Yeremiya 19:4 - Xitsonga (Bibele)

⁴ hikuva va ndzi tshikile, kutani va sandzile xivandla lexi, hikuva kona, mirhi ya risuna, va yi hisele swikwembu swin'wana leswi nga ka swi nga tiviwi hi vona, ni vatata wa vona, ni tihosi ta Yuda, kutani va tatile xivandla lexi hi ngati ya lava nga riki na nandzu;

BIBELE Mahungu Lamanene

⁴ Mhaka ya kona hileswaku vanhu va mina va ndzi tshikile, va nyamisa xivandla lexi hi ku hisa mirhi ya risuna eka xona, va hisela swikwembu swimbe leswi vatata wa vona va nga swi tivangiki, hambi ti ri tihosi ta Yuda a ti swi tivanga. Naswona exivandleni lexi, va dlayile vanhu lavo tala lava a va nga ri na nandzu.

Yeremiya 19:4 Referans Kwoze

Yeremiya 2:34

Kasi ni le madziveni ya nguvu ya wena, ku kumiwa ngati ya swisiwana leswi nga riki na nandzu, lava u nga va khomangiki va boxa yindlu ya wena, kambe u va dlayile hikwalaho ka mikhuva ya wena hinkwayo.

Esaya 65:11

Kambe n'wina, lava nga tshika Yehovha, lava nga rivala ntshava ya mina leyo kwetsima, lava andlalelaka Gadi tafula, lava chelelaka Meni ndzheko,

2 TIHOSI 21:16

Kambe Manase a halata hi ku tala ngati leyi nga riki na nandzu a ko a tata Yerusalema, ha yona, ku sukela enyangweni yin'wana ku fikela yin'wana, ehandle ka xidyoho xa yena lexi a dyohiseke Yuda ha xona, hi ku endla leswo biha emahlweni ka Yehovha.

Duteronoma 28:20

“Yehovha u ta ku rhumela ku rhukana ni ku kanakana, ni ku chavisiwa emitirhweni hinkwayo leyi u nga ta yi sungula, ni leyi u nga ta yi tirha, u ko u herisiwa, u hatlisa u lova hikwalaho ka mitirho leyo biha ya wena, leyi u ndzi fularheleke ha yona.

Yeremiya 7:9

I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

Yeremiya 17:13

Wena Yehovha, ku tshemba ka Israele! Lava ku tshikaka hinkwavo va ta khomisiwa tingana. Lava ndzi tshikaka va ta tswariwa emisaveni, hikuva va tshikile xihlovo xa mati lama hanyisaka, a nga Yehovha.

Yeremiya 11:13

Hikuva, wena Yuda, nhlayo ya swikwembu swa wena yi ringana ni miti ya wena! Kambe nhlayo ya tialitari ta tingana, ti nga tialitari leti ku hiseriwaka Baali mirhi ya risuna, yi fana ni nhlayo ya mitsendzele ya Yerusalema.’

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Yeremiya 2:17

“A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Esaya 59:7

milenge ya vona yi tsutsumela eku biheni, yi ni matsambo ku ya halata ngati leyi nga riki na nandzu; miehleketo ya vona i miehleketo ya ku dyoha ku onhaka ni makhombo swi le tindleleni ta vona.

2 TIHOSI 24:4

ni hikwalaho ka ngati leyi nga riki na nandzu leyi a yi halateke; hikuva a tatile Yerusalema hi ngati leyi nga riki na nandzu; kutani Yehovha a nga rhandzangi ku rivalela.

Nhlavutelo 16:6

Hikuva leswi va nga halata ngati ya vakwetsimi ni ya vaprofeta, u va nyikile ngati ku nwa; va lulamele hi yona.”

Luka 11:50

leswaku ngati ya vaprofeta hinkwavo leyi halatiweke ka hari loko misava yi tumbuluka, yi laviwa eka rixaka leri, ku sungula hi ngati ya Avele,

Swirilo 4:13

Swona swi humelele hikwalaho ka swidyoho swa vaprofeta va yena, Ni vukanganyisi bya vaprista va yena, Lava nga halata exikarhi ka wona Ngati ya lava lulameke.

Yeremiya 26:23

Va ya teka Uriya eEgipta, va n'wi tisa eka hosi Yoyakimi, a n'wi tlhava hi fumu a va a cukumeta ntsumbu wa yena emasirheni ya lava nga vanhu ntsena.

Yeremiya 26:15

Ntsena, ma swi tiva leswaku loko mi ndzi dlaya, mi ta va mi veke ngati leyi nga riki na nandzu ehenhla ha n'wina, ni le henhla ka muti lowu, ni le henhla ka vaaki va kona; hikuva kunene Yehovha u ndzi rhumile eka n'wina, leswaku ndzi ta mi byela marito lawa hinkwawo etindleveni ta n'wina.”

