Yeremiya 15:15 - Xitsonga (Bibele)

¹⁵ Kambe wena Yehovha, u tiva hinkwaswo, u ri karhi u ndzi anakanya, u ndzi hitekela, kambe u ndzi rihisela eka lava ndzi xanisaka. Eku yingiseleni lokukulu ka wena, u nga tshuki u ndzi susa, wanga anakanya leswaku ndzi sandziwa hikwalaho ka wena.

BIBELE Mahungu Lamanene

¹⁵ We HOSI, u tiva hinkwaswo. Ndzi anakanye u tikomba eka mina, u rihiseta lava va ndzi xanisaka; u nga ndzi dlayisi hi ku va lehisela mbilu. Wa swi tiva: Vanhu lava va ndzi monya hi mhaka ya wena.

Yeremiya 15:15 Referans Kwoze

Yeremiya 12:3

Kambe wena Yehovha, wa ndzi tiva, wa ndzi vona, kutani u ringa mbilu ya mina leswaku yi ri yini eka wena! Wa nga va koka tanihi tinyimpfu eku tlhaviweni kutani, u va hlawulela siku ra ku dlawa!

Luka 21:17

Mi ta vengiwa hi vanhu hinkwavo hikwalaho ka vito ra mina.

Yeremiya 20:12

Yehovha wa tinyimpi u ringa la lulameke, u languta swisuti ni timbilu; ndzi ta vona ku tirihisela ka wena eka vona, hikuva ndzi ku tivisile timhaka ta mina.

Yeremiya 17:16

Kutani mina a ndzi alangi ku va murisi la ku landzaka hi le ndzhaku; kambe a ndzi navelanga siku ra khombo; wena wa swi tiva; leswi humeke enon'wini wa mina swi le mahlweni ka wena.

Nehemiya 13:22

Kambe ndzi byela Valevhi leswaku va tibasisa, va ta langutela tinyangwa leswaku siku ra Savata ri ta hlawuriwa. Oho! Xikwembu xa mina! Ndzi anakanye ni le mhakeni leyi, u ndzi tsetselela hi vukulu bya tintswalo ta wena!

Matewu 10:22

Kutani hinkwavo va ta mi venga hikwalaho ka vito ra mina; kambe la tiyiselaka ku fika siku ra makumu, hi yena la nga ta hlayiseka.

Yeremiya 20:8

Hikuva hi masiku loko ndzi vulavula, ndzi tlakusa rito, ndzi huwelela eka vanhu ku nonon'hwa ni ku onha; hikwalaho rito ra Yehovha ri ndzi hundzukele ku holoveriwa ni xisandzu siku rin'wana ni rin'wana.

Pisalema 119:84

Xana masiku ya nandza wa wena i mangani-ke? U ta ndzi lunghisela rini eka vaxanisi va mina?

Pisalema 106:4

Yehovha, ndzi tsundzuke, hikwalaho ka rirhandzu ra wena eka tiko ra wena! U ndzi tela hi ku hlayiseka ka wena,

Nehemiya 5:19

Oho Xikwembu xa mina! Anakanya hinkwaswo leswi ndzi swi endleleke tiko leri, u ndzi endla hi vunene hikwalaho ka swona!

Nhlavutelo 18:20

Tsakisisani hikwalaho ka wona, wena tilo, na n'wina vakwetsimi, ni vaapostola, ni vaprofeta, hikuva Xikwembu xi wu avanyisile hikwalaho ka n'wina.”

Nhlavutelo 6:10

A va huwelela hi rito lerikulu, va ku: “Hosi yo kwetsima ya ntiyiso, u ta hlwela ku ri kungani ku avanyisa ni ku rihisa ngati ya hina eka lava akeke emisaveni xana?”

2 Timotiya 4:14

Aleksandro, mufuri wa nsuku, u ndzi pfuxele makhombo layo tala; Hosi yi ta n'wi tlherisela leswi faneleke mitirho ya yena!

2 Vakorinto 5:11

Sweswi, hikwalaho ka ku tiva ku chavisa ka Hosi, hi khongotela vanhu ku pfumela; kutani hi tiviwa hi Xikwembu, kambe ndza tshemba leswaku ha tiviwa ni le timpfalweni ta n'wina.

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwe leswaku: “Ku rihisa, i ka mina; hi mina loyi ndzi nga ta rihisa; ku vula Hosi.”

