Yeremiya 16:15 - Xitsonga (Bibele)

¹⁵ kambe va ta ku: ‘Yehovha wa hanya, la humeseke vana va Israele etikweni ra n'walungu ni le matikweni hinkwawo, laha ingi a va hangalasile kona,’ kutani ndzi ta va tlherisela etikweni ra vona leri ndzi ri nyikeke vatata wa vona.

BIBELE Mahungu Lamanene

¹⁵ Kambe loko va hlambanya va ta ku: ‘Xikwembu xi kona, xona lexi humeseke Vaisraele etikweni ra le n'walungwini, ni le matikweni hinkwawo lawa xi va hlongoleke va ya eka wona!’ Mina HOSI ndzi ta va tlherisela etikweni ra vona, ri nga leri ndzi ri nyikeke vatata wa vona.”

Yeremiya 16:15 Referans Kwoze

Yeremiya 32:37

Vonani, ndzi ta va hlengeleta ematikweni hinkwawo laha ndzi va hangalaseke kona hi vukari bya mina, ni ku leva ka mina ni ku tsuva lokukulu, ndzi ta va vuyisela exivandleni lexi, ndzi va akisa hi ku titsakela.

Yeremiya 24:6

Ndzi ta va languta hi tihlo lerinene ndzi va tlherisela etikweni lero ndzi va akisa, ndzi nga va onhi; ndzi va byala, ndzi nga va tsuvuri.

Yeremiya 3:18

“ ‘Emikarhini yoleyo, yindlu ya Yuda yi ta famba ni yindlu ya Israele va ta huma swin'we etikweni ra n'walungu, ku ya etikweni leri ndzi ri fumiseke vatata wa n'wina.

Amosi 9:14

Ndzi ta tshunxa tiko ra mina ra Israele evukhumbini bya rona, kutani va ta pfuxa miti leyi onhakeke va aka kona; va ta rima masimu ya vhinya, va nwa vhinyo ya wona, va ta rima mitanga ya mirhi va dya mihandzu ya yona.

Ezekiele 39:28

va ta tiva leswaku hi mina Yehovha, Xikwembu xa vona, lexi ingi xi va yisile ematikweni, va ri makhumbi, xi tlhela xi va hlengeleta etikweni ra vona; ndzi nga ka ndzi nga siyi na un'we endzhaku.

Ezekiele 36:24

“Ndzi ta mi humesa ematikweni ndzi mi hlengeleta exikarhi ka matiko hinkwawo, ndzi mi vuyisa etikweni ra n'wina;

Pisalema 106:47

Yehovha, Xikwembu xa hina, hi kutsule! Hi hlengelete exikarhi ka matiko, Leswaku hi ta yimbelela vito ra wena leri kwetsimaka, Hi ta tikurisa hi ku ku dzunisa!

Yeremiya 31:8

“Vonani, ndzi ta va vita etikweni ra le dzongeni, ndzi va hlengeleta emakun'wini ya misava. Exikarhi ka vona ku ni lowo fa mahlo ni lowo khwita, la tikeke ni ntswendyana, swin'we va ta tlhelela halenu va tele ngopfu.

Yeremiya 30:10

Kutani wena Yakobo, nandza wa mina, u nga chavi, ku vula Yehovha, u nga rhurhumeli, Israele, hikuva vona, ndzi ta ku ponisa, ndzi ku vita emisaveni ya le kule, ndzi lava ni rixaka ra wena etikweni ra vukhumbi. Yakobo a ta vekiwa, a titshamela a tsakile, a nga ha chavisiwi hi munhu.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Esaya 14:1

Hikuva Yehovha u ta tsetselela Yakobo u ta tihlawulela Israele; u ta tlhela a va akisa etikweni ra vona, kutani vamatiko va ta hlangana na vona, va namarhela yindlu ya Yakobo.

Yeremiya 50:19

Ndzi ta tlherisela Israele evuakweni bya yena: u ta kuma vudyelo Karmele ni le Baxani, kutani moya wa yena wu ta xurha, ni le ntshaveni ya Efrayimi ni le Giliyadi.

Yeremiya 23:8

Kambe va ta ku: ‘Yehovha wa hanya la humeseke, a va a vuyisile rixaka ra yindlu ya Israele etikweni ra n'walungu, ni le matikweni hinkwawo laha ingi ndzi va hangalasile kona,’ kutani va ta tiakela etikweni ra vona.”

Yeremiya 23:7

Hikwalaho, vonani, ku vula Yehovha, ma ta masiku lawa va nga ha ti ku: ‘Yehovha wa hanya la humeseke vana va Israele etikweni ra Egipta!’

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Yuwele 3:1

“Hikuva emasikwini walawo, ni le mikarhini yoleyo, siku ndzi tlherisaka lava khomiweke va Yuda ni va Yerusalema,

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Yeremiya 12:15

Kambe kutakuloko ndzi va tsuvurile, ndzi ta tlhela ndzi va tsetselela; kutani ndzi ta va tlherisela un'wana ni un'wana endzhakeni ya yena, un'wana ni un'wana etikweni ra yena.

Yeremiya 23:3

Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala.

Amosi 9:15

“Ndzi ta va byala etikweni ra vona, a va nga ha tlheri va tsuvuriwa etikweni ra vona leri ndzi va nyikeke rona,” ku vula Yehovha, Xikwembu xa wena.