Yeremiya 14:10 - Xitsonga (Bibele)

¹⁰ Hi leti Yehovha a ti vulaka ehenhla ka tiko leri, a ku: “Va rhandza ku hambuka, a va tivi ku khoma milenge ya vona, kwalaho Yehovha a nga tsakisiwiki ha vona; kambe sweswi u ta anakanya ku homboloka ka vona, kutani u ta tshinya ku dyoha ka vona.”

BIBELE Mahungu Lamanene

¹⁰ HOSI Xikwembu xi vula sweswo ehenhla ka vanhu lava, xi ri: “Va tsakela ku ndzi fularhela; a va tshami ehansi. Hikokwalaho mina HOSI a ndza ha va amukeli; swidyoho swa vona a ndzi nga swi rivali, ndzi ta va bela swona.”

Yeremiya 14:10 Referans Kwoze

Hosiya 9:9

Va tionhile ni ku tionha, kukotisa siku ra Gibeya. Xikwembu xi ta tsundzuka makhombo ya vona, xi tshinya swidyoho swa vona.

Hosiya 8:13

Va ri va endla magandzelo, swi va switlhavelo swa mina; e-e, va tlhavela ku dya nyama ntsena; Yehovha a nga tsakisiwi hi vona. Sweswi, u ta tsundzuka ku homboloka ka vona, a avanyisa swidyoho swa vona; vona va ta tlhelela eEgipta.

Pisalema 119:101

Ndzi hambuxa nenge wa mina etindleleni hinkwato leto biha, Leswaku ndzi hlayisa rito ra wena.

Amosi 5:22

Hambi mi ndzi humesela leswi hisiwaka ni tinyiko ta n'wina, a ndzi swi tsakeri, ni loko ma ri magandzelo ya leswi noneke swa n'wina, a ndzi ma languti.

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”

Vaheveru 8:12

Hikuva ndzi ta va twela vusiwana eku hombolokeni ka vona, kutani ndzi nga ka ndzi nga ha tshami ndzi tsundzuka ku dyoha ka vona, ni milandzu ya vona.”

Yeremiya 31:34

A va nga ha dyondzisi un'wana ni un'wana nakulobye; a ku na munhu la nga ta dyondzisa warikwavo, a ku: ‘Tiva Yehovha!’ Hikuva va ta ndzi tiva hinkwavo, ku sungula hi lontsongo eka vona, ku yisa eka lonkulu, ku vula Yehovha; hikuva ndzi ta va tshikela ku homboloka ka vona, a ndzi nga ha anakanyi xidyoho xa vona.”

Hosiya 11:9

Ndzi nga ka ndzi nga endli hi ku pfurha ka vukari bya mina, ndzi nga ka ndzi nga tlheri ndzi lahla Efrayimi, hikuva mina ndzi Xikwembu, a ndzi munhu, hi mina la twalaka exikarhi ka wena; ndzi nga ka ndzi nga ti hi vukari.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Yeremiya 8:5

Tiko leri ra Yerusalema, ri hambuka hikwalaho ka yini hi ku hambuka loku nga heriki xana? Va titiyisa hi mano ya vona ha yini, kutani va alela yini ku hundzuka xana?

Yeremiya 2:36

U phikelela hikwalaho ka yini ku hambuka ndlela ya wena? U ta khomisiwa tingana hi Egipta, kukota loko wa ha khomisiwile tingana i Vaaxuru.

1 TIHOSI 17:18

Kavaloko wansati a ku eka Eliya: “Ndzi ni mhaka yihi na wena, wena, munhu wa Xikwembu-ke? Xana u tile eka mina ku ndzi tsundzuxa ku dyoha ka mina, ni ku dlaya n'wana wa mina-ke?”

1 SAMIELE 15:2

Yehovha wa mavandla a ku: ‘Ndzi tsundzukile leswi Amaleke a swi endleleke Israele, loko a ya lwa na yena endleleni loko a huma eEgipta.

Yeremiya 3:13

Ntsena u fanele ku tivula ku biha ka wena, hikuva u tshikile Yehovha, Xikwembu xa wena, kambe u ri karhi u tsutsumela matlhelo hinkwawo eka swikwembu swa vamatiko, ehansi ka mirhi hinkwayo leyi nga ni matluka, kutani a mi yingisanga rito ra mina, ku vula Yehovha.

Ezekiele 29:16

A va nga ha tshembiwi hi va yindlu ya Israele; va tsundzuxa ku biha ka yona ka siku ingi va hundzukele eka vona; kambe va ta swi tiva leswaku hi mina Hosi Yehovha.”

Hosiya 7:2

Kutani etimbilwini ta vona a va vuri leswaku ndzi tsundzuka mona wa vona. Sweswi, swiendlo swa vona swi va rhendzerile; swi le mahlweni ka mombo wa mina.

Hosiya 7:13

Va ni khombo vona, hikuva va ndzi fularhela! Ku lahleka vona, hikuva va ndzi hundzukerile! Ndzi te ndza va kutsula, kambe vona va vulavula mavunwa ehenhla ka mina.

Amosi 3:2

ndzi ri: “Ndzi tivile n'wina ntsena exikarhi ka tinxaka hinkwato ta misava, hikwalaho ndzi ta mi ba hikwalaho ka ku homboloka ka n'wina hinkwako.

Eksoda 32:34

Suka sweswi, u fambisa tiko laha ndzi ku leriseke kona. Vona, ntsumi ya mina yi ta ku rhangela emahlweni, kambe siku leri ndzi nga ta avanyisa, ndzi ta va bela ku dyoha ka vona.”

Pisalema 95:10

Ndzi phiriwa hi rixaka leri hi mune wa makume ya malembe, Ndzi ku: “I tiko leri mbilu ya rona yi lahlekeke, A va tivi tindlela ta mina,”