Yeremiya 16:12 - Xitsonga (Bibele)

¹² Kambe n'wina mi endla mitirho leyo biha ku tlula vatata wa n'wina; kutani mi famba un'wana ni un'wana eku tinonon'hwiseni ka mbilu leyo biha ya yena, leswaku mi nga ti ndzi yingisa.

BIBELE Mahungu Lamanene

¹² N'wina mi lo ya emahlweni mi dyoha, mi tlula ni vatata wa n'wina. Un'wana ni un'wana exikarhi ka n'wina ú endla leswi humaka enhlokweni ya yena, a ala ku ndzi yingisa.

Yeremiya 16:12 Referans Kwoze

Yeremiya 13:10

Hikuva tiko leri ro homboloka leri alaka ku yingisa rito ra mina, leri tifambelaka hi ku navela ka mbilu ya rona, leri landzelaka swikwembu swa matiko man'wana ku swi tirhela ni ku swi khinsamela, ri ta hundzuka ri fana ni vamba leri nga pfuniki nchumu.

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.

Yeremiya 9:14

kambe va tifambele hi ku nonon'hwa ka timbilu ta vona, ni ku landzela va Baali, hilaha va dyondzisiweke hakona hi vatata wa vona.”

Eklesiasta 9:3

Ku biha loku ku le henhla ka hinkwaswo leswi endliwaka ehansi ka dyambu, hikuva khombo ri ri rin'we ri humelela hinkwavo; timbilu ta vana va vanhu ti tele hi ku biha timbilu ta vona ti tele vuhunguki eku hanyeni ka vona, endzhaku ka sweswo va tiyela eka vafi. Hikuva i mani la hlawuriweke?

Marka 7:21

Hikuva endzeni, etimbilwini ta vanhu, hilaha ku humaka miehleketo leyo biha, ni vuoswi, ni vugangu, ni ku dlaya,

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

1 SAMIELE 15:23

Hikuva ku tiarisa ku ringana ni ku hlahluva, ni vuphukuphuku byi fana ni ku tirhela swifaniso swa swikwembu ni titerafi. Leswi u cukumeteke rito ra Yehovha, u ku cukumetile na yena leswaku u nga ha vi hosi.”

Vaavanyisi 2:19

Loko muavanyisi a file, a va engeta va tionha va tlula vatata wa vona hi ku landzelela swikwembu swin'wana, leswaku va swi tirhela ni ku khinsama emahlweni ka swona, va nga hunguti nchumu eka mitirho ya vona ni mikhuva ya vona leyo nonon'hwa.

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

2 Timotiya 3:13

Kambe vanhu lavo biha ni vakanganyisi va ta hundzela emahlweni eku biheni, va ri karhi va kanganyisa, na vona va kanganyisiwa.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Eklesiasta 8:12

Kambe, hambi mudyohi a nga endla swo biha eka dzana, a andzeriwa masiku, hambiswiritano, ndza swi tiva leswaku lava chavaka Xikwembu va ta endleriwa leswinene, na vona, lava chavaka emahlweni ka mombo wa xona.

Duteronoma 29:19

kambe ku nga tshuki ku va ri munhu, kutakuloko a yingisile marito ya ndzhukano, a miyeta mbilu ya yena, a ku: ‘Ndzi ta va ni ku rhula, hambi ndzi nga famba eku tirhandzeleni ka mbilu yanga,’ leswaku la xurheke a kokela la nga ni torha.

Duteronoma 9:27

Tsundzuka malandza ya wena Abrahama, na Isaka, na Yakobo u nga languti ku nonon'hwa ka tiko leri, ni ku biha ka rona, ni xidyoho xa rona,

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Genesa 6:5

Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

Yeremiya 18:12

Kambe va ku: ‘A swi pfuni! Hi ta famba hi ku tirhandzela ka hina, leswaku un'wana ni un'wana a endla hi ku nonon'hwa ka mbilu ya yena leyo biha.’

Swirilo 5:7

Vatata wa hina va dyohile, kutani a va ha ri kona, Kutani hina hi rhwala makhombo ya ku dyoha ka vona.

Ezekiele 20:30

“Loko swi ri tano, u nge eka yindlu ya Israele: Hosi Yehovha u ri: Xana a mi tinyamisangi hi mikhuva ya vatata wa n'wina, kutani a mi oswanangi hi ku landzela ku homboloka ka vona xana?

Amosi 2:4

Yehovha u ri: “Hikwalaho ka milandzu, minharhu kumbe ya mune ya Yuda — ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

Malakiya 3:7

Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’

Yeremiya 22:28

Xana munhu loyi, Yekoniya, i xibya lexi soriwaka, lexi fayiwaka xana? Kumbe i ntirho lowu nga pfuniki nchumu-ke? Va tshikiwa ha yini, yena ni nyimba ya yena, ku ya cukumetiwa ematikweni lawa va nga ma tiviki?