Yeremiya 17:23 - Xitsonga (Bibele)

²³ Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

BIBELE Mahungu Lamanene

²³ Vona va arile ku rhiya ndleve va yingisa, va tiomisile tinhloko leswaku va nga tshuki va twa kumbe ku amukela switsundzuxo swa mina.

Yeremiya 17:23 Referans Kwoze

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Yeremiya 11:10

Va tlhelele eku biheni ka vatata wa vona va khale lava tshamaka va ala ku yingisa marito ya mina, kambe va famba va ya tirhela swikwembu swin'wana; yindlu ya Israele, na yona yindlu ya Yuda yi tshovile ntwanano lowu ndzi wu endleke ni vatata wa vona.

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Sofoniya 3:7

A ndzi ku: ‘Loko a wu ndzi chava, u va u amukela ku tshinyiwa, ingi vutshamo bya wena byi nga ha susiwi eka wena hilaha ndzi leriseke hinkwaswo hakona ehenhla ka yena,’ kambe va pfukele ku onha swiendlo swa vona hinkwaswo.”

Ezekiele 20:21

Kambe, na vona, vana va vona va ndzi hundzukela; va ala ku famba hi ku lerisa ka mina, va nga hlayisi milawu ya mina ku yi endla, leyi munhu la yi endlaka a nga ta hanya ha yona, va nyamisa Tisavata ta mina, kutani ndzi ku, ndzi ta va chululela vukari bya mina, ndzi ta hetisa vukari bya mina ehenhla ka vona emananga.

Yeremiya 32:33

Va ndzi fularhele va nga ndzi langutanga, kasi mina ndzi va dyondzisa, ndzi pfuka nimpundzu ku va dyondzisa, kambe a va yingisanga leswaku va amukela ku tshinyiwa.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Ezekiele 20:16

hikuva va cukumetile milawu ya mina, a va fambangi hi ku lerisa ka mina; kambe va nyamise Tisavata ta mina, hikuva mbilu ya vona yi landzelele swifaniso swa vona swa manyala.

Ezekiele 20:13

Kambe va yindlu ya Israele va hundzukile mananga eka mina; a va fambangi hi ku lerisa ka mina, va cukumete milawu ya mina leyi munhu la endlaka ha yona a nga hanyaka ha yona, va nyamise ngopfu Tisavata ta mina, kutani ndzi ku ndzi ta chela vukari bya mina ehenhla ka vona emananga ku va heta.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Yeremiya 7:28

U va byela, u ku: ‘Leri i tiko leri nga yingisiki rito ra Yehovha, Xikwembu xa rona leri nga amukeriki ku layiwa, ku lulama ku onhakile, ku susiwile emilon'wini ya vona.

Yeremiya 6:8

Yerusalema, hundzuka, leswaku kumbe moya wa mina wu nga ku fularheli, leswaku kumbe ndzi nga ku hundzuri rhumbi, tiko leri nga riki na vanhu.”

Swivuriso 8:10

Amukelani dyondzo ya mina leyi tlulaka silivhere, Ni vutivi lebyi tlulaka nsuku lowo saseka.

Swivuriso 5:12

U ku: “Xana ndzi arisile ku yini ku layiwa? Mbilu ya mina yi andzele yini ku tshinyiwa?

Swivuriso 1:5

La tlhariheke, a a yingise, u ta tiengetela ku tiva; La nga ni ku twisisa u ta tikumela mano

Swivuriso 1:3

Ku amukela dyondzo ya ku anakanya swo lulama, Ya ku tivisisa ku lulama ni mfanelo;

Pisalema 50:17

Wena la vengaka ku layiwa, La cukumetaka marito ya mina endzhaku ka wena!

Vaavanyisi 6:10

Ndzi te eka n'wina: “Hi mina Yehovha, Xikwembu xa n'wina, mi nga tshuki mi chava swikwembu swa Vaamori, lava mi akeke etikweni ra vona.” Kambe a mi yingisangi rito ra mina.’ ”

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.