Yeremiya 17:24 - Xitsonga (Bibele)

²⁴ Kungakuloko mi ndzi yingisa swinene, ku vula Yehovha, kutani mi nga fambisi mirhwalo hi tinyangwa ta muti lowo hi siku ra Savata, kambe mi hlawula siku ra Savata, mi nga endli ntirho ni wun'we hi siku rero,

BIBELE Mahungu Lamanene

²⁴ “ ‘Kambe mina HOSI ndzi ri, loko mi ndzi yingisa mi nga nghenisi nchumu etinyangweni ta muti lowu hi siku ra Savata, ni loko mi hlayisa siku leri ri tshama ri hlawulekile mi nga tirhi ntirho na wun'we hi siku rero,

Yeremiya 17:24 Referans Kwoze

Duteronoma 11:13

“Kungakuloko mi yingisa swinene milawu ya mina leyi ndzi mi lerisaka namuntlha, mi va mi rhandza Yehovha, Xikwembu xa n'wina, mi n'wi tirhela hi timbilu hinkwato ta n'wina, ni mimoya hinkwayo ya n'wina,

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Zakariya 6:15

Lava nga ekule va ta ta va ta aka yindlu ya Yehovha; kutani mi ta tiva leswaku Yehovha wa tinyimpi u ndzi rhumile eka n'wina; swi ta va tano, loko kunene mi yingisa rito ra Yehovha, Xikwembu xa n'wina.”

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Esaya 21:7

U vone ntlawa wa vakhandziyi va tihanci va famba havambirhi, ni vakhandziyi va timbhongolo, ni vakhandziyi va tikamela; kutani a languta, a rhalarhala!”

Duteronoma 11:22

“Hikuva loko mi hlayisa swinene milawu hinkwayo leyi ndzi mi lerisaka yona, ni loko mi endla ha yona, mi va mi rhandza Yehovha, Xikwembu xa n'wina, mi famba etindleleni hinkwato ta yena, mi ri karhi mi n'wi namarhela,

Eksoda 20:8

“Anakanya siku ra ku wisa ku ri hlawulekisa.

Ezekiele 20:20

kambe mi kwetsimisa Tisavata ta mina, swi va xikombiso exikarhi ka mina na n'wina, xa leswaku mi tiva leswaku hi mina Yehovha, Xikwembu xa n'wina.