Yeremiya 15:6 - Xitsonga (Bibele)

⁶ U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

BIBELE Mahungu Lamanene

⁶ Mina HOSI ndzi ri: U ndzi tshikile, u lo ya u tlhelela endzhaku, hikokwalaho ndzi tshambulutile voko ra mina, ndzi ku ba ndzi ku herisa. A ndzi karhele ku ku rivalela.

Yeremiya 15:6 Referans Kwoze

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Sofoniya 1:4

“Kutani ndzi ta tshambuluta voko ra mina ehenhla ka Yuda ni le henhla ka vaaki hinkwavo va Yerusalema, ndzi susa exivandleni lexo nsalo hinkwawo wa Baali, ni vito ra vadyondzisi va swifaniso kun'we ni vaprista;

Zakariya 7:11

Kambe va arile ku yingisa, va nonon'hwisa makatla ya vona, va pfala tindleve ta vona, leswaku va nga twi.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Esaya 1:4

Yo! Khombo ra tiko ra vadyohi ra rixaka leri teleke ku homboloka ra vanhu lavo biha, ra vana lavo hunguka. Va fularhele Yehovha, va sandzile Mukwetsimi wa Israele va tlhelele endzhaku.

Hosiya 13:14

Ndzi ta va kutsula exivandleni xa vafi ndzi va lamulela eku feni. Wena, rifu, ndzhombo wa wena wu kwihi? Wena, sirha, ku hlula ka wena ku kwihi? A ndzi voni hilaha ndzi nga hundzukaka hakona!

Ezekiele 25:7

vona, hikwalaho ndzi ta ku tshalambutela voko ra mina, ndzi ku nyiketa ku onhiwa hi vamatiko, ndzi ku tsema exikarhi ka vanhu, ndzi ku lovisa ematikweni hinkwawo, ndzi ku herisa, u ta swi tiva leswaku hi mina Yehovha.

Yeremiya 6:19

Wena misava, yingisa! Langutani, ndzi ta tisela tiko leri khombo, yi nga mihandzu ya miehleketo ya vona, hikuva a va yingisanga marito ya mina, kutani va sandzile nawu wa mina.

Yeremiya 6:11

Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

Yeremiya 2:17

“A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Yeremiya 1:16

Kutani ndzi ta vula ku avanyisa ka mina ehenhla ka ku homboloka hinkwako ka vona, hikuva va ndzi tshikile va ri karhi va hisela swikwembu swin'wana magandzelo, kambe va khinsamela mitirho ya mavoko ya vona.

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Ezekiele 14:9

“Loko muprofeta a kanganyisiwa, a hlamula rito rin'wana, u ta va a kanganyisiwile hi mina Yehovha, ndzi ta tshambuluta voko ra mina ehenhla ka yena, ndzi n'wi lovisa exikarhi ka tiko ra mina ra Israele.

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Esaya 28:13

Hikwalaho rito ra Yehovha ri ta va eka vona nawu ehenhla ka nawu, ni nawu ehenhla ka nawu, ku lerisa ehenhla ka ku lerisa, ni ku lerisa ehenhla ka ku lerisa, mhaka yin'wana sweswi ni mhaka yin'wanyana endzhaku leswaku loko va famba, va wa hi le ndzhaku va tshoveka, va phasiwa, va khomiwa!

Esaya 31:3

Muegipta i munhu, a hi Xikwembu; tihanci ta yena i nyama, a hi moya. Kutakuloko Yehovha a tshambuluta voko ra yena, mupfuni u ta khunguvanyeka ni loyi a n'wi pfunaka, va ta hela swin'we hinkwavo.

Yeremiya 6:12

Tindlu ta vona ti ta fumiwa hi van'wana, na wona masimu ni vasati va vona, hikuva ndzi ta tshambuluta voko ra mina eka vaaki va tiko,” ku vula Yehovha.

Yeremiya 7:16

“Loko u ri wena, u nga tshuki u khongelela tiko leri, kambe u nga tshuki u tlakusa rito, ni loko yi ri mikhongelo hikwalaho ka vona, kambe u nga tshuki u ndzi sindzisa hikuva ndzi nga ka ndzi nga ku yingisi.

Yeremiya 8:9

Lavo tlhariha va ta khomiwa hi tingana, va ta rhurhumela, kutani va ta khomiwa va sandzile rito ra Yehovha, va ni vutlhari byihi-ke?

Ezekiele 35:3

u ku eka yona: Hosi Yehovha u ri: Vona, ndzi le ka wena, ntshava ya Seyira, ndzi ta ku tshalambutela voko ra mina, ndzi ku endla rhumbi ni ku onhaka.

Yeremiya 13:14

Kambe ndzi ta va faya un'wana ni un'wana ni warikwavo, vatatana swin'we ni vana,’ ku vula Yehovha. ‘Ndzi nga ka ndzi nga vi na musa, ni loko ku ri ku tsetselela, hambi ku ri ku va twela vusiwana, leswaku ndzi nga va lovisi.’ ”

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.