Yeremiya 14:14 - Xitsonga (Bibele)

¹⁴ Ku va laha Yehovha a nge eka mina: “Vaprofeta va va profetela vunwa hi vito ra mina a ndzi va rhumanga, kambe a ndzi va lerisanga, kutani a ndzi vulavulanga na vona; va mi profetele masingita ya mavunwa, ni vubvumbi, ni ku kanganyisa ka timbilu ta vona.

BIBELE Mahungu Lamanene

¹⁴ Hiloko HOSI Xikwembu xi ku ka mina: “Vaprofeta va hemba loko va ku, va vulavula hi vito ra mina. A hi mina ndzi va rhumeke, a ndzi va lerisanga nchumu, hambi ku vulavula na vona a ndzi vulavulanga na vona. Swivono leswi va mi byelaka swona i mavunwa ntsena, i milorho leyi nga pfuniki nchumu; loko va vulavula na n'wina, va anakanya ntsena ku mi kanganyisa.

Yeremiya 14:14 Referans Kwoze

Ezekiele 12:24

Hikuva a ku nga ha vi na vuprofeta bya hava, ni ku bvumbha loku kanganyisaka endlwini ya Israele.

Yeremiya 29:31

“Ku vula Yehovha hikwalaho ka Xemaya wa Nehelami, a ku: ‘Leswi Xemaya a mi profeteke kasi a ndzi n'wi rhumanga, kutani a mi tshembise mavunwa;

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Ezekiele 21:29

“Loko swi ri tano, Hosi Yehovha u ri: Leswi ma ha tsundzukaka vuhomboloki bya n'wina, hilaha swidyoho swa n'wina swi vonakarisiwaka, leswaku swidyoho swa n'wina swi vonaka eswiendlweni swa n'wina hinkwaswo hikuva ma ha swi tsundzuka, mi ta khomiwa hi voko ra yena.

1 Timotiya 4:2

hi ku ya hi ku kanganyisa ka vafundhisi lavo hemba, lava mapfalo ya vona ma feke, lava nga ta sivela vanhu ku tekana;

Zakariya 13:3

Loko ku nga va ni un'wana loyi a ha profetaka, tata wa yena ni mana wa yena lava nga n'wi veleka va ta ku eka yena: ‘U nga ka u nga hanyi, hikuva u vurile vunwa hi vito ra Yehovha!’ Tata wa yena ni mana wa yena lava nga n'wi veleka va ta n'wi tlhava hikwalaho ka ku profeta ka yena.

Zakariya 10:2

Hikuva titerafi ti vula swahava. Vangoma va bvumbhile swa mavunwa, i milorho yo xisa leyi va nga yi lorha, va chavelela hi swahava. Hikwalaho, tiko ri sukile kukotisa ntlhambi, va xaniseka hi ku pfumala murisi.

Ezekiele 13:23

hikwalaho mi nga ka mi nga ha lorhi milorho ya mavunwa; mi nga ka mi nga ha vi na mahlori ya hava; ndzi ta ponisa tiko ra mina emavokweni ya n'wina, mi ta tiva leswaku hi mina Yehovha.”

Yeremiya 37:19

Va kwihi vaprofeta va n'wina lava mi profetelaka, va ku: ‘Hosi ya Babilona yi nga ka yi nga mi hlaseri, n'wina ni tiko leri?’

Yeremiya 29:21

“ ‘Yehovha wa mavandla, Xikwembu xa Israele, u vula hikwalaho ka Akabu, n'wana Kolaya, ni ka Sedekiyasi n'wana Maaseya, lava mi profetelaka mavunwa hi vito ra mina, a ku: Vonani ndzi ta va nyiketa emavokweni ya Nebukadnetsara, hosi ya Babilona, a ta va dlaya emahlweni ka n'wina.

Yeremiya 28:15

Kutani muprofeta Yeremiya a byela Hananiya muprofeta, a ku: “Yingisa-ke, Hananiya! Yehovha a nga ku rhumanga, kambe u tshembisile tiko leri mavunwa.

Yeremiya 28:13

“Famba, u byela Hananiya, u ku: ‘U tshovile joko ra ntsandze, kambe u endlile joko ra nsimbhi ematshan'weni ya rona.

Esaya 9:15

Nkulukumba ni ndhuna i nhloko kutani muprofeta la dyondzisaka mavunwa, i ncila.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Duteronoma 18:20

Kambe muprofeta la nga ta tikurisa hi ku vula hi vito ra mina rito leri ndzi nga n'wi lerisangiki ku ri vula, kumbe loko a vulavula hi mavito ya swikwembu swin'wana, muprofeta loyi u ta fa.’

Esaya 56:10

Varisi va vona, va file mahlo hinkwavo, a va na mano; hinkwavo i timbyana ta timbheveve, leti tsandzekaka ku vukula, lava nga ni mihahamu eku etleleni ka vona, lava rhandzaka ku khudzehela.

Yeremiya 8:11

Kutani va ongola hi ku olova mbanga ya n'wana wa tiko ra mina, loko va ku: ‘Ku rhurile, ku rhurile!’ Kasi a ku na ku rhula.

Yeremiya 20:6

Loko u ri wena Paxahuru, ni lava akeke endlwini ya wena hinkwavo, mi ta ya evukhumbini; u ta ya Babilona, u ya fela kona, u yimberiwa kona, ni maxaka ya wena hinkwawo lawa u nga karhi u ma profetelaka vunwa.’ ”

Yeremiya 28:11

Kutani Hananiya a vulavula emahlweni ka tiko hinkwaro, a ku: “Ku vula Yehovha, ndzi ta tshova sweswo joko ra Nebukadnetsara, hosi ya Babilona, enhan'wini ya tiko hinkwaro, malembe mambirhi loko ma herile,” kutani muprofeta Yeremiya a famba hi ndlela ya yena.

Swirilo 2:9

Tinyangwa ta yena ti mbombomele ehansi; U onhile, kutani u tshovile swipfalo ta tona; Hosi ya yena ni vafumi va yena va le matikweni; nawu a wa ha ri kona; Na vona vaprofeta va yena a va kumi ku bvumbha ka Yehovha.

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

Ezekiele 13:2

“N'wana wa munhu, profeta ehenhla ka vaprofeta va Israele lava profetaka, u ku eka lava profetaka hi ku rhandza ka timbilu ta vona: ‘Yingisani rito ra Yehovha.’