Yeremiya 14:3 - Xitsonga (Bibele)

³ Vakulukumba exikarhi ka vona va rhuma lavatsongo ematini, kutani va ya emakheleni, kambe a va kumi mati, va tlhela, timbita ti nga ri na nchumu, va khomisiwa tingana, kutani va kanakana, va tifunengeta tinhloko.

BIBELE Mahungu Lamanene

³ Varhangeri va rhuma vatirhi ematini, vona va ya kuma leswaku swihlovo swi phyile; hiloko va tlhela ni swibya leswi nga riki na nchumu, va nyuma va tifihla swikandza, va hela matimba,

Yeremiya 14:3 Referans Kwoze

2 SAMIELE 15:30

Kutani Davhida a a tlhandluka ntshava ya mitlhwari, a ri karhi a rila; nhloko ya yena yi funengetiwile, a famba a nga ri na tintanghu emilengeni; kutani vanhu hinkwavo va tiko lava ngi va ri na yena a va tifunengeta tinhloko va rila loko va ri karhi va tlhandluka.

Pisalema 40:14

A va kanakane, a va khomiwe hinkwavo hi tingana Lava lavaka vutomi bya mina ku byi susa; A va tlhelele endzhaku, a va khomiwe hi tingana, Lava tsakelaka ku onhaka ka mina!

2 TIHOSI 18:31

Mi nga yingisi Hezekiya hikuva hosi ya Asiriya yi vurisa sweswo yi ri: ‘Lavani ku rhula na mina, mi tinyiketa eka mina, kutani un'wana ni un'wana u ta dya mihandzu ya vhinya ya yena ni ya nkuwa wa yena, u ta nwa mati ya xihlovo xa yena,

Amosi 4:8

va miti mimbirhi, kumbe minharhu va ya emutini wun'wana ku ya nwa mati kambe va nga kolwi; kambe, ni loko swi ri tano, a mi tlhelelanga eka mina,” ku vula Yehovha.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Yuwele 1:20

Swi tsandza ni swiharhi swi huwelela eka wena, hikuva mati ya milambu, ma phyile, ni madyelo ya mananga ma tshwile.

Yeremiya 20:11

Kambe Yehovha u le ka mina kukotisa nhenha leya matimba; hikwalaho, lava ndzi xanisaka va ta khunguvanyeka, kutani va nga ka va nga hluri nchumu; va ta khomisiwa tingana ngopfu hikuva a va tlharihanga; ti ta va tingana leti nga heriki, leti nga riki na ku rivariwa.

Yeremiya 14:4

Varimi va khomisiwa tingana va tifunengetile tinhloko hikuva tiko ri ahlamele, hikuva mpfula a yi nga ni emisaveni.

Pisalema 109:29

Vakaneti va mina va ta funengetiwa hi tingana, Kutani ku tsohoka ka vona ku ta va funengeta kukotisa nguvu.

Ntirho 6:20

Kutani va tela hi tingana hikwalaho ka ku tshemba ka vona; Loko va fikile kona va va ni gome.

Estere 6:12

Kutani Mordekayi a vuya a tlhelela enyangweni ya hosi, Hamani, yena, a hatlisa a tiyela ekaya, a ri ku vavisekeni, a tifunengete nhloko.

1 TIHOSI 17:7

Loko ku hundze masiku, xinambyana xi phya, hikuva mpfula a yi nga nanga emisaveni.

2 SAMIELE 19:4

Hosi a yi tifunengetile mombo wa yona, yi tlakusa rito, yi rila, yi ku: “N'wananga Abixalomu! Abixalomu, n'wananga, n'wananga!”

Yeremiya 2:37

Na swona u ta huma kona, u rhwele mavoko ya wena enhlokweni, hikuva Yehovha u sandza lava u va tshembeke, kambe u nga ka u nga kumi ku tsaka eka vona.”

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Yeremiya 15:18

Kambe ku vaviseka ka mina ku kona hilaha ku nga heriki, ni mbanga ya mina a yi ongoriwi ha yini xana? Yi alela yini ku hola? Xana eka mina u ta va xihlovo lexi kanganyisaka, kumbe mati lama phyeke xana?

Swirilo 4:4

Ririmi ra risana ri namarhele enon'wini wa rona, Hi ku omisiwa hi torha; Lavatsongo va kombela vuswa, Kambe ku hava loyi a va phamelaka.

Hosiya 2:3

Loko swi nga ri tano, ndzi ta n'wi tlomulela, a famba ntsena, ndzi n'wi endla tanihi siku leri a nga velekiwa ha rona, ndzi n'wi vita a va tanihi mananga, ndzi n'wi veka tanihi tiko leri omeke, ndzi n'wi dlaya hi torha.

Zakariya 14:17

Loko va ri: va tinxaka hinkwato ta misava leti nga taka ti nga tlhandlukeli eYerusalema ku ya khinsamela Hosi, Yehovha wa tinyimpi, a va nga niseriwi mpfula.

Amosi 4:7

“Kambe, a ndzi mi tsonile mpfula, ka ha sele tin'hweti tinharhu mi nga si tshovela; ndzi nisela muti wun'wana, wun'wana ndzi nga wu niseri; nsimu yin'wana yi niseriwa, nsimu leyi nga niseriwangiki yi oma;