Yeremiya 19:13 - Xitsonga (Bibele)

¹³ Kutani tindlu ta Yerusalema, ni tindlu ta tihosi ta Yuda ti ta va thyaka kukotisa xivandla xa Tofete; ti nga tindlu leti hinkwato va khandziyaka ehenhla ka tona ku hisela vandla hinkwaro ra le tilweni mirhi ya risuna, ni ku chululela swikwembu swin'wana tinyiko.” ’ ”

BIBELE Mahungu Lamanene

¹³ Tindlu ta Yerusalema ni ta tihosi ta Yuda ti ta nyamisiwa ku fana ni ndhawu leyi ya Tofete leyi nyamisiweke hi mintsumbu, hikuva Vaisraele va khandziyile emalwangwini ya tindlu ta kona, va ya gandzela dyambu ni n'weti ni tinyeleti hi ku swi hisela mirhi ya risuna; hambi swi ri swikwembu swimbe, va swi humesele kona emagandzelo ya swakunwa.’ ”

Yeremiya 19:13 Referans Kwoze

Yeremiya 32:29

Vakalediya va ta lwa ni muti lowo, va ta nghena, va hisa muti lowo hi ndzilo va hisa ni tindlu leti va hiselaka Baali mirhi ya risuna ehenhla ka tona, va humesele swikwembu swin'wana swakunwa, va va va ndzi pfuka.

2 TIHOSI 23:12

A mbundzuxa tialitari leti nga elwangwini ra yindlu leyi tlakukeke ya Akazi, leti endliweke hi tihosi ta Yuda; ni tialitari leti Manase a ti endleke eswivaveni swimbirhi swa yindlu ya Yehovha; hosi yi ti hlanhla, yi ti hoxa ehansi, kutani yi cukumeta ntshuri wa tona exinambyaneni xa Kedroni.

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

Yeremiya 7:18

Vana va rhotela tihunyi, vatata wa vona va tshivela ndzilo, kutani vavasati va pfuva mbila, va endlela nkosikazi ya matilo swinkwa, kutani va chelela swikwembu swin'wana tinyiko ta swakunwa leswaku va ndzi karihisa.

Duteronoma 4:19

Hlayisa moya wa wena, leswaku loko u ta tlakusela mahlo ya wena etilweni, u vona dyambu ni n'weti, ni tinyeleti, yi ri nyimpi hinkwayo ya matilo, u nga tshuki u navela ku khinsama emahlweni ka swona, u swi tirhela: Yehovha, Xikwembu xa wena, u nyikile swilo leswi eka matiko hinkwawo ehansi ka matilo hinkwawo, leswaku yi va ndzhaka ya vona.

Yeremiya 44:18

Kambe mpfhuka hi tshika ku humesela nkosikazi ya matilo mirhi ya risuna, ni ku yi chelela swakunwa, hi pfumarile hinkwaswo, hi va hi herisiwa hi tlhari ni ndlala.”

Pisalema 79:1

Oho Xikwembu, va matiko va nghene endzhakeni ya wena, Va nyamisile tempele ya wena leyi kwetsimaka, Va endle Yerusalema, marhumbi.

Pisalema 74:7

Va hisile vukwetsimelo bya wena hi ndzilo; Va yi wisile va yi sandzile yindlu ya vito ra wena.

2 TIHOSI 23:10

Hosi yi nyamisa Tofete lowu nga enkoveni wa vana va Hinomu, leswaku ku nga tshuki ku va na munhu la hiselaka Moloko n'wana wa yena wa xinuna kumbe wa xisati endzilweni.

Timhaka 7:42

Hikwalaho Xikwembu xi va fularhela, xi va nyiketa eku gandzeleni ka mavandla ya tilo, hilaha ku tsariweke hakona ebukwini ya vaprofeta leswaku: ‘N'wina, yindlu ya Israele, xana mi ndzi humesele switlhavelo ni timhamba emananga hi malembe ya mune wa makume xana?

Ezekiele 20:28

Ndzi va yise etikweni leri ingi ndzi yimise voko ra mina, ndzi ku, ndzi ta va nyika rona, kutani kona va vona switsunga hinkwaswo leswo tlakuka, ni mirhi hinkwayo leyo tlhuma; kona, va tlhava magandzelo, va humesa timhamba ta vona leti ndzi karihisaka. Kambe va hisa mirhi ya risuna, va chela kona magandzelo ya swakunwa.

Yeremiya 52:13

A hisa yindlu ya Yehovha, ni yindlu ya hosi; a hisa tindlu hinkwato ta Yerusalema ni tindlu hinkwato ta vakulukumba.

2 TIHOSI 23:14

A faya swifaniso, a tsema swifaniso swa Axera, kutani a tata ndhawu ya swona hi marhambu ya vanhu.

Timhaka 10:9

Siku leri tlhandlamaka, kakuloko va ha ri endleleni, va ri karhi va tshinelela muti, Petro a tlhandlukela elwangwini a ya khongela; a ku lava ku va nkarhi wa ntlhanu na wun'we.

2 TIHOSI 17:16

Va tshika milawu hinkwayo ya Yehovha, Xikwembu xa vona, kutani va tiendlela marhole lama chuluriweke va tiendlela ni swifaniso swa Axera va khinsama emahlweni ka vandla hinkwaro ra matilo, va tirhela Baali.

Yeremiya 8:2

ma ta hangalasiwa eku vonakaleni ka dyambu, ni ka n'weti, ni ka mavandla hinkwawo ya tilo, swi nga hinkwaswo leswi va nga swi rhandza, ni hinkwaswo leswi va nga swi tirhela, ni leswi va nga famba eka swona, ni leswi va tshamaka va ya vutisa eka swona, leswi va tshamaka va swi khinsamela; kambe ma nga ka ma nga hlengeletiwi ni loko ku ri ku yimberiwa; byi ta va vulongo etikweni leri.

Yeremiya 19:12

Ndzi ta endlisa sweswo xivandla lexi ni vaaki va kona, ku vula Yehovha, ndzi ta endla muti lowu ku fana na Tofete.

Esaya 22:1

Swi lo yini leswi vanhu hinkwavo va wena va tlhandlukeleke ehenhla ka tindlu,