Yeremiya 2:11 - Xitsonga (Bibele)

¹¹ Haa! Xana tiko ri nga va kona leri tshikaka Xikwembu xa rona, ku teka swin'wana, kasi swona a hi swikwembu xana? Kambe tiko ra mina ri tshikile ku kwetsima ka rona, ri tifuwisa hi leswi nga riki nchumu!

BIBELE Mahungu Lamanene

¹¹ Xana vamatiko va tshama va tshika swikwembu swa vona xana? E-e! (Kasi swikwembu swa kona a hi swa ntiyiso!) Kambe vanhu va mina va ndzi tshikile, mina Xikwembu xa vona lexi dzunekaka, va tilavela leswi nga pfuniki nchumu.

Yeremiya 2:11 Referans Kwoze

Varhoma 1:23

kutani ku kwetsima ka Xikwembu lexi nga boriki, va ku hundzule xifaniso lexi fanisaka munhu la bolaka, ni tinyanyana, ni swiharhi swa mune wa milenge, ni swikokovi.

Esaya 37:19

ti hisile hi ndzilo swikwembu swa wona, hikuva a swi nga ri swikwembu, kambe a yi ri mitirho ya mavoko ya vanhu, mitsandze ni maribye, ti swi herisile.

Yeremiya 16:20

Xana munhu a nga tiendlela swikwembu xana? Kasi a hi swikwembu!”

Pisalema 106:20

Ku kwetsima ka vona, va ku hundzula Xifaniso xa homu leyi dyaka byanyi.

Mikiya 4:5

Vamatiko hinkwawo va famba un'wana ni un'wana hi vito ra xikwembu xa yena, kambe hina, hi famba hi vito ra Yehovha, Xikwembu xa hina, hi mikarhi ni mikarhi.

1 Vakorinto 8:4

Loko ku ri ku dya leswi tlhaveriweke swifaniso, ha swi tiva leswaku xifaniso a hi nchumu emisaveni, hikuva a ku na xikwembu ximbe loko xi nga ri xin'we ntsena.

Yeremiya 2:8

Vaprista a va vulanga, va ku: ‘U kwihi Yehovha?’ Ni vatameri va nawu a va ndzi tivanga; varisi va ndzi hundzukela, ni vaprofeta va profeta ha Baali, kambe va landza lava nga pfuniki nchumu.

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Pisalema 115:4

Swifaniso swa swikwembu swa vona i silivhere ni nsuku, I ntirho wa mavoko ya vanhu.

Pisalema 3:3

Kambe wena Yehovha, u xitlhangu xa mina, U ku kwetsima ka mina ni loyi a yimisaka nhloko ya mina.

Duteronoma 33:29

U katekile, Israele! I mani la fanaka na wena, U nga tiko leri ponisiweke i Yehovha! Xi nga xitlhangu xa ku pfuna ka wena, Ni tlhari ra vukulu bya wena! Valala va wena va ta tsongahatiwa emahlweni ka wena, Kambe wena u ta kandziyela swivandla leswi tlakukeke swa vona!”

1 Petro 1:18

Ma swi tiva leswaku mi kutsuriwile emikhuveni ya n'wina ya swahava, leyi mi yi dyondzisiweke hi vatata wa n'wina,

Vagalatiya 4:8

Kambe khale; loko mi nga si tiva Xikwembu, a mi tirhela swikwembu leswi nga riki swona hi xiviri.

1 SAMIELE 4:21

Kambe a nga hlamulanga nchumu, ni ku n'wi languta. A thya n'wana vito ra Ikabodo, hikuva a ku: “Ku twala ku sukile eIsraeleni”; a ku ri hikwalaho ka areka ya Xikwembu leyi tekiweke, ni hikwalaho ka n'wingi wa yena ni nuna wa yena.

2 TIKRONIKA 13:9

Xana a mi hlongolanga vaprista va Yehovha, vana va Aroni ni Valevhi xana? Kutani mi tivekele vaprista kukotisa matiko man'wana. Mani na mani la taka ku hlawuleriwa, a ri ni nkunzi ni makhuna ya ntlhanu na mambirhi u vekiwa muprista wa lexi nga riki xikwembu.

Yeremiya 5:7

“Ndzi nga ku tsetselelerisa ku yini? Kasi vana va wena va ndzi tshikile, kutani va hlambanya hi lexi nga riki Xikwembu, ndzi amukerile ku hlambanya ka vona, kambe va ha ri karhi va oswana; va hlengeletana va ri lavanyingi endlwini ya muoswi.

Yeremiya 18:13

“Loko swi ri tano, Yehovha u ri: ‘Vutisisani sweswi matiko, mi ku: “Xana un'wana a nga va kona la tshamaka a yingisa lexo tano-ke? Kambe nhwanyana wa Israele u endlile mhaka leyi chavisaka ngopfu.

Ezekiele 5:7

Hikwalaho, Hosi Yehovha a ku: Leswi mi dyoheke ku tlula matiko lama mi rhendzeleke, a mi fambanga hi milawu ya mina, hambi ku ri ku hlayisa ku lerisa ka mina; a mi endlanga hi ku lerisa ka matiko lama mi rhendzeleke,

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.

Duteronoma 32:16

Va pfuxile vukwele bya xona hi swikwembu swin'wana, Va xi karihisile hi manyala.

Duteronoma 32:21

Vona va ndzi pfuxele vukwele hi leswi nga riki Xikwembu, Va ndzi karihisa hi swahava swa vona; Kambe mina ndzi ta va pfuxela vukwele hi lexi nga riki tiko, Ndzi va karihisa hi tiko leri hungukeke.

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

2 TIHOSI 1:3

Ntsumi ya Yehovha yi ku eka Eliya wa Tixibe: “Pfuka u ya hlangana ni tintsumi ta hosi ya Samariya, u ku eka tona: ‘Xana a ku na Xikwembu etikweni ra Israele, leswi mi fambaka mi ya vutisa Baala-Zebubu, xikwembu xa Ekroni?’