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Yeremiya 18:15

Kambe tiko ra mina ri ndzi rivele va fambile va ya hisela swilo swahava magandzelo va hambukisiwile etindleleni ta vona ta khale va fambisiwa emitileni ya tindlela leti nga vandziwangiki;

Yeremiya 16:11

U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.

Yeremiya 15:6

U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Duteronoma 28:64

Yehovha u ta ku hangalasa ematikweni hinkwawo, ku suka emakun'wini ya misava, ku yisa emakun'weni man'wana ya misava, kutani u ta tirhela kona swikwembu swin'wanyana leswi wena ni vatata wa wena mi nga swi tivangiki, wu ri ntsandze ni ribye.

Duteronoma 28:36

“Yehovha u ta ku fambisa, wena ni hosi ya wena leyi u nga ta yi veka ehenhla ka wena, eka tiko leri u nga ri tivangiki, hambi va ri vatata wa wena, mi ta tirhela kona swikwembu swin'wana swa mitsandze ni swa maribye.

Duteronoma 13:13

‘Vanhu va hava va hume eka wena, va khunguvanyisile vaaki va muti wa vona va ku: “A hi yeni, hi ya tirhela swikwembu swin'wana,” ’ leswi mi nga swi tivangiki;

Duteronoma 13:6

“Kungakuloko makwenu, a nga n'wana wa mana wa wena, kumbe n'wana wa wena wa wanuna, hambi wanhwana wa wena, hambi nsati wa mbilu ya wena, hambi nakuloni loyi u n'wi rhandzaka kukotisa mbilu ya wena, a ku kokela exihundleni, a ku: ‘A hi yeni hi ya tirhela swikwembu swin'wana,’ leswi wena ni vatata wa wena mi nga swi tivangiki,

2 TIHOSI 23:10

Hosi yi nyamisa Tofete lowu nga enkoveni wa vana va Hinomu, leswaku ku nga tshuki ku va na munhu la hiselaka Moloko n'wana wa yena wa xinuna kumbe wa xisati endzilweni.

Yeremiya 1:16

Kutani ndzi ta vula ku avanyisa ka mina ehenhla ka ku homboloka hinkwako ka vona, hikuva va ndzi tshikile va ri karhi va hisela swikwembu swin'wana magandzelo, kambe va khinsamela mitirho ya mavoko ya vona.

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

Yeremiya 17:20

Kutani u ku eka vona: ‘Yingisani rito ra Yehovha, n'wina tihosi ta Yuda, na n'wina hinkwenu, Vayuda, ni vaaki hinkwavo va Yerusalema, lava nghenaka hi tinyangwa leti.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Yeremiya 44:3

Hikwalaho ka ku biha hinkwako loku va ku endleke ku ndzi pfuka, va ya hisela swikwembu swin'wana mirhi ya risuna, va tirhela leswi va nga swi tiviki hambi mi ri n'wina, hambi va ri vatata wa n'wina.

Ezekiele 7:22

Ndzi ta fularhela mombo wa mina eka vona; kutani valala va ta yirisa vukwetsimelo bya mina, vayivi va ta nghena eka byona, va byi nyamisa.

Ezekiele 20:26

Ndzi va ndzi va nyamisa hi magandzelo ya vona, hilaha ingi va hisa vana hinkwavo va mativula, leswaku ndzi va endla rhumbi, va ta swi tiva leswaku hi mina Yehovha.

Daniele 11:31

Kutani mavandla lama humaka eka yena ma ta yima ma swihata xikwetsimisiso, ni khokholo, kutani ma ta herisa gandzelo ra masiku ni masiku, kutani ematshan'weni ya xona, va ta veka manyala ya muonhi.

Vaavanyisi 5:8

Kakuloko Vaisraele va hlawula swikwembu leswintshwa, Nyimpi yi humelela etinyangweni. Xana xitlhangu, kumbe tlhari a ri kumiwa Eka Vaisraele va 40 000 xana?

Pisalema 106:38

Va halata ngati leyi nga riki na nandzu, Ngati ya vana va vona ni vanhwanyana va vona, Lava va va tlhaveleke swifaniso swa Kanana, Kutani misava yi nyamisiwa hi ngati leyi halatiweke.

Ezekiele 8:11

A ku yimile emahlweni ka swona vavanuna va 70 va ri vakulukumba va yindlu ya Israele; exikarhi ka vona a ku yimile Yaazaniya, n'wana Xafani, va yimile emahlweni ka swona un'wana ni un'wana a tamele mbita ya yena ya mirhi ya risuna, kutani musi wa mirhi ya risuna wu tlhandluka.