Yeremiya 2:13 - Xitsonga (Bibele)

¹³ “Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

BIBELE Mahungu Lamanene

¹³ hikuva vanhu va mina va ndzi dyoherile kambirhi: Va ndzi tshikile mina ndzi nga xihlovo xa mati lama khulukaka, kutani va tikovotlele makhele yo hlayisela mati, kambe makhele ya kona a ma pfunanga nchumu, hikuva a ma pandzekile.”

Yeremiya 2:13 Referans Kwoze

Yohane 4:14

Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Yohane 7:37

Hi siku ra ku hetelela ka nkhuvo, ri nga lerikulu, Yesu a a yimile, kutani a huwelela, a ku: “Kungakuloko munhu a ri ni torha, a a te eka mina, a nwa.

Yeremiya 17:13

Wena Yehovha, ku tshemba ka Israele! Lava ku tshikaka hinkwavo va ta khomisiwa tingana. Lava ndzi tshikaka va ta tswariwa emisaveni, hikuva va tshikile xihlovo xa mati lama hanyisaka, a nga Yehovha.

Nhlavutelo 21:6

A engeta a ku eka mina: “Swi herile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika ntsena mati ya xihlovo xa vutomi.

Pisalema 36:9

Hikuva nseledyana ya vutomi yi na wena, Kutani eku vonakaleni ka wena hi vona ku vonakala.

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Nhlavutelo 22:17

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.

Yeremiya 4:22

“Kunene tiko ra mina ri hungukile; a ri ndzi tivi; i vana va vuhunguki lava nga riki na ku anakanya; va tlharihile ku endla leswo biha; kambe a va tivi ku endla leswinene.”

Yeremiya 2:11

Haa! Xana tiko ri nga va kona leri tshikaka Xikwembu xa rona, ku teka swin'wana, kasi swona a hi swikwembu xana? Kambe tiko ra mina ri tshikile ku kwetsima ka rona, ri tifuwisa hi leswi nga riki nchumu!

2 Petro 2:17

Valavo, i swihlovo leswi nga riki na mati, mapapa lama susumetiwaka hi xidzedze; kambe munyama lowu chavisaka hi ntima, wu hlayiseriwa vona hilaha ku nga heriki.

Yeremiya 2:17

“A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Yeremiya 1:16

Kutani ndzi ta vula ku avanyisa ka mina ehenhla ka ku homboloka hinkwako ka vona, hikuva va ndzi tshikile va ri karhi va hisela swikwembu swin'wana magandzelo, kambe va khinsamela mitirho ya mavoko ya vona.

Eklesiasta 2:26

Hikuva Xikwembu xi nyika munhu lonene emahlweni ka xona, vutlhari, ni ku tiva, ni ku tsaka, kasi eka mudyohi xi n'wi nyika ntirho lowo tika, ku hlengeleta ni ku vunganyetela leswaku swi ta nyika la nga lonene emahlweni ka Xikwembu. Sweswo, na swona, i vuhava ni ku vaviseka ka moya.

Yeremiya 15:6

U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

Esaya 63:8

U vurile, a ku: “Kunene tiko ranga hi vona, vana lava nga ka va nga ndzi xisi!” Kutani a a ri muponisi wa vona.

Esaya 5:13

Hikwalaho tiko ra mina ri yisiwaka eku bohiweni ri nga swi tivi; vakulukumba va rona i vandla leri khomiweke hi ndlala; vunyingi bya rona byi oma hi torha.

Esaya 1:3

Homu yi tiva mufuwi wa yona, ni mbhongolo yi tiva xidyelo xa n'wini wa yona; Israele a nga tivi nchumu, tiko ra mina a ri twisisi nchumu.

Eklesiasta 2:11

Kambe kuteloko ndzi langutisisa mitirho hinkwayo leyi mavoko ya mina ma yi endleke, ndzi hlaya ku karhateka loku ndzi tikarhateke hakona loko ndzi yi tirha, kutani ndzi vona leswaku hinkwaswo i vuhava ni ku landza mheho, a ri kona bindzu ehansi ka dyambu.

Eklesiasta 1:2

Vuhava bya swahava, ku vula mudyondzisi, vuhava bya swahava, hinkwaswo i vuhava.

1 SAMIELE 12:10

Kutani va huwelela eka Yehovha, va ku: ‘Hi dyohile, hikuva hi tshikile Yehovha, hi tirhele va Baali ni va Astarte. Sweswi hi ponise emavokweni ya valala va hina, kutani hi ta ku tirhela.’

