Yeremiya 18:19 - Xitsonga (Bibele)

¹⁹ Yehovha, ndzi hlayise, u yingisela rito ra lava ndzi tengisaka.

BIBELE Mahungu Lamanene

¹⁹ Hiloko Yeremiya a khongela a ku: “We HOSI, ndzi yingise, twana leswi valala va mina va vulaka swona.

Yeremiya 18:19 Referans Kwoze

Nehemiya 6:9

Hikuva hinkwavo a va lava ku hi chavisa, va ku: “Mavoko ya vona ma ta hela matimba leswaku ntirho wu nga yi emahlweni.” Oho Xikwembu xanga! Sweswi wa nga tiyisa mavoko ya mina!

Mikiya 7:8

U nga tshuki u tsakela khombo ra mina, wena u nga nala eka mina! Hikuva hambi ndzi wile, ndzi ta tlhela ndzi yima; ni loko ndzi tshamile emunyameni, Yehovha i ku vonakala ka mina.

Yeremiya 20:12

Yehovha wa tinyimpi u ringa la lulameke, u languta swisuti ni timbilu; ndzi ta vona ku tirihisela ka wena eka vona, hikuva ndzi ku tivisile timhaka ta mina.

Pisalema 109:28

Vona va nga rhukana, wena u katekisa, Va nga tlakuka, kambe va ta khomiwa hi tingana, Kambe nandza wa wena u ta titsakela.

Pisalema 109:4

Ematshan'weni ya rirhandzu ra mina, va tivekile valala va mina; Mina, a ndzi tshiki ku khongela.

2 TIHOSI 19:16

Oho! Yehovha, rhiya ndleve, u yingisa; oho! Yehovha! Pfula mahlo ya wena u vona; u yingisa marito ya Senakeribi, lawa a ma rhumeke ku sandza Xikwembu lexi hanyaka.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Yeremiya 18:20

Xana ku nga fuma ku biha ematshan'weni ya ku lulama, hilaha va nga celela vutomi bya mina rindzi xana? Tsundzuka leswaku a ndzi ri karhi ndzi yima emahlweni ka wena ku va vulavulela, leswaku ndzi hambukisa vukari bya wena eka vona!

Swirilo 3:59

Yehovha, u vonile ku xanisiwa ka mina; U ndzi avanyisela hi ku lulama!