Yeremiya 14:7 - Xitsonga (Bibele)

⁷ “Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

BIBELE Mahungu Lamanene

⁷ Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.

Yeremiya 14:7 Referans Kwoze

Hosiya 5:5

Ku tikurisa ka Israele ku endle vumbhoni bya xivi xa yena emahlweni ka yena; Israele na Efrayimi va ta khunguvanyeka hi ku homboloka ka vona; ku ta khunguvanyeka na Yuda swin'we na vona.

Pisalema 25:11

Hikwalaho ka vito ra wena, Yehovha, U ndzi khomele ku homboloka ka mina, hikuva kukulu.

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Esaya 59:12

Hikuva milandzu ya hina yi tele emahlweni ya wena, kutani swidyoho swa hina swa hi hehla; hikuva milandzu ya hina yi le mahlweni ka hina, kambe ha tiva swidyoho swa hina.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Vaefesa 1:12

leswaku hi ta hanya eku dzuniseni ka ku kwetsima ka yena hina lava tshembeke Kriste eku sunguleni;

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Hosiya 7:10

Ku tikukumuxa ka Israele i vumbhoni bya xidyoho xa yena emahlweni ka yena kambe, hambiswiritano, a va tlhelelanga eka Yehovha, Xikwembu xa vona; ni ku n'wi lava, a va n'wi lavanga.

Ezekiele 20:22

Kambe ndzi tlherisile voko ra mina, ndzi endla hikwalaho ka vito ra mina, leswaku ri nga nyamisiwi emahlweni ka matiko lawa ingi ndzi va humese emahlweni ka wona.

Ezekiele 20:14

Kambe ndzi tirhe hikwalaho ka vito ra mina, leswaku ri nga nyamisiwi emahlweni ka matiko walawo ndzi nga va humesa emahlweni ka wona.

Ezekiele 20:9

Kambe ndzi tirhe hikwalaho ka vito ra mina, leswaku ri nga nyamisiwi emahlweni ka matiko lawa i ingi va ri eka wona, lawa ingi ndzi titivisile emahlweni ka wona, hi ku va humesa etikweni ra Egipta.

Yeremiya 3:6

Emikarhini ya Hosi Yosiya, Yehovha a ku eka mina: “Xana u vonile lexi Israele muhundzuki a xi endleke? U fambile etintshaveni hinkwato leti tlakukeke, ni le hansi ka mirhi hinkwayo leyi nga ni matluka, a ri karhi a oswana kona.

Pisalema 115:1

Oho Yehovha! Ku kwetsima ku nga vi ka hina, Ku nga vi ka hina, kambe a ku ve ka vito ra wena. Hikwalaho ka tintswalo ta wena ni vunene bya wena!

Ezra 9:15

Oho Yehovha, Xikwembu xa Israele, u lulamile; hina, hi lo sala hi ri lava poneke kukotisa leswi voniwaka namuntlha. Hi hina kwala, hi yimeke emahlweni ka wena hi ri ni nandzu; hikuva hi nga ka hi nga hanyi emahlweni ka wena hikwalaho ka swona.”

Yoxuwa 7:9

Vakanana, ni vaaki hinkwavo va tiko va ta swi twa, va ta hi rhendzela, va ta susa vito ra hina emisaveni; kutani u ta endla yini hi vito ra wena lerikulu xana?”

Duteronoma 32:27

Kambe ndza chava ku pfuka ka nala, Ni leswaku valala va vona va ta tikanganyisa, Va ku: “Mavoko ya hina ma tlakusiwile,” Kambe a hi Yehovha la swi endleke hinkwaswo.’

Yeremiya 8:14

Hi tshamisela yini kwala? Hlengeletanani, hi ta nghena emitini ya makhokholo, hi fa kona, hikuva Yehovha, Xikwembu xa hina, u ta hi lovisa, u hi nwisile mati lama bavaka, hikuva hi dyohele Yehovha.

Pisalema 79:9

Oho Xikwembu xa ku hlayiseka ka hina, u hi pfuna, Hikwalaho ka ku kwetsima ka vito ra wena, U hi hlayisa, u hi rivalela vudyoho bya hina, Hikwalaho ka vito ra wena!

Esaya 48:11

Hikwalaho ka mina, ka mina ntsena, ndzi ta swi endla; hikuva xana ndzi ta pfumela ha yini-ke leswaku vito ra mina ri ta sandziwa? A ndzi swi koti ku nyika un'wana ku vonakala ka mina.

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Amosi 7:2

Kuteloko ti hetile ku dya byanyi hinkwabyo bya tiko, ndzi te: “Oho, Hosi, wanga rivalela! Xana Yakobo u ta yimisa ku yini, kasi u ntsongo?”

Yeremiya 5:25

Swidyoho swa n'wina swi hambukisile swilo leswo hinkwaswo; mi tsoniwa ku kateka kuloku hikwalaho ka swidyoho swa n'wina.

Yeremiya 10:19

Yo! Yowee! Ndzi tshovekile! Mbanga ya mina ya pandza! Kambe ndzi ri: “Hakunene, hi rona khombo ra mina, swi ndzi fanele ku swi yingisela.”

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.