Yeremiya 16:11 - Xitsonga (Bibele)

¹¹ U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.

BIBELE Mahungu Lamanene

¹¹ Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.

Yeremiya 16:11 Referans Kwoze

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Ezekiele 11:21

Loko va ri vona lava tsakelaka swifaniso swa vona ni manyala ya vona, ndzi ta va rihisela mitirho ya vona etinhlokweni ta vona, ku vula Hosi Yehovha.”

Yeremiya 22:9

Kutani va ta ku: Hi leswi va riveleke ntwanano wa Yehovha, Xikwembu xa vona, va khinsamela swikwembu swin'wana, va swi tirhela.” ’ ”

Yeremiya 8:2

ma ta hangalasiwa eku vonakaleni ka dyambu, ni ka n'weti, ni ka mavandla hinkwawo ya tilo, swi nga hinkwaswo leswi va nga swi rhandza, ni hinkwaswo leswi va nga swi tirhela, ni leswi va nga famba eka swona, ni leswi va tshamaka va ya vutisa eka swona, leswi va tshamaka va swi khinsamela; kambe ma nga ka ma nga hlengeletiwi ni loko ku ri ku yimberiwa; byi ta va vulongo etikweni leri.

1 TIHOSI 9:9

va ta ku: ‘Yehovha u endlele leswi, tiko leri ni Yindlu leyi, ha yini xana?’ Va ta ku: ‘Hi leswi va tshikeke Yehovha Xikwembu xa vona, lexi humeseke vatata wa vona etikweni ra Egipta, kutani va namarhele swikwembu swin'wana, va khinsama emahlweni ka swona, va swi tirhela: Hikwalaho ka swona, Yehovha u rhumile ehenhla ka vona, makhombo lawa hinkwawo.’ ”

Yeremiya 9:14

kambe va tifambele hi ku nonon'hwa ka timbilu ta vona, ni ku landzela va Baali, hilaha va dyondzisiweke hakona hi vatata wa vona.”

Yeremiya 2:8

Vaprista a va vulanga, va ku: ‘U kwihi Yehovha?’ Ni vatameri va nawu a va ndzi tivanga; varisi va ndzi hundzukela, ni vaprofeta va profeta ha Baali, kambe va landza lava nga pfuniki nchumu.

2 TIKRONIKA 7:22

Va ta hlamula, va ku: “Hi leswi va tshikeke Yehovha, Xikwembu xa vatata wa vona, loyi a va humeseke etikweni ra Egipta, va namarheleke swikwembu swin'wana, va khinsama emahlweni ka swona, va swi tirhela; hikwalaho ka swona u rhumele ehenhla ka vona makhombo lawa hinkwawo.”

Amosi 2:4

Yehovha u ri: “Hikwalaho ka milandzu, minharhu kumbe ya mune ya Yuda — ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

Malakiya 3:7

Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’

Vaavanyisi 2:11

Kutani Vaisraele va endla leswo biha emahlweni ka Yehovha, va tirhela Baali.

Yeremiya 13:22

Loko u nga tivula embilwini ya wena, u ku: ‘Xana swilo leswi swi ndzi humelela hikwalaho ka yini?’ Ndzi ku: Hikwalaho ka ku biha ka wena lokukulu, matlhelo ya nguvu ya wena ma tlakusiwile, ni swirhendze swa wena swi biwile hi matimba.

Yeremiya 44:3

Hikwalaho ka ku biha hinkwako loku va ku endleke ku ndzi pfuka, va ya hisela swikwembu swin'wana mirhi ya risuna, va tirhela leswi va nga swi tiviki hambi mi ri n'wina, hambi va ri vatata wa n'wina.

Swirilo 5:7

Vatata wa hina va dyohile, kutani a va ha ri kona, Kutani hina hi rhwala makhombo ya ku dyoha ka vona.