Yeremiya 17:4 - Xitsonga (Bibele)

⁴ Hikwalaho ka nandzu wa wena u ta lahlekeriwa hi ndzhaka leyi ngi ndzi ku nyikile yona, kambe ndzi ta ku endla nandza wa lava nga valala eka wena, etikweni leri u nga ri tiviki; hikuva mi pfurhisile ndzilo wa ku kariha ka mina, wa ha ta hisa hilaha ku nga heriki.”

BIBELE Mahungu Lamanene

⁴ Ndzhaka ya n'wina yi ta susiwa emavokweni ya n'wina, ri nga tiko leri a ndzi mi nyikile rona. Ndzi ta mi hundzula mahlonga ya valala va n'wina, mi yisiwa etikweni leri mi nga ri tiviki, hikuva mi tivangele ndzilo wa vukari bya mina; wu ta pfurha wu nga timeki.”

Yeremiya 17:4 Referans Kwoze

Yeremiya 15:14

Kambe ndzi ta va heta kun'we ni lava nga valala va wena etikweni leri u nga ri tiviki, hikuva ndzilo wu pfurhile eku kariheni ka mina, wu mi pfurhelile.”

Swirilo 5:2

Ndzhaka ya hina yi yile eka vamatiko, Ni tindlu ta hina eka lava nga ehandle.

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Esaya 5:25

Hikwalaho vukari bya Yehovha byi pfurhele tiko ra yena, kutani u tshambulutile voko ra yena, a ri ba; tintshava ti tsekatseka, mitsumbu ya vona yi tata mitsendzele tanihi vulongo. Hambiswiritano, a nga tlhelanga evukarini bya yena, ni voko ra yena ra ha tshama ri tshambulutiwile.

Yeremiya 16:13

Hikwalaho, ndzi ta mi hlongola etikweni leri, ndzi mi yisa etikweni leri nga tiviwiki hi n'wina ni vatata wa n'wina, kutani mi ta ya tirhela swikwembu swimbe kona, nhlekanhi ni vusiku, hikuva ndzi nga ka ndzi nga ha mi tweri vusiwana.’

Esaya 14:3

Kutakuloko Yehovha a mi wisisa eku karhaleni ka n'wina, ni le makhombyeni ya n'wina, ni le ku bohiweni loko nonon'hwa loku ingi mi xanisiwa hakona,

Ezekiele 21:31

Hosi Yehovha u ri: Susa xihuku, u susa musingasoro wa wena; lexi nga kona a xi nga ha vi kona; ku ta tlakusiwa lexi tsongahatiweke, ku ta tsongahatiwa lexi tlakukeke.

Swirilo 1:12

“Xana a hi nchumu eka n'wina hinkwenu lava mi fambaka endleleni! Tsundzukani, mi vona loko ku vaviseka ku ri kona loku fanaka ni loku ndzi humeleleke, Loku Yehovha a nga ndzi vavisa hakona Esikwini ra vukari lebyi pfurhaka bya yena.

Yeremiya 12:7

“Ndzi sukerile yindlu ya mina, ndzi lahlile rifuwo ra mina; lexi rhandziwaka hi moya wa mina, ndzi xi nyiketile emavokweni ya lava nga valala eka xona.

Yeremiya 5:29

Xana ndzi nga tshika ku tshinya swilo leswo tano xana?” ku vula Yehovha; “kumbe ndzi nga tshika ku tirihisela eka tiko lero tano xana?

Esaya 66:24

“Kutani loko a ta huma, va ta vona mitsumbu ya vanhu lava tiariseke ka mina; hikuva xivungu xa vona xi nga ka xi nga fi, ni ndzilo wa vona wu nga ka wu nga timeki; kutani va ta nyenyetsa nyama hinkwayo.”

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Nehemiya 9:28

Kuteloko va wisile va tlhela va sungula ku endla swo biha emahlweni ka wena, na wena u va nyiketa emavokweni ya valala va vona, va va fuma; kutani va tlhela va huwelela ka wena, na wena u va yingisa u ri ematilweni, kutani hi ku tsetselela ka wena, u va ponisile ha kangani.

2 TIHOSI 25:21

Hosi ya Babilona yi va dlaya eRibila, etikweni ra Hamata. Kutani va Yuda va yisiwa evukhumbini ekule ni tiko ra vona.

1 TIHOSI 9:7

ndzi ta susa Israele ehenhla ka tiko leri ndzi n'wi nyikeke rona, ndzi ta cukumeta ekule na mina Yindlu leyi ndzi yi hlawuleleke vito ra mina; kutani Israele u ta va xivuriso ni xihlekiso exikarhi ka matiko hinkwawo.

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Yeremiya 2:14

“Xana Israele i khumbi leri xaviweke, kumbe la velekiweke endlwini xana? U byisiwile hikwalaho ka yini?

Yeremiya 18:23

Kambe, wena Yehovha, u tiva leswaku makungu hinkwawo ya vona ehenhla ka mina ku ndzi dlaya; u nga tshuki u funengeta nandzu wa vona, kutani u nga susi xidyoho xa vona emahlweni ka wena; a va susumetiwe emahlweni ka wena! Hi siku ra vukari bya wena u endlisa sweswo na vona.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Yeremiya 22:28

Xana munhu loyi, Yekoniya, i xibya lexi soriwaka, lexi fayiwaka xana? Kumbe i ntirho lowu nga pfuniki nchumu-ke? Va tshikiwa ha yini, yena ni nyimba ya yena, ku ya cukumetiwa ematikweni lawa va nga ma tiviki?

Esaya 50:11

Vonani, n'wina hinkwenu lava tshivelaka ndzilo, mi ri karhi mi tirhendzele hi swisa leswi pfurhaka, yanani emalangavini ya ndzilo wa n'wina, mi lwa hi swisa leswi mi swi lumekeke! Swilo leswo swi ta mi humelela swi huma evokweni ra mina; mi ta etlela eku vavisekeni!

Yeremiya 5:19

Kambe loko mi nga vula, mi ku: ‘Xana Yehovha, Xikwembu xa hina, a hi endla swilo sweswo hinkwaswo hikwalaho ka yini?’ U va hlamula, u ku: ‘Hilaha mi ndzi tshikeke, mi va mi tirhela swikwembu swimbe etikweni ra n'wina, mi ta tirhela sweswo matiko etikweni leri nga riki ra n'wina.’

Ezekiele 7:24

Ndzi ta vitana matiko lama tlulaka matiko hinkwawo hi ku biha, leswaku ma fuwa tindlu ta vona; ndzi ta susa vubombi bya lava tikurisaka, kutani swivandla leswo kwetsima swa vona swi ta nyamisiwa.