Biblia Todo Logo
Bib sou entènèt

- Piblisite -




Yeremiya 15:19 - Xitsonga (Bibele)

19 Hikwalaho Yehovha u vula, a ku: “Loko u tlhelela eka mina, hilaha ndzi nga ta ku vuyisa, u ta yima emahlweni ka mina; kambe loko u hlawula leswi lulameke eka leswo biha, u ta fana ni nomu wa mina. Va ta tlhelela eka wena, kambe wena, u nga tshuki u tlhelela eka vona.

Gade chapit la Kopi

BIBELE Mahungu Lamanene

19 HOSI Xikwembu xi ndzi hlamula xi ku: “Loko u vuyela eka mina, ndzi ta tlhela ndzi ku amukela, kutani u ta ya emahlweni u ndzi tirhela. Loko u vulavula leswi twalaka, u tshika ku jamuka, wa ha ta va nomo wa mina. Vanhu va ta vuyela eka wena, a hi wena u nga ta ya eka vona.

Gade chapit la Kopi




Yeremiya 15:19
34 Referans Kwoze  

“Yehovha wa tinyimpi u ri: Loko u famba etindleleni ta mina, u hlayisa leswi ndzi ku tshembiseke swona, na wena u ta va ni ku lawula endlwini ya mina, u langutela timbala ta mina, ndzi va ndzi ku nyika mfanelo yo famba exikarhi ka lava yimeke ekusuhi na mina.


hikuva mina ndzi ta mi nyika nomu ni vutlhari lebyi, lava tivekaka valala va n'wina, va nga ta tsandzeka ku byi hlamula ni ku byi kaneta.


leswaku mi ta tiva ku hlawula lexi kwetsimaka eka lexi nga kwetsimangiki, ni lexi nyameke eka lexi tengeke;


Va ta dyondzisa tiko ra mina ku avanyisa swo kwetsima ni leswi nga kwetsimiki, va va tsundzuxa ku hlawula leswi nga tengangiki ni leswi tengeke.


Vaprista va rona va tlula nawu wa mina, va nyamisa swa mina leswi kwetsimaka, a va avanyisi exikarhi ka leswo kwetsima ni leswi nga riki swo kwetsima, a va kombi swangi ku hambana ku kona exikarhi ka leswi nga tengangiki ni leswi tengeke; va siva mahlo ya vona leswaku va nga voni Tisavata ta mina, kutani ndzi nyamisiwa exikarhi ka vona.


Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;


Hikuva ndzi ri, xana ndzi lava ku khensiwa hi vanhu kumbe hi Xikwembu xana? Kumbexana ndzi rhandza ku tsakisa vanhu-ke? Kasi loko a ndza ha rhandza ku tsakisa vanhu, ingi ndzi nga ri nandza wa Kriste.


kambe swakudya leswi tiyeke i swa vakulukumba, va nga lava tivaka ku avanyisa leswo saseka ni leswo biha, hikuva va swi toloverile.


hikuva a ndzi tshikanga ku mi byela makungu hinkwawo ya Xikwembu.


La mi yingisaka, wa ndzi yingisa; la mi tshikaka, wa ndzi tshika: kutani la ndzi tshikaka, u tshika la ndzi rhumeke.”


Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.


Famba sweswi, ndzi ta va ni nomu wa wena, ndzi ku dyondzisa leswi u nga ta swi vulavula.”


U ta va byela marito ya mina, hambi va yingisa, hambi va nga yingisi hikuva va tiarisile.


hikuva Moya lowo Kwetsima wu ta mi dyondzisa enkarhini wolowo, leswi mi fanelaka ku swi vula.”


Ntsumi yi n'wi hlamula, yi ku: “Hi mina Gabriele la yimaka emahlweni ka Xikwembu; ndzi rhumiwile ku ta vulavula na wena ni ku ku byela timhaka toleto letinene.


Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.


kambe a hi pfumelanga ku tiveka ehansi ka vona ni siku ni rin'we, ntiyiso wa Evhangeli wu ta tshamisa eka n'wina wu tiyile.


Hitekani-ke, mi khongela hi mikarhi hinkwayo, leswaku mi ta tiva ku pona eka swilo hinkwaswo leswi nga ta humelela ni ku yima emahlweni ka N'wana wa Munhu.”


Xana u tsundzukile munhu la gingiritekaka emitirhweni ya yena-ke? U ta yima emahlweni ka tihosi, A nga ka a nga yimi emahlweni ka vanhu ntsena.


Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”


Hikwalaho, sweswi a hi nga ha tivi munhu hi ku tiva ka nyama, swi tsandza na yena Kriste, loko ngi hi n'wi tivile hi nyama, sweswi a ha ha n'wi tivi hi mukhuva wolowo.


“Suka u ya Ninivha, muti lowukulu, u ya wu huwelela leswi ndzi nga ta ku byela swona.”


“Israele, loko u nga hundzuka, loko u tlhelela eka mina, ku vula Yehovha, kutani u susa manyala ya wena emahlweni ka mina, u nga ka u nga ha tsendzeleki.


Muhlanga wa hisa, loti yi herisiwe hi ndzilo; munyukisi u nyukisa mahala, hikuva lavo biha a va hambani.


hikwalaho, ku vula Yehovha, Xikwembu xa Israele, ku nga ka ku nga pfumaleki ntukulu wa Yonadabu, n'wana Rekaba, la yimaka emahlweni ka mina, ni siku ni rin'we.”


Vanhu va yena hinkwavo va hefumuteka, va lava vuswa; Va nyikile swilo swa vona leswi pfumariwaka ku lava swakudya Leswi nga pfuxaka vutomi bya vona. “Languta, Yehovha, u vona ku sandziwa ka mina.


leswaku ku ta kombisiwa loko xilo xi nga tenganga, ni loko xi tengile. Hi wona nawu hikwalaho ka nhlokonho.


Ku va laha Yehovha a tshambulutaka voko ra yena, kutani a khumba nomu wa mina, a ku eka mina: “Vona, ndzi veka marito ya mina enon'wini wa wena.


Swiv nou:

Piblisite


Piblisite