Yeremiya 19:8 - Xitsonga (Bibele)

⁸ Kutani ndzi ta endla muti lowu xihlamariso ni xisandzu, leswaku un'wana ni un'wana la nga ta hundza kona a hlamala a ba noti hikwalaho ka makhombo hinkwawo ya kona.

BIBELE Mahungu Lamanene

⁸ Muti lowu, ndzi ta wu hundzula rhumbi leri chavisaka ngopfu, kutani vahundzi va ndlela hinkwavo va ta hlakahla tinhloko va hlamala, loko va vona khombo ra wona lerikulu.

Yeremiya 19:8 Referans Kwoze

Yeremiya 18:16

kutani va endla tiko ra vona xihlamariso ni xisandzu hilaha ku nga heriki; hileswaku un'wana ni un'wana la nga ta hundza eka rona a hlamala, kutani a nikinisa nhloko ya yena.

Yeremiya 49:13

Hikuva ndzi hlambanya ha mina ku vula Yehovha, leswaku Bosira u ta hundzuka tiko ra ku oma, ni ku tsan'wiwa, ni ku onhaka, ni ku rhukaniwa; ni miti hinkwayo ya kona yi ta va marhumbi hilaha ku nga heriki.”

1 TIHOSI 9:8

Loko yi ri Yindlu leyi tlakukeke swonghasi, mani na mani la nga ta hundza ekusuhi na yona, u ta hlamala, a ba noti;

Sofoniya 2:15

Hi wona muti lowu tsakisiseke ingi wu tshamisile hi ku rhula, lowu ingi wu ku embilwini ya wona: “Hi mina ntsena, a ku na wumbe!” Wu hundzukise ku yini rhumbi laha ku etlelaka swiharhi kona xana? Un'wana ni un'wana la hundzaka emahlweni ka wona u ta yimba noti, a va a tsekatsekisa voko.

Yeremiya 50:13

Hikwalaho ka ku kariha loku hisaka ka Yehovha, a ku nga ha akiwi, kutani ma ta va mananga hinkwako; un'wana ni un'wana la nga ta hundza eBabilona u ta hlamala, a ba miloti hi makhombo hinkwawo ya yena.

Yeremiya 25:18

Ku nga Yerusalema, ni miti ya Yuda, ni tihosi ta kona, ni vakulukumba va kona, ku va endla ku onhaka, ni xihlamariso, ni xisandzu, ni ku rhuketeriwa, kukotisa loko swi ri tano sweswi;

Levhitika 26:32

Ndzi ta herisa tiko, kutani valala va n'wina lava nga ta aka kona, va ta hlamala ngopfu.

Duteronoma 28:37

U ta va xihlamariso ni ntsheketo, ni xihlekiso exikarhi ka matiko hinkwawo lawa Yehovha a nga ta ku fambisa eka wona.

Duteronoma 29:22

“Kutani vana va n'wina lava nga ta ta ndzhaku ka n'wina, ni muluveri la nga ta fika, a suke etikweni leri nga ekule, loko va vona xirha ni makhombo, leswi Yehovha a beke tiko leri ha swona,

Ezekiele 27:36

Loko va ri vabindzuri va matiko man'wana, va be miloti ha wena; u hundzuriwe swahava, kutani a ku nga ha vi kona ni siku ni rin'we.’ ”

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”