Yeremiya 14:13 - Xitsonga (Bibele)

¹³ Ku va laha ndzi nge: “Yo! Hosi Yehovha vona, vaprofeta va vona va va byela, va ku: ‘Mi nga ka mi nga voni fumu, hambi yi ri ndlala yi nga ka yi nga vi kona eka n'wina; hikuva ndzi ta mi nyika ku rhula loku tiyeka endhawini leyi.’ ”

BIBELE Mahungu Lamanene

¹³ Kutani ndzi hlamula Xikwembu ndzi ku: “We HOSI N'wini wa hina, wa swi tiva: Vaprofeta va byela Vaisraele va ku: ‘A mi nga voni tinyimpi kumbe ku dlawa hi tindlala, hikuva Xikwembu xi tshembisile ku mi nyika ku rhula loku tiyeke endhawini leyi!’ ”

Yeremiya 14:13 Referans Kwoze

Yeremiya 6:14

Kutani va ongola hi ku vevuka mbanga ya n'wana wa tiko ra mina. Va ku: ‘Ku rhurile, ku rhurile!’ Kasi a ku na ku rhula.

2 Petro 2:1

Na vona vafundhisi va mavunwa a va ri kona etikweni, kukotisa leswi vafundhisi va mavunwa va nga ta va kona exikarhi ka n'wina va nghenisa hitlhelo tidyondzo leti onhaka, kutani hi ku landzula Hosi leyi va kutsuleke, va ta tikokela ehenhla ka vona, ku lota loku nga hlweriki.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Yeremiya 23:17

Va tshama va vula eka lava ndzi sandzaka, va ku: Rito ra Yehovha ri ri: ‘Ku tsaka ku ta va kona eka n'wina,’ ni ka hinkwavo lava fambaka hi ku nonon'hwa ka timbilu ta vona, va ku: ‘Mi nga ka mi nga humeleli hi swo biha.’ ”

Yeremiya 4:10

Ku va laha ndzi nge: “Yo i Hosi Yehovha, kunene u kanganyisile tiko leri na Yerusalema, loko u te: ‘Mi ta va ni ku rhula!’ Kutani fumu ra va tlhava ku ya fika emoyeni!”

Yeremiya 8:11

Kutani va ongola hi ku olova mbanga ya n'wana wa tiko ra mina, loko va ku: ‘Ku rhurile, ku rhurile!’ Kasi a ku na ku rhula.

Ezekiele 13:22

Leswi mi hlunamisaka moya wa lowo lulama hi mavunwa ya n'wina, kasi mina a ndzi n'wi hlunamisanga; ma tiyisa mandla ya lowo biha leswaku a nga hundzuki emikhuveni ya yena leyo biha ku kuma vutomi;

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Yeremiya 5:12

Va landzule Yehovha, va ku: “A nga kona; khombo ri nga ka ri nga hi humeleri, kambe hi nga ka hi nga voni fumu, hambi yi ri ndlala.

Yeremiya 1:6

Ku va laha ndzi nge: “Oho! Hosi Yehovha! Vona, a ndzi tivi ku vulavula, hikuva ndza ha ri xihlangi.”

Esaya 56:10

Varisi va vona, va file mahlo hinkwavo, a va na mano; hinkwavo i timbyana ta timbheveve, leti tsandzekaka ku vukula, lava nga ni mihahamu eku etleleni ka vona, lava rhandzaka ku khudzehela.

Yeremiya 5:13

Loko va ri vaprofeta, i moya ntsena, kutani a ku na loyi a vulavuleke ha vona; a ku endlisiwe sweswo eka vona!”

Ezekiele 12:24

Hikuva a ku nga ha vi na vuprofeta bya hava, ni ku bvumbha loku kanganyisaka endlwini ya Israele.

Yeremiya 20:6

Loko u ri wena Paxahuru, ni lava akeke endlwini ya wena hinkwavo, mi ta ya evukhumbini; u ta ya Babilona, u ya fela kona, u yimberiwa kona, ni maxaka ya wena hinkwawo lawa u nga karhi u ma profetelaka vunwa.’ ”

Yeremiya 37:19

Va kwihi vaprofeta va n'wina lava mi profetelaka, va ku: ‘Hosi ya Babilona yi nga ka yi nga mi hlaseri, n'wina ni tiko leri?’