Yeremiya 17:13 - Xitsonga (Bibele)

¹³ Wena Yehovha, ku tshemba ka Israele! Lava ku tshikaka hinkwavo va ta khomisiwa tingana. Lava ndzi tshikaka va ta tswariwa emisaveni, hikuva va tshikile xihlovo xa mati lama hanyisaka, a nga Yehovha.

BIBELE Mahungu Lamanene

¹³ We HOSI, wena loyi Vaisraele va ku tshembaka, lava va ku tshikaka va ta nyuma hinkwavo; mavito ya lava va ku fularhelaka, ma ta tsariwa exivandleni xa vafi, hikuva va ku tshikile we HOSI, wena xihlovo xa mati lama khulakaka.

Yeremiya 17:13 Referans Kwoze

Nhlavutelo 7:17

hikuva Xinyimpfana lexi nga exikarhi ka xiluvelo xi ta va risa, xi va yisa eswihlobyeni swa mati ya vutomi, kutani Xikwembu xi ta hlangula mihloti hinkwayo emahlweni ya vona.”

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

Yohane 4:14

Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Yohane 4:10

Yesu a hlamula, a ku eka yena: “Loko a wu tivile ku nyika ka Xikwembu, ni loyi a nge eka wena: ‘Ndzi siyele ndzi nwa,’ ingi u komberile eka yena, kutani a a ta va a ku nyikile mati lama pfelelaka.”

Nhlavutelo 21:6

A engeta a ku eka mina: “Swi herile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika ntsena mati ya xihlovo xa vutomi.

Esaya 1:28

Kambe vatiarisi ni swidyohi swi ta phyandlasiwa swin'we, kutani lava tshikaka Yehovha va ta lova.

Luka 10:20

Hambiswiritano, mi nga tsaki hi leswi mademona ma mi yingisaka; kambe tsakani hikuva mavito ya n'wina ma tsariwile etilweni.”

Yeremiya 14:8

Wena tshembo ra Israele, muhanyisi wa yena hi siku ra khombo, xana u ta fana ni wamatiko etikweni, kumbe kukotisa muendzi la hambukaka ku xwa vusiku byin'we ntsena xana?

Nhlavutelo 20:15

Kutani un'wana ni un'wana la nga ka a nga kumiwanga a tsariwile ebukwini ya vutomi, a hoxiwa etiveni ra ndzilo.

Esaya 66:5

Yingisani rito ra Yehovha, n'wina lava chavaka rito ra yena! “Vamakwenu lava mi vengaka, lava mi tlherisaka hikwalaho ka vito ra mina, va ku: ‘Yehovha a a kombise ku twala ka yena leswaku hi ta vona ku tsaka ka n'wina!’ Kambe va ta khomiwa hi tingana.

Pisalema 73:27

Hikuva, waswivo lava tshinelaka ekule na wena va ta fa. U herisa hinkwavo lava ku fularhelaka.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Yuwele 3:16

Yehovha u ta dzumadzuma eSiyoni; a twarisa rito ra yena a ri Yerusalema, tilo ni misava swi ta tsekatseka. Kambe Yehovha! Xichavelo eka tiko ra yena, i khokholo eka vana va Israele.

Yeremiya 2:17

“A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Nhlavutelo 22:17

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.

1 Timotiya 1:1

Pawulo muapostola wa Yesu Kriste, hi ku lerisa ka Xikwembu, Mulondzovoti wa hina, ni ka Hosi Yesu Kriste loyi a nga ku langutela ka hina; Eka Timotiya, n'wananga wa xiviri, eku pfumeleni;

Timhaka 28:20

Hikwalaho ndzi mi viteke ku ta mi vona ni ku vulavula na n'wina, hikuva ndzi bohiwile hi mpecana leyi, hikwalaho ka ku tshemba ka Israele.”

Daniele 12:2

Kutani lavo tala lava etleleke entshurini wa misava va ta pfuka, van'wana va ta pfukela vutomi lebyi nga heriki, van'wana va ta pfukela xisandzu ni tingana leti nga heriki.

Ezekiele 36:32

Ndzi swi endla, ku nga ri hikwalaho ka n'wina, ku vula Hosi Yehovha; swi tiveni! Mi va ni tingana, mi tisola hikwalaho ka tindlela ta n'wina, yindlu ya Israele!

Ezekiele 16:63

leswaku u anakanya mikarhi leyi nga hundza, u va ni tingana, kambe u miyela, ni ku tisola, loko ndzi ta ku rivalela mitirho hinkwayo ya wena, ku vula Hosi, Yehovha.”

Yeremiya 17:17

U nga vi ku chava eka mina; u xichavelo xa mina hi siku ra khombo.

Yeremiya 17:5

Yehovha a ku: “Ku rhuketeriwe munhu la titshembelaka munhu, la endlaka nyama matimba ya yena, loyi mbilu ya yena yi fularheleke Yehovha.

Swivuriso 14:14

Wa mbilu leyi tidyelelaka u ta phiriwa hi mikhuva ya yena, Kambe la lulameke u ta xurha hi leswi nga embilwini ya yena.

Swivuriso 10:7

Ku tsundzukiwa ka la lulameke i ku kateka, Kambe vito ra lowo biha ri ta bola.

Pisalema 97:7

Va khomiwa hi tingana, lava tirhelaka swifaniso, Lava tidzunisaka hi swikwembu swahava.

Pisalema 22:4

Vatata wa hina va vekile eka wena ku tshemba ka vona; Va ku tshembile kutani u va tshunxile.

Pisalema 71:5

Hikuva u tshembo ra mina, wena Hosi Yehovha! Ndzi ku tshembile ndza ha ri evuntshweni bya mina.

Yeremiya 17:18

Lava ndzi xanisaka a va khomisiwe tingana, kambe mina ndzi nga tshuki ndzi khomisiwa tingana; a va rhurhumele, kambe mina ndzi nga tshuki ndzi rhurhumela. A va humeseriwe siku ra khombo, kutani u va kandziyela hi ku va kandziyela kambirhi.

Yeremiya 19:4

hikuva va ndzi tshikile, kutani va sandzile xivandla lexi, hikuva kona, mirhi ya risuna, va yi hisele swikwembu swin'wana leswi nga ka swi nga tiviwi hi vona, ni vatata wa vona, ni tihosi ta Yuda, kutani va tatile xivandla lexi hi ngati ya lava nga riki na nandzu;

Yeremiya 50:7

Hinkwavo lava nga ti kuma va ti dya, lava ngi va ri valala eka tona a va ku: ‘A hi na nandzu, hikuva va dyohele Yehovha, vuako byo lulama, ni ku tshemba ka vatata wa vona, a nga Yehovha!’

Ezekiele 13:9

Voko ra mina ri ta va eka vaprofeta lava lorhaka swahava, lava profetaka mavunwa; va nga ka va nga tshamisi ehubyeni ya tiko ra mina; va nga ka va nga tsariwi ebukwini ya yindlu ya Israele va nga ka va nga ngheni etikweni ra Israele, hi kona mi nga ta tiva leswaku hi mina Hosi Yehovha.

Zakariya 9:12

Tlhelelani ekhokholweni, n'wina vakhomiwa lava nga ni ku tshemba! Namuntlha ndza vulavula, ndzi ri: Ndzi ta ku tlherisela kambirhi.

Zakariya 13:1

“Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

Pisalema 69:29

Mina, ndzi le khombyeni ni le ku vavisekeni; Kambe ku pfuna ka wena ku ta ndzi pfuxa, oho Xikwembu!