Yeremiya 16:18 - Xitsonga (Bibele)

¹⁸ Kambe, eku sunguleni, ndzi ta va rihisela kambirhi ku homboloka ka vona ni ku dyoha ka vona, hikuva va nyamisile tiko ra mina hi manyala ya vona, kambe va tatile ndzhaka ya mina hi mitsumbu ya swikwembu swa vona leswi sandzekaka.”

BIBELE Mahungu Lamanene

¹⁸ Ndzi ta sungula hi vona ndzi va ba swinene hikwalaho ka ku homboloka ka vona ni ku dyoha ka vona, hikuva va nyamisile tiko ra mina hi mintsumbu ya swikwembu swa vona swa hava, va endla manyala layo tala etikweni ra mina.”

Yeremiya 16:18 Referans Kwoze

Esaya 40:2

Vulavulani swa mbilu ya Yerusalema, mi n'wi tivisa leswaku vukhumbi bya yena byi herile, ni leswaku ku dyoha ka yena ku rivaleriwile, kambe u rihiwile kambirhi hi voko ra Yehovha swidyoho swa yena hinkwaswo!

Nhlavutelo 18:6

N'wi hakeleni kukotisa leswi a mi hakeleke; n'wi rihiseni kambirhi ku ringanisa mitirho ya yena; exinwelweni lexi a cheleke eka xona, n'wi cheleleni kambirhi.

Ezekiele 11:21

Loko va ri vona lava tsakelaka swifaniso swa vona ni manyala ya vona, ndzi ta va rihisela mitirho ya vona etinhlokweni ta vona, ku vula Hosi Yehovha.”

Yeremiya 17:18

Lava ndzi xanisaka a va khomisiwe tingana, kambe mina ndzi nga tshuki ndzi khomisiwa tingana; a va rhurhumele, kambe mina ndzi nga tshuki ndzi rhurhumela. A va humeseriwe siku ra khombo, kutani u va kandziyela hi ku va kandziyela kambirhi.

Yeremiya 2:7

Ndzi mi tisile etikweni ra ndzalo, leswaku mi ta dya mihandzu ya rona ni mafurha ya rona, kambe mi nghenile, kutani mi dyuhata tiko ra mina, ni ndzhaka ya mina mi yi endla manyala.

Ezekiele 11:18

Va ta vuya eka rona, va ta susa swiyilo hinkwaswo ni manyala hinkwawo.

Yeremiya 3:9

Hi vuoswi lebyi twakaleke bya yena, Israele u nyamisile misava. Kambe u oswanile ni ribye ni murhi.

Esaya 61:7

Ematshan'weni ya tingana ta n'wina mi ta nyikiwa swipandzwa swimbirhi; ematshan'weni ya ku hlunama, va ta tsakela ku averiwa ka vona; hi mukhuva wolowo, va ta averiwa kambirhi etikweni, va ta tsaka hi ku tsaka loku nga heriki.

Mikiya 2:10

Pfukani, fambani! Hikuva laha, mi nga ka mi nga wisi kona, hikwalaho ka thyaka le ri humesaka ku onhaka, ku onhaka loku chavisaka.

Esaya 24:5

Misava yi onhiwe hi vaaki va yona, hikuva va tlule milawu, va dyohele ku lerisa va tshikile xinakulobye lexi nga heriki.

Pisalema 106:38

Va halata ngati leyi nga riki na nandzu, Ngati ya vana va vona ni vanhwanyana va vona, Lava va va tlhaveleke swifaniso swa Kanana, Kutani misava yi nyamisiwa hi ngati leyi halatiweke.

Levhitika 26:30

Ndzi ta hlanhla swivandla leswi tlakukeke swa n'wina, ndzi wisa maribye lama yimiseriweke dyambu, kutani ndzi veka mitsumbu ya n'wina ehenhla ka mitsumbu ya swikwembu swa n'wina swa swifaniso, moya wa mina wu va wu mi nyenyetsa.

Esaya 65:6

Waswivo leswi swi tsariwile emahlweni ka mina: Ndzi nga ka ndzi nga miyeri, ndzi nga si tlherisela, kunene ndzi nga si tlherisela eka vona,

Yeremiya 7:30

Hikuva vana va Yuda va endlile manyala emahlweni ka mina, ku vula Yehovha; va vekile manyala ya vona endlwini yoleyo vito ra mina ri vuriwaka eka yona, hileswaku va ndzi nyamisa.

Yeremiya 44:4

Ndzi tshama ndzi mi rhumela malandza ya mina hinkwawo, va nga vaprofeta, ndzi va rhuma wa ha ri mixo, leswaku mi nga endli swilo swa manyala leswi ndzi swi vengaka.

Ezekiele 5:11

Hikwalaho ndza hanya, ku vula Hosi Yehovha, hikuva u nyamisile yindlu ya mina hi swilo hinkwaswo swo biha swa wena, ni manyala hinkwawo ya wena, na mina ndzi ta ku onha, tihlo ra mina ri ta leva, ndzi nga ka ndzi nga ku tweli vusiwana.

Hosiya 9:7

Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

Esaya 65:7

swidyoho swa n'wina,” ku vula Yehovha, “swin'we ni swidyoho swa vatata wa n'wina, lava nga humesa mirhi ya risuna etintshaveni, lava ndzi sandzeke eswitsungeni; ndzi ta va pimela hakelo ya ku hanya ka vona ka khale.”

Ezekiele 36:18

Kutani ndzi chulurile henhla ka vona vukari bya mina hikwalaho ka ngati leyi va nga yi halata etikweni, ni swifaniso leswi va ri nyamiseke ha swona.