani ti handzula tiko ra yena, ku va ku onhaka ntsena; miti ya yena yi hisiwile, yi pfumarile vaaki.

BIBELE Mahungu Lamanene

¹⁵ Va bonga kukota tinghala, va lwa na yena va ri karhi va ba huwa; tiko ra yena va ri onhetele ngopfu, miti ya yena yi hundzuke marhumbi, a ka ha tshami munhu eka yona.

Yeremiya 2:15 Referans Kwoze

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Esaya 5:29

Ku dzumadzuma ka vona ku fana ni ka ntswele ya nghala, va phandza tanihi nghala leyi ntshwa. Ya phandza, ya bvanyangeta, yi vutla, ku hava la yi namurhutaka!

Esaya 1:7

Tiko ra n'wina i mananga, miti ya n'wina yi hisiwile hi ndzilo, vamatiko va dya misava ya n'wina emahlweni ka n'wina. Va phanga, va heta tanihi valala.

Sofoniya 3:6

“Ndzi lovisile matiko, marhangu ya wona ma mbundzukile; ndzi onhile tindlela ta wona a ka ha ri na la fambaka kona, miti ya wona yi onhakile, a ka ha ri na munhu kona, a ka ha ri na la nga akaka kona.

Sofoniya 2:5

Va ni khombo lava akeke etikweni leri nga etlhelweni ra lwandle, tiko ra Vakereti! Rito ra Yehovha ri kona ehenhla ka wena, Kanana, tiko ra Vafilista; ndzi ta ku lovisa, u va u pfumala ni la nga ta aka eka wena!

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Nahume 2:11

Vukale bya tinghala byi kwihi, lebyi ingi tinghalanyana ti dyela eka byona, laha ingi ku rhata nghala ya matsune ni ya ntswele, ni swivanana swa nghala, ku nga ri na la nga ti chavisaka?

Amosi 3:12

Yehovha u ri: “Kukotisa loko murisi a vutla milenge mimbirhi ya nyimpfu, kumbe nhluvi wa ndleve enon'wini wa nghala, ku ta vutlisiwa sweswo vana va Israele! Lava nge Samariya, lava tshameke emakumu ka swilawu, ni le henhla ka byetlelo lebyi andlariweke hi tinguvu ta Damaska.”

Amosi 3:8

Nghala ya vuvula: la nga taka a nga chavi i mani? Yehovha, Xikwembu, wa vulavula: loyi a nga taka a nga profeti i mani xana?”

Amosi 3:4

Xana nghala yi vuvula exihlahleni, ku ri hava lexi yi nga xi handzulaka? Xana xinghalana xi nga twarisa rito ra xona ebakweni ra xona, xi nga khomanga nchumu xana?

Hosiya 11:10

Va ta landzela Yehovha. Kukotisa nghala u ta dzumadzuma; yena u ta dzumadzuma, kutani vana va yena va ta rhurhumela, va ta eka yena, va pfa hitlhelo ra lwandle.

Hosiya 5:14

Hikuva ndzi tanihi nghala eka Efrayimi, ni tanihi nghalanyana eka yindlu ya Yuda. Mina, mina hi xiviri, ndzi ta handzula kutani ndzi tifambela; ndzi ta teka lexi ndzi xi phangeke, kambe a ku na la nga xi kutsulaka.

Ezekiele 5:14

Ndzi ta ku endla rhumbi, u va u soriwa exikarhi ka matiko emahlweni ka vanhu hinkwavo lava endzaka.

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Yeremiya 34:22

Vonani, ndza lerisa, ku vula Yehovha, va ta tlhelela eka muti lowo, va ta lwa na wona, va wu phanga, va wu hisa hi ndzilo; ni miti ya Yuda ndzi yi endla mananga, laha ku nga akiwiki kona.”

Yeremiya 33:10

“Hikuva, ku vula Yehovha: Loko xi ri xivandla lexi n'wina mi nge xi onhiwile, a ku na munhu, hambi swi ri swifuwo, hambi wu ri muti wa Yuda, ni mitsendzele ya Yerusalema, leyi onhiweke, laha ku nga riki na munhu kona, hambi a ri muaki, hambi yi ri homu;

Yeremiya 26:9

Xana u profetela yini hi vito ra Yehovha, u ku: ‘Yindlu leyi yi ta kotisa Xilo, ni muti lowu wu ta onhiwa, wu pfumala muaki,’ xana?” Kutani tiko hinkwaro ri rhendzela Yeremiya endlwini ya Yehovha.

Yeremiya 25:30

Kutani wena, u va profetela marito lawa hinkwawo, u ku eka vona: ‘Eku tlakukeni ka yena Yehovha u ta pfuma, evuakweni lebyi kwetsimaka bya yena u ta tlakusa rito; a dzumadzumela yindlu ya yena; mpfumawulo lowu kotaka wa lava kandzaka exikhuvutweni, a wu pfumisela vaaki hinkwavo va misava.

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Esaya 24:1

Vonani, Yehovha u ta onha tiko ri hundzuka mananga; u ta onha nghohe ya rona, a hangalasa vaaki va rona.

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Esaya 5:9

Yehovha wa tinyimpi u vurile etindleveni ta mina, a ku: “Kunene tindlu leto tala leti, ti ta hundzuka rhumbi, tindlu leto saseka letikulu leti, ti ta pfumala vaaki.

Pisalema 57:4

Moya wa mina wu le xikarhi ka tinghala; Ndzi etlele exikarhi ka valala lava hlantaka ndzilo, Exikarhi ka vanhu lava meno ya vona ma nga matlhari ni miseve, Lava tindzimi ta vona ma nga mabanga layo kariha.

Ntirho 4:10

Ku dzumadzuma ka nghala ku herile, Meno ya tinghalanyana ma tshoviwile;

Vaavanyisi 14:5

Loko swi ri tano, Samsoni a ngirimela eTimina a ri ni tata wa yena ni mana wa yena; kakuloko, va fika emasin'wini ya vhinya ya Timina, vonani, nghalanyana leyi bongaka yi hlangana na yena.

Yeremiya 51:38

“Va ta dzumadzuma swin'we kukota tinghala, va rila kukota swinghalana.

Ezekiele 36:3

Hikwalaho ka swona, profeta, u ku: Ku vula Hosi Yehovha: Kunene, leswi va rhandzeke hi matlhelo hinkwawo ku mi hlasela ni ku mi mita, leswi milomu yo biha ya vanhu, ni mahlevo ya vona swi kongomeke n'wina,

Zakariya 11:3

Ku twakala swirilo swa varisi, hikuva ku tibombisa ka vona ku herisiwile ku twakala ku vuvula ka swinghalana hikuva ku tidzunisa ka Yordani ku herisiwile.

Yeremiya 6:8

Yerusalema, hundzuka, leswaku kumbe moya wa mina wu nga ku fularheli, leswaku kumbe ndzi nga ku hundzuri rhumbi, tiko leri nga riki na vanhu.”

Yeremiya 9:10

Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

Yeremiya 10:22

Ku twakala mpfumawulo; maswivo i dzolonga lerikulu leri humeke etikweni ra n'walungu ku ta hundzula miti ya Yuda marhumbi, ni xivandla xa timhungubye.

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.