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

Yeremiya 2:26

“Hilaha khamba ri khomisiwaka tingana loko ri khomiwa, yindlu ya Israele yi ta khomisiwa tingana hi mukhuva wolowo, yona ni tihosi ta yona ni vakulukumba va yona, ni vaprista va yona, ni vaprofeta va yona;

Eklesiasta 2:21

Hikuva munhu a nga va kona loyi ntirho wa yena wu endliweke hi vutlhari, ni ku tiva, ni bindzu, kasi u ta wu siyela munhu un'wana la nga ka a nga tikarhatelanga wona. Sweswo na swona, i vuhava, i khombo lerikulu.

Eklesiasta 1:14

Ndzi vonile mitirho hinkwayo leyi endliwaka ehansi ka dyambu, kutani, vonani, hinkwaswo i vuhava, ni ku karhateka ka moya.

Vaavanyisi 10:13

Hambiswiritano, mi ndzi fularhele, mi tirhele swikwembu swimbe, hikwalaho, a ndzi nga ha mi lamuleli.

Mikiya 6:3

Tiko ranga, ndzi endle yini eka wena? Xana ndzi ku pfukile ha yini?

Mikiya 2:8

Kasi khale, tiko ra mina ri ndzi endlile nala wa rona. Mi tekela vanhu nguvu leyi va yi funengelaka ehenhla ka yin'wana, loko va famba hi ku rhula, va fana ni lava vuyaka enyimpini.

Yeremiya 18:14

Xana gamboko ra Lebanoni ri nga tshika ribye ra nhova xana? Xana mati lama khulukaka lama sasekeke, lama humaka ekule, ma nga phya xana?

Yeremiya 5:26

Hikuva lavo biha va kona eka tiko ra mina; va nyanimela kukotisa loko ku khunkhusela vaphasi va swinyanyana; va rhiya xirimbana, kutani va phasa vanhu.

Eklesiasta 12:8

Vuhava bya swahava, ku vula Mudyondzisi, hinkwaswo i swahava.

Yohane 4:10

Yesu a hlamula, a ku eka yena: “Loko a wu tivile ku nyika ka Xikwembu, ni loyi a nge eka wena: ‘Ndzi siyele ndzi nwa,’ ingi u komberile eka yena, kutani a a ta va a ku nyikile mati lama pfelelaka.”

Yohane 4:11

Wansati a ku eka yena: “Hosi, a ku na xikelelo xa ku ka, naswona xihlovo xi entile; mati walawo lama pfelelaka, u nga ma kuma kwihi xana?

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

Esaya 12:3

“Mi ta tikela mati hi ku tsaka eswihlobyeni swa ku hlayiseka,” kutani hi siku rero mi ta ku:

Yeremiya 14:3

Vakulukumba exikarhi ka vona va rhuma lavatsongo ematini, kutani va ya emakheleni, kambe a va kumi mati, va tlhela, timbita ti nga ri na nchumu, va khomisiwa tingana, kutani va kanakana, va tifunengeta tinhloko.

Yeremiya 19:4

hikuva va ndzi tshikile, kutani va sandzile xivandla lexi, hikuva kona, mirhi ya risuna, va yi hisele swikwembu swin'wana leswi nga ka swi nga tiviwi hi vona, ni vatata wa vona, ni tihosi ta Yuda, kutani va tatile xivandla lexi hi ngati ya lava nga riki na nandzu;

Ezekiele 47:1

Kutani a ndzi tlherisela enyangweni ya yindlu; kutani vonani! Mati a ma huma hi le hansi ka vukhandziyo bya nyangwa ya yindlu, hitlhelo ra vuxa; mati a ma xika le tlhelweni ra xinene ra yindlu, edzongeni ra alitari.

Zakariya 13:1

“Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

2 TIHOSI 22:17

Hikuva va ndzi tshikile va hisele swikwembu swin'wana mirhi ya risuna ku ndzi pfuka hi mitirho hinkwayo ya mavoko ya vona, vukari bya mina byi pfurhele ndhawu leyi, byi nga ka byi nga timeki.

Esaya 1:4

Yo! Khombo ra tiko ra vadyohi ra rixaka leri teleke ku homboloka ra vanhu lavo biha, ra vana lavo hunguka. Va fularhele Yehovha, va sandzile Mukwetsimi wa Israele va tlhelele endzhaku.

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.