Matewu 19:29

Kutani un'wana ni un'wana la tshikeke vamakwavo, va xinuna kumbe va xisati, hambi a ri tata wa yena, kumbe mana wa yena, kumbe vana, ni loko ma ri masimu, kumbe tindlu, hikwalaho ka vito ra mina, u ta nyikiwa ka dzana, a dya ndzhaka ya vutomi lebyi nga heriki.

Yeremiya 15:10

Ndzi ni khombo mina, wee manana, hikuva u ndzi velekile, ndzi ri munhu wa timholovo ni wa mitengo eka tiko leri hinkwaro! A ndzi si lomba nchumu, kambe a ndzi si lombiwa; hambiswiritano, va ndzi rhukana hinkwavo!

Esaya 38:3

“Oho Yehovha! U nga anakanya leswaku ndzi hanyile emahlweni ka wena hi ku lulama, ni mbilu leyi tengeke, ndzi endlile leswinene emahlweni ka wena.” Kutani Hezekiya a rila ngopfu.

Pisalema 102:24

Ndzi te: “Oho Xikwembu xanga! U nga ndzi susi, ndza ha ri exikarhi ka masiku ya mina; Malembe ya wena ma tshama ma ri kona etinxakeni ta tinxaka.”

Pisalema 39:13

Wa nga ndzi fularhela leswaku ndzi tlhela ndzi kuma ku tsaka, Ndzi nga si tifambela, kutani ndzi nga ha vi kona.”

Pisalema 17:3

U kambile mbilu ya mina, u yi lavisise nivusiku; U ndzi ringile, kambe a ku kumanga nchumu: Ku anakanya ka mina a ku tluli rito ra mina.

Ntirho 10:7

Kasi wa swi tiva leswaku a ndzi na nandzu, Ni leswaku a ku na munhu la nga ndzi lamulelaka evokweni ra wena.

Nehemiya 13:31

ndzi lunghisa ni timhaka ta nhlengo wa tihunyi hi mikarhi leyi vekiweke, ni ya swirhangana. Oho! Xikwembu xa mina, u ndzi anakanya, u ndzi endlela leswinene!

Nehemiya 6:14

Oho Xikwembu xa mina! Anakanya Tobiya na Sanibalati, ni ku endla ka vona! Na yena Nowadiya, muprofeta wa wansati, ni vaprofeta van'wana lava laveke ku ndzi chavisa!

Varhoma 8:35

I mani la nga hi hambanyisaka ni rirhandzu ra Kriste xana? Xana i ku karhateka, kumbe maxangu, kumbe ku xaniseka, kumbe ndlala, kumbe vusweti, kumbe mhangu, kumbe fumu?

Vaavanyisi 16:28

Kavaloko Samsoni a huwelela eka Yehovha, a ku: “Oho Hosi Yehovha, ndzi anakanye! Oho Xikwembu ndzi nyike matimba namuntlha ntsena, ndzi tirihisela kan'we mahlo ya mina mambirhi eka Vafilista.”

Pisalema 44:22

Kambe hi dlayiwa hi masiku hinkwawo hikwalaho ka wena, Hi ringanisiwa ni tinyimpfu leti yisiwaka eku tlhaviweni.

Yeremiya 15:20

Kambe wena ndzi ta ku endla etikweni leri leswaku u va rirhangu ra koporo lero tiya. Va ta ku pfuka, kambe va nga ka va nga ku hluri, hikuva ndzi ta va na wena ku ku ponisa ni ku ku sirheleta,” ku vula Yehovha.

Yeremiya 20:11

Kambe Yehovha u le ka mina kukotisa nhenha leya matimba; hikwalaho, lava ndzi xanisaka va ta khunguvanyeka, kutani va nga ka va nga hluri nchumu; va ta khomisiwa tingana ngopfu hikuva a va tlharihanga; ti ta va tingana leti nga heriki, leti nga riki na ku rivariwa.

Yeremiya 18:23

Kambe, wena Yehovha, u tiva leswaku makungu hinkwawo ya vona ehenhla ka mina ku ndzi dlaya; u nga tshuki u funengeta nandzu wa vona, kutani u nga susi xidyoho xa vona emahlweni ka wena; a va susumetiwe emahlweni ka wena! Hi siku ra vukari bya wena u endlisa sweswo na vona.

Swirilo 3:64

“Yehovha, u ta hakela hi hakelo leyi ringanaka Mitirho ya mavoko ya vona,

Swirilo 3:66

U va hlongorisa hi vukari bya wena, Kutani u va herisa ehansi ka matilo, oho Yehovha!”