Yeremiya 17:7 - Xitsonga (Bibele)

⁷ Ku katekile munhu la titshembelaka Yehovha, loyi ku tshemba ka yena ku nga ka Yehovha!

BIBELE Mahungu Lamanene

⁷ “Kambe ku katekile munhu loyi a ndzi tshembaka mina HOSI, loyi a tiseketelaka hi mina.

Yeremiya 17:7 Referans Kwoze

Pisalema 34:8

Nantswani, mi va mi vona leswaku Yehovha hi lonene swonghasi! Ku katekile munhu la chavelaka eka yena.

Pisalema 40:4

Ku katekile munhu la vekaka ku tshemba ka yena eka Yehovha, La nga hundzukeriki eka lava tikukumuxaka ni ka vahembi!

Pisalema 125:1

Lava tshembaka Yehovha Va fana ni ntshava ya Siyoni; yi nga ka yi nga tsekatseki, Yi ta tiya hi laha ku nga heriki!

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Swivuriso 16:20

La anakanyaka etimhakeni u ta vona vunene, Ni loyi a tshembaka Yehovha u katekile.

Pisalema 84:12

Oho Yehovha wa tinyimpi, ku katekile la ku tshembaka!

Pisalema 146:5

Ku katekile loyi Xikwembu xa Yakobo, xi nga matimba ya yena, Loyi ku tshemba ka yena ku nga ka Yehovha, Xikwembu xa yena.

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

Vaefesa 1:12

leswaku hi ta hanya eku dzuniseni ka ku kwetsima ka yena hina lava tshembeke Kriste eku sunguleni;

Pisalema 71:5

Hikuva u tshembo ra mina, wena Hosi Yehovha! Ndzi ku tshembile ndza ha ri evuntshweni bya mina.

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Yeremiya 39:18

Hikuva ndzi ta ku lamulela, u nga ka u nga wi hi fumu, kutani vutomi bya wena byi ta va ku phanga ka wena, hikuva u ndzi tshembile, ku vula Yehovha.’ ”

Daniele 3:28

Kutani Nebukadnetsara a vulavula, a ku: “A ku dzunisiwe Xikwembu xa Xadraka, na Mexaka, na Abedi-Nego lexi rhumeke ntsumi ya xona, xi hlayisile malandza ya xona lama xi tshembeke, lama tluleke ku lerisa ka hosi; va tshiketile miri ya vona leswaku va nga tshuki va tirhela ni ku khongela xikwembu xin'wana, loko xi nga ri Xikwembu xa vona.

Pisalema 20:8

Vona va oveka va wa ehansi, Kambe hina hi ta pfuka, hi yima hi tiya kona.

Sofoniya 3:12

Ndzi ta siya vanhu lava tsongahaleke, lava swisiwana exikarhi ka wena, kutani va ta tshemba vito ra Yehovha.