Yeremiya 18:16 - Xitsonga (Bibele)

¹⁶ kutani va endla tiko ra vona xihlamariso ni xisandzu hilaha ku nga heriki; hileswaku un'wana ni un'wana la nga ta hundza eka rona a hlamala, kutani a nikinisa nhloko ya yena.

BIBELE Mahungu Lamanene

¹⁶ Hikokwalaho tiko ra vona ri hundzuke rhumbi, hinkwavo vahundzi va ndlela va ri hlamala, minkarhi hinkwayo va vaviseka ha rona, va hlakahla ni tinhloko.

Yeremiya 18:16 Referans Kwoze

Pisalema 22:7

Ndzi xisandzu eka hinkwavo lava ndzi vonaka; Va ahlamisa milomu, va ndzi ninginisela tinhloko,

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Yeremiya 19:8

Kutani ndzi ta endla muti lowu xihlamariso ni xisandzu, leswaku un'wana ni un'wana la nga ta hundza kona a hlamala a ba noti hikwalaho ka makhombo hinkwawo ya kona.

Matewu 27:39

Lava hundzaka va n'wi tseketsela, va n'wi nikinika tinhloko, va ku:

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Yeremiya 50:13

Hikwalaho ka ku kariha loku hisaka ka Yehovha, a ku nga ha akiwi, kutani ma ta va mananga hinkwako; un'wana ni un'wana la nga ta hundza eBabilona u ta hlamala, a ba miloti hi makhombo hinkwawo ya yena.

Yeremiya 49:13

Hikuva ndzi hlambanya ha mina ku vula Yehovha, leswaku Bosira u ta hundzuka tiko ra ku oma, ni ku tsan'wiwa, ni ku onhaka, ni ku rhukaniwa; ni miti hinkwayo ya kona yi ta va marhumbi hilaha ku nga heriki.”

1 TIHOSI 9:8

Loko yi ri Yindlu leyi tlakukeke swonghasi, mani na mani la nga ta hundza ekusuhi na yona, u ta hlamala, a ba noti;

Marka 15:29

Lava hundzaka va n'wi rhuketela, va nikinika tinhloko ta vona, va ku: “Ha! Wena la hlanhlaka tempele, u ku u ta yi pfuxa hi masiku manharhu;

Esaya 37:22

Hi rona rito leri Yehovha a ri vulaka ehenhla ka yena: “ ‘Wa ku sandza, wa ku monya, yena wanhwana, n'wana Siyoni.

Ezekiele 12:19

U ta byela vanhu va tiko u ku: Ku vula Yehovha Xikwembu eka vanhu va Yerusalema, etikweni ra Israele, a ku: Va ta dya vuswa bya vona hi gome va ta nwa mati ya vona hi ku hlunama; hikuva tiko ri ta phangiwa hikwalaho ka ku homboloka ka vaaki hinkwavo va rona.”

Ezekiele 6:14

Ndzi ta va tshambulutela voko ra mina, ndzi onha tiko ra vona, ri ta tlula mananga ya Ribila hi ku biha ka rona, hinkwako laha va tshamaka kona; kutani va ta tiva leswaku hi mina Yehovha.”

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Pisalema 44:14

U hi endle xivuriso xa ku hleka exikarhi ka vamatiko; Ni vanhu va hi nikinisela tinhloko.

Duteronoma 29:23

va ta ku: ‘I tiko ra xivavula ni munyu, leri tshweke hinkwaro, ri nga riki na mbewu ni swakudya, ni loko byi ri byanyi, a byi mili kona; swi kotisa ku pfilunganya ka Sodoma na Gomora, ni ka Adama na Seboyimi, miti leyi Yehovha a yi pfilunganyeke ku holoveni ka yena, ni le vukarini bya yena!’

Duteronoma 28:59

Yehovha u ta ku ba hi mimpfembeti leyi hlamarisaka wena ni vatukulu va wena, yi ri mimfembeti leyikulu! Leyi hlwelaka ku phya, ni mavabyi layo leva ni lama hlulaka vadyahi.

Levhitika 26:43

kambe tiko ri ta sala ntsena vona va nga ri kona, kutani ri ta titsakela eTisavateni ta rona, hi nkarhi lowu ri nga ta tshama ntsena va nga ri kona, kutani va ta amukela ku biwa ka milandzu ya vona, hikuva va sandzile ku lerisa ka mina ni mimoya ya vona yi vengile milawu ya mina.

Levhitika 26:32

Ndzi ta herisa tiko, kutani valala va n'wina lava nga ta aka kona, va ta hlamala ngopfu.

Pisalema 109:25

Ndzi nyiketiwile ku va xisandzu xa vona; Loko va ndzi languta, va ninginisa tinhloko ta vona.

Yeremiya 42:18

Hikuva, ku vula Yehovha wa mavandla, Xikwembu xa Israele, a ku: Kukotisa loko ndzi chulurile vukari bya mina, ni ku leva ka mina, ehenhla ka vaaki va Yerusalema, ndzi ta chulula ku leva ka mina ehenhla ka n'wina loko mi yile eEgipta, mi ta endliwa xisandzu, ni ku chaviwa, ni ndzhukano ni ku sandziwa kutani mi nga ka mi nga tlheli mi vona xivandla lexi.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Yeremiya 48:27

Xana a ku endlanga Israele xisandzu xa wena xana? A lo khomiwa hi vukhamba leswi u n'wi nikinelaka nhloko loko u vulavula ta yena xana?

Yeremiya 49:17

“Edomu u ta huma a ri rhumbi ntsena un'wana ni un'wana la hundzaka eka yena u ta hlamala, a ba miloti hikwalaho ka makhombo ya yena hinkwawo.

Swirilo 1:12

“Xana a hi nchumu eka n'wina hinkwenu lava mi fambaka endleleni! Tsundzukani, mi vona loko ku vaviseka ku ri kona loku fanaka ni loku ndzi humeleleke, Loku Yehovha a nga ndzi vavisa hakona Esikwini ra vukari lebyi pfurhaka bya yena.

Ezekiele 27:36

Loko va ri vabindzuri va matiko man'wana, va be miloti ha wena; u hundzuriwe swahava, kutani a ku nga ha vi kona ni siku ni rin'we.’ ”

Ezekiele 36:3

Hikwalaho ka swona, profeta, u ku: Ku vula Hosi Yehovha: Kunene, leswi va rhandzeke hi matlhelo hinkwawo ku mi hlasela ni ku mi mita, leswi milomu yo biha ya vanhu, ni mahlevo ya vona swi kongomeke n'wina,

2 TIKRONIKA 29:8

Kutani Yehovha u karihele Yuda na Yerusalema, u va nyiketile exisandzwini ni le makhombyeni, ni le xisolweni hilaha mi swi vonaka hi mahlo ya n'wina.

Yeremiya 29:18

ndzi ta va phalalela hi matlhari ni ndlala ni ntungu ndzi va nyiketa ku xanisiwa eku fumeni hinkwako ka misava, ni le ku rhukaniweni, ni le ku onhakeni, ni ku va xihlamariso ni xisandzu ematikweni hinkwawo lawa ndzi nga ta va hlongola exikarhi ka wona.

Yeremiya 51:37

kutani Babilona u ta va nhulu ya maribye ni vuako bya timhungubye, xihlamariso, ni xisandzu, laha ku nga akiwiki kona.

Yeremiya 51:43

Miti ya yena yi endliwile rhumbi ntsena, tiko ra ntlhava ni mananga, tiko leri nga riki na munhu la akaka eka rona, hambi a ri n'wana wa munhu la hundzaka kona.