Yeremiya 13:18 - Xitsonga (Bibele)

¹⁸ Byela hosi ni nkosikazi, u ku: “Titsongahateni, mi tshamisa ehansi hikuva harhi ya vuhosi ya ku kwetsima ka n'wina yi wile etinhlokweni ta n'wina.”

BIBELE Mahungu Lamanene

¹⁸ HOSI Xikwembu xi ku ka mina: “Byela hosi ya tiko ni mana wa yona leswaku va suka exiluvelweni va tshama ehansi, hikuva harhi ya vona yo saseka ya vuhosi yi susiwile etinhlokweni ta vona.

Yeremiya 13:18 Referans Kwoze

Yeremiya 22:26

Ndzi ta mi cukumeta, wena ni mana wa wena la ku velekeke, etikweni rin'wana laha mi nga velekiwangiki kona, mi ta fela kona.

2 TIHOSI 24:12

Kavaloko Yoyakini, hosi ya Yuda, a huma eka hosi ya Babilona, a ri ni mana wa yena, ni malandza ya yena, ni tindhuna ta yena, ni vatsheniwa va yena. Kutani hosi ya Babilona yi n'wi teka, yi n'wi boha hi lembe ra ntlhanu na manharhu ra ku fuma ka yena.

2 TIHOSI 24:15

A yisa Yoyakini eBabilona; kutani a yisa evukhumbini mana wa hosi, ni vasati va hosi, ni malandza ya yona, ni vakulukumba va tiko, a va teka eYerusalema, ku va yisa eBabilona.

2 TIKRONIKA 33:19

Ni xikhongelo, xa yena ni ku hlamuriwa ka xona ni swidyoho swa yena, ni ku homboloka ka yena, ni ndhawu leyi a akeke eka yona tindlu ta switsunga, ni laha a yimiseke kona swifaniso swa Axera, ni swifaniso leswi vatliweke loko a nga si titsongahata, swi tsariwile etimhakeni ta vavoni.

Esaya 47:1

Xika, u tshamisa entshurini, wena nhwanyana, n'wana wa Babilona! Tshamisa ehansi, a ku na xiluvelo, wena, n'wana wa Vakalediya! Hikuva va nga ka va nga ha ku vuri loyi a titsetselelaka ni la rhandzaka mitsako.

2 TIKRONIKA 33:12

Kuteloko a ri ekhombyeni, a khongela emahlweni ka Yehovha, Xikwembu xa yena, a titsongahata ngopfu emahlweni ka Xikwembu xa vatata wa yena.

1 Petro 5:6

Hikwalaho titsongahateni ehansi ka voko ra matimba ra Xikwembu, leswaku xi ta mi tlakusa hi nkarhi lowu faneleke;

Yakobo 4:10

Titsongahateni emahlweni ka Hosi, kutani yi ta mi tlakusa.

Matewu 18:4

Hikwalaho un'wana ni un'wana la titsongahataka kukotisa n'wana loyi, hi yena la nga lonkulu eku fumeni ka matilo.

Yonasi 3:6

Kuteloko timhaka teto ti fike eka hosi ya Ninivha, yi suka exiluvelweni xa yona, yi susa nkhancu wa yona wa vuhosi, yi ambala nguvu yo khwaxa, yi tshamisa enkumeni.

Esaya 3:26

Tinyangwa ta Siyoni ti ta konya ti vovola, kutani u ta tshamisa ehansi a rila.

2 TIKRONIKA 33:23

A nga titsongahatanga emahlweni ka Yehovha hilaha Manase tata wa yena a titsongahateke hakona; hikuva yena Amoni a dyoha hi ku tlurisa.

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

Swirilo 2:10

Vakulu va nhwanyana wa Siyoni va titshamele ehansi, va timiyelela; Va ticherile tinhloko ta vona hi ntshuri, Va tibohile tinguvu leto khwaxa. Vanhwanyana va Yerusalema, va khomiwile hi tingana, va korhamele ehansi.

Eksoda 39:28

ni swihuku swa ntsembyana lowo saseka, ni swihuku swo bomba swa ntsembyana ni maburuku ya ntsembyana lowo saseka, leyi swuriweke,

Swivuriso 27:24

Hikuva ndzalo a hi ya malembe hinkwawo, Ni harhi ya vuhosi a yi tshami hi masiku.

Esaya 3:20

ni masingasoro, ni swiketanyana swa masindza ya milenge, ni madeveci;

Yeremiya 29:2

Hi loko hosi Yekoniya, ni nkosikazi, ni tindhuna, ni vakulukumba va Yuda ni va Yerusalema, ni vavatli ni vafuri va humile Yerusalema.

Yeremiya 36:16

Kuteloko va twa marito walawo hinkwawo, va tshuka, va langutana, va ku eka Baruku: “Hi ta byela hosi marito walawo hinkwawo.”

Swirilo 1:6

Vubombi hinkwabyo bya nhwanyana wa Siyoni byi herile, Vakulu va yena va fana ni tinhongo Leti nga voniki madyelo, Leti balekaka emahlweni ka lava ti hlongorisaka, ti heleriwe hi matimba.

Swirilo 1:9

Thyaka ra yena ri kona emadziveni ya nguvu ya yena, A nga anakanyangi ku hela ka yena, U wile hi mukhuva lowu hlamarisaka, a ku na loyi a n'wi chavelelaka. Yehovha, languta ku onhaka ka mina, hikuva nala wa tidzunisa.

Swirilo 5:16

Misingasoro yi wile etinhlokweni ta hina; Hi ni khombo hina, hikuva hi dyohile!

Ezekiele 16:12

Ndzi nghenisa xingwavila etinhompfini ta wena, ni swingwavila etindleveni, ni musingasoro lowo saseka, ndzi ku vehela enhlokweni.

Ezekiele 21:26

Hikuva hosi ya Babilona yi yime entileni lowukulu emahandzeni ya tindlela letimbirhi leswaku yi endla ku bvumbha; yi vangamisa miseve, yi vutisa swifaniso, yi kamba xivindzi.

Ezekiele 24:17

U hefemuteka u ri karhi u wisile; u nga endli xirilo xa lava feke: u boha duku ra wena enhlokweni ya wena, u vehela ni tintanghu ta wena emilengeni ya wena, u nga funengeti malebvu ya wena, u nga dyi vuswa bya vanhu.”

Ezekiele 24:23

Mi ta tshama mi bohile duku etinhlokweni ta n'wina, mi vehele tintanghu ta n'wina emilengeni; mi nga ka mi nga rili, ni loko ku ri ku kolola; kambe mi ta tsundzuka swidyoho swa n'wina, mi rila un'wana eka un'wana.

Ezekiele 44:18

Va ta vehela swihuku swa ntsembyana etinhlokweni ta vona, va vehela maburuku ya ntsembyana eswisutini swa vona; va nga tshuki va tikhama hi leswi nyukisaka.

Daniele 5:20

Kambe leswi mbilu ya yena yi kukumukeke, ni moya wa yena wu nga tikurisa hi ku tlurisa mpimo, u susiwile exiluvelweni xa yena xa vuhosi, a tekeriwa ni vukulukumba bya yena.

Yeremiya 22:24

“Ndza hanya, ku vula Yehovha, loko wa ngi Yekoniya, n'wana Yoyakimi, hosi ya Yuda, a kotisile xingwavila lexi tiyisiweke evokweni ra mina ra xinene, a ndzi ta n'wi chuputa kona!