Yeremiya 13:17 - Xitsonga (Bibele)

¹⁷ Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

BIBELE Mahungu Lamanene

¹⁷ Loko mi ala ku yingisa, ndzi ta ya rila exihundleni hikwalaho ka ku tikurisa ka n'wina; ndzi ta rila hi xiviti ndzi halata mihloti, hikuva vanhu va HOSI Xikwembu va yisiwile evukhumbini.

Yeremiya 13:17 Referans Kwoze

Malakiya 2:2

Loko mi nga yingisi, mi nga ku veki embilwini, mi dzunisa vito ra mina, ku vula Yehovha wa mavandla, ndzi ta rhumela ndzhukano ehenhla ka n'wina, ndzi rhuketela mikateko ya n'wina; ina, ndzi ta swi rhukana, hikuva a mi swi veki etimbilwini.

Yeremiya 14:17

Kutani u va byela rito leri, u ku: ‘Mahlo ya mina ma ta huma mihloti vusiku ni nhlekanhi, ma nga ka ma nga yimi; hikuva nhwana wa tiko ra mina u tlhaviwile; mbanga ya yena hi leyikulu, i mbanga leyo vavisa ngopfu.

Yeremiya 9:1

Loko ngi nhloko ya mina yi ri mati, ni mahlo ya mina ya ri miseledyana ya mihloti, vusiku ni nhlekanhi, a ndzi ta rilela vanhwanyana va tiko ra mina lava dlayiweke!

Pisalema 80:1

Rhiya ndleve, murisi wa Israele, Wena la fambisaka Yosefa, tani hi ntlhambi, Wena la tshamaka exikarhi ka tikerubu, Humelela eku vonakaleni ka wena!

Ezekiele 34:31

N'wina, tinyimpfu ta mina, ntlhambi lowu ndzi wu risaka, mi vanhu; mina ndzi Xikwembu xa n'wina, ku vula Hosi, Yehovha.”

Swirilo 2:18

Timbilu ta vona ti huwelerile eka Hosi. Rirhangu ra nhwanyana wa Siyoni, halata mihloti nhlekanhi ni vusiku u kotisa nambu! U nga tshuki u lava ku wisa, Tihlo ra wena ri nga tshuki ri tshika ku rila.

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.

Pisalema 119:136

Mahlo ya mina ma huma milambu ya mati lama khulukaka, Hikuva a va hlayisi nawu wa wena.

1 SAMIELE 15:35

Samiele a nga ha vonanga Sawulo a ko a fa; kambe Samiele a a rila Sawulo hikuva Yehovha a a vilela hi leswi a nga veka Sawulo hosi ya Israele.

Ezekiele 36:38

ku fana ni mitlhambi ya tinyimpfu leto kwetsima ku fana ni mitlhambi ya Yerusalema, emikhubyeni leyikulu, hi sweswo miti leyi ingi yi endliwile mananga, yi ta tala hi mitlhambi ya vanhu; hilaha va nga ta tiva leswaku hi mina Yehovha.”

Swirilo 1:2

U rila ni ku rila nivusiku, kutani mihloti ya xiririka emarhameni ya yena; Exikarhi ka varhandziwa va yena hinkwavo, a ku na la n'wi chavelelaka, Vanakulobye va yena hinkwavo va n'wi xisile. Va hundzukile valala va yena.

Yeremiya 23:1

“Va ni khombo varisi lava onhaka, lava hangalasaka ntlhambi wa madyelo ya mina,” ku vula Yehovha.

Yeremiya 22:5

Kambe loko mi nga yingiseri marito lawa, ndzi hlambanya ha mina, ku vula Yehovha; hakunene yindlu leyi yi ta hundzuka rhumbi.

Yeremiya 17:16

Kutani mina a ndzi alangi ku va murisi la ku landzaka hi le ndzhaku; kambe a ndzi navelanga siku ra khombo; wena wa swi tiva; leswi humeke enon'wini wa mina swi le mahlweni ka wena.

Esaya 63:11

Tiko ra yena ri tsundzuka masiku ya khale ya Muxe: u kwihi la nga va humesa elwandle, ni murisi wa ntlhambi wa yena? U kwihi la nga veka exikarhi ka vona moya wa yena lowo kwetsima;

1 SAMIELE 15:11

“Ndza vilela hi leswi ndzi vekeke Sawulo hosi, hikuva u ndzi fularhele, kambe a nga hlayisanga marito ya mina.” Kutani Samiele a holova, a huwelela eka Yehovha vusiku hinkwabyo.

Yeremiya 15:17

A ndzi tshamangi exikarhi ka vasandzi leswaku ndzi ya titsakela kona; kambe a ndzi tshama ndzi ri swanga hikwalaho ka voko ra wena leri ndzi khomeke, hikuva u ndzi tatile hi vukari.

Yeremiya 23:2

Hikwalaho, Yehovha, Xikwembu xa Israele, a nge eka varisi lava risaka tiko ra mina: “Mi hangalasile ntlhambi wa mina, mi wu hlongola, a mi wu kambelanga; vonani, ndzi ta tlherisela eka n'wina hi vumbabva bya ku endla ka n'wina, ku vula Yehovha.

Swirilo 1:9

Thyaka ra yena ri kona emadziveni ya nguvu ya yena, A nga anakanyangi ku hela ka yena, U wile hi mukhuva lowu hlamarisaka, a ku na loyi a n'wi chavelelaka. Yehovha, languta ku onhaka ka mina, hikuva nala wa tidzunisa.

Ezekiele 9:4

a ku eka yena: “Tsemakanya exikarhi ka muti, exikarhi ka Yerusalema, u fungha emombyeni vanhu lava hlunameke, lava rilaka hikwalaho ka manyala hinkwawo lama endliwaka exikarhi ka vona.”

Ezekiele 24:16

“N'wana wa munhu, vona, hi rifu ra xihluku ndzi ta ku tekela lexi rhandziwaka hi mahlo ya wena. U nga tshuki u rila, ni loko ku ri ku kolola mihloti ya wena yi nga khiriki.

Swirilo 3:48

Tihlo ra mina ri halata milambu ya mati Hikwalaho ka ku onhaka ka nhwanyana wa tiko ra